انقذونى السياره بتشرق مبدورش

[alassaby5]

السلام عليكم كل عام وانتم بخير المشكله تتلخص فى ان العربيه فى بدايه المشكله كانت لما تدور تفضل مبرجله لمده ثوانى ثم تتظبط المهم قعدت كده لمده اسبوعين وبعدين وانا مسافر فجئه تلتت المهم لاقيتها جايبه جوان مفيش مشكله غيرت الجوان وكله تمام المشكله ان العربيه مش عاوزه تدور بعدها ومفيش ميكانيكى عارف المشكله بدات افحر وادور لحد لما اكتشفت ان البوجيهات شغاله تمام ولاكن المشكله ان الرشاشات بترش بنزين مع عدم توقف وبالتالى بتشرق فمدورش فى حين انى جربت الرشاشات وهى تمام اذا المشكله تختصر ان الجزئ المتحكم فى فتح الرشاشات والعمل للرشاشات هو المشكله او الحساس المتحكم فما هو الحساس المتحكم او ايه اسباب جعل الرشاشات تعمل بشكل متواصل لدرجه ان العربيه تشرق واكون شششششششششششششششششششششكر جدا لو قمتم بالرد وارجوكم متابعتى او الرد ولو بمعلومه بسيطه ربما تكون الحل وشكرا

[Mecha]

If injectors faulty mpi type ,you will get consistent smoke
You have to put test light on injector plug and see
If intermittent signal is present which is good
If steady signal could be the ECU faulty
Tps and fuel pressure regulator could relate
To the problem as well .

[alassaby5]

شاكر جدا على الرد

[mhamed70]

عزيزي صاحب المشكلة
تحية طيبة وبعد
يوجد حساس أعلى المانفوليد عند بوابة الهواء هو المسؤول عن نسب خلط الوقود مع الهواء - ولما بيتملي ببخار زيت الموتور القادم من علبة التاكيهات بتحصل المشكلة الي عندك والعربية تبرجل أو تطفي بعد ماتدور وفي الأخر ماتدورش

الحل
علبة تنظيف بوابة الهواء ( air intake injection) من البنزينة ب 30 جنية ترش منها على الحساس ده وكمان على بوابة الهواء علشان تزيل مخلفات بخار الزيت وكمان تنظيف دورة الهواء بالموتور - وياريت منظف دورة وقود بالمرة مع تفويلة التنك علشان تنظيف الرشاشات

أن شاء الله حترجع بحالة جيدة
مع الشكر

[mhamed70]

نسيت أذكر أنه بجانب حساس نسبة الوقود والهواء يوجد حساس وضع البوابة TPS و ده المسئول عن تحديد وضع البوابة وبالتالي كمية الهواء الداخل - وده كمان بينضف مع أستخدام الair intake على البوابة وبالتالي بيحسن من أداء الموتور

[mhamed70]

https://www.google.com.eg/search?rlz=1C1GGGE_enEG628EG632&espv=2&biw=1600&bih=775&site=webhp&tbm=isch&sa=1&btnG=Search&q=lanos+ideal+sensor#tbm=isch&q=lanos+idle+sensor

[alassaby5]

شاكر جدا جدا جدا لسياتك على الاهتمام والرد وجارى العمل

[م. محمد نافع]

بص يا باشا
انت هتدوس علي دواسه الهواء (دواسه البنزين) للآخر
وتدور العربيه وانت دايس علي الدواسه
لو العربيه دارت يبقي فعلا دي مشكله بنزين زياده بسبب الرشاشات

[asas630]

هوا حضرتك عرفت ازاي ان الرشاشات مش بتبطل رش

سيبك من الرشاشات وشيك علي الاتي
تقسيمة غلط انت بتقول جبت جوان وغيرته ممكن يكون الميكانيكي قسم غلط
خرطوم الفاكيو بتاع الماب مش واصل او الماب نفسه بايظ
حساس كرنك
موبينة تالفة

وانا متابع معاك بالنتيجة

[alassaby5]

شكرا جذيلا لرد الاعضاء الكرام هو فعلا تقسيمه مخلوفه الراجل وهو بيركب طنبوره سير الكاتينه بدل الاتنين مع بعض لان الماتور 2 كامه وبالتالى 2 طنبوره واول لما خلفتهم انا بنفسى دارت وشكرا للجميع