السياره نوبيرا 2_2002

[بليغ عمرو]

السلام عليكم اعضاء المنتدي الكريم خبرتي بقيادة السيارات لا تتعدي (أ_ب) يعني باحبو ا ومعروض علي شراء سياره نوبيرا2_2002 فاود ان تفيدوني عن 1_عيوب ومميزات السياره وهل اشتريها ام لا وماذا تقترحون ان اشتري

[parq28]

النوبيرا مشكلتها الكبيرة في العفشة بتعتها ولكن مع الاهتمام الشديد بها تكون ممتازة وهي علي العموم سيارة جيدة بالنسبة لفئتها المالية ولكن في رأيي المتواضع اللانوس افضل منها وبالتوفيق بأذن الله

[الاسد المهاجر]

يعني الانوس افضل ولا النوبيرا

[ainshouka]

العربيه لو حالتها كويسه حتكون كويسه معاك ان شاء الله
تكييفها كويس
ثابته نوعا ما
يعني عند سرعات 100 و 120 لكن بعد كده مش بحب ازود السرعه

واسعه من الداخل
لو انت اغلب الوقت بتركب لوحدك او حد قاعد جنبك بتبقي عاليه برضه ومبتحكش في المطبات العاديه وبعض المطبات العاليه

شنطتها متوسطه يعني مش صغيرة ولاكبيرة اوي

عفشتها ناعمة مش ناشفه
العربيه هادية في تسارعها بس مش بطه

مشاكلها معروفه
عفشتها ضعيفة
يعني مركب جلب اصلي ولقيتني حغيرهم بعد 15 الف تقريبا
الرشاشات بتبوظ بعد فترة وبيتغيرلها برشاشات بي ام بس دي مواجهتنيش لسه
الصاج بتاعها ضعيف
غير كده مفيش اي مشاكل
هي في المجمل عربيه كويسه

[بليغ عمرو]

اشكر كم جميعا علي حسن نصحكم متمنيا لكم دوام الصحة والعافيه وللمنتدي دوام الرقي والتقدم

[Mido nubira]

السلام عليكم

انا معى نوبيرا 1 وسأخبرك كل شئ بالتفلى يل

المميزات:
_____________
1- واسعة جدا من الدخل
2-موتور dohc 1600 cc
3- عزم وقوة جامدة
4-ثبات على الطريق ممتاز حتى سرعة 190 او 195
5 - الشكل (كل واحد ورأيه)
6- السيارة حمالة اسية لأن كلمة نوبيرا تعنى (الذهاب لأى مكان)

العيوب :
_________
1- العفشة سيئة لكن مع الآهتمام تكون ممتازة
2_ الصاج خفيف قليلا

العربية بتشد جامد وبتجمع بسرعة
وافضل ان تشترى نوبيرا خليجى شكل ورفاهية افضل من الداخل

بالتوفيق