لمبه شيك انجن جوليت

[yasserino]

اولا احب اشكر كل الناس المحترمه اللى استفدت كتير جدا من مواضيعهم ربنا يجازيكو خير
انا مريت على مواضيع كتير فى قسم الدايو و صراحه قسم محترم جدا.
الموضوع:
انا اشتريت دايو جوليت موديل ٩٧
العربيه محترمه ولكن ظهر عندى حاجه وانا بمشى بعد فتره الاقى لمبه الشيك انجن تنور بعد نص ساعه او وقت مزوّد سرعه ل ١٠٠ تقريبا و بعدين تطفى .. أقف ابطل أدور تطفى
امشى ولا اى حاجه وبعد شويه ترجع تنور تانى أقف أدور تطفى :)

الموضوع التانى
درجه الحراره دايما فى النص هل ده طبيعى !
منتظر ردكم

[مصطفى-حسن]

الاعراض اللى انت بتوصفها بتاعة لمبة التشك دة حساس الشكمان عايز يتغير وبرضو للتاكد اعمل اسكان

ثانيا طالما المؤشر بتاع الحرارة تحت الشرطة اللى فى النص ولو بملى واحد يبقى الدنيا تمام

[yasserino]

شكرًا جزيلا أستاذ مصطفى ربنا يجازيك خير بس ليا سوْال تانى من فضلك
انا مؤشر الحراره فى النص دايما مش تحت هل ده علامه لحاجه ولا لازم أغير صوبه الحراره
ولا اسلك الريداتير واغسل دوره التبريد
بالنسبه للتشيك
هيا بتنور و تطفى كل فتره لما ابطل تطفى لو حطيطها على الاسكان هل كده يبان

[مصطفى-حسن]

لو المؤشر على الشرطة بالظبط يبقى كدة العربية بتسخن
واسباب سخونة العربية
1 - الكشف على المرواح عند الكهربائى
2 - ريداتير مكتوم
3 - دورة المية فيها سدد بسيط
4 - تقسيمة الكاتينة
5 - جوان وش السلندر
6 - وش السلندر نفسة

لكن لو المؤشر ما بيلمسش الشرطة اللى فى النص يبقى الدنيا تمام

بالنسبة للمبة التشيك لو بتنور وتطفى على السرعات يبقى زى ما قلت لك والافضل تعمل اسكان

[yasserino]

شكرًا جزيلا مصطفى بك