سؤال لأصحاب الخبره... يعنى ايه الموتور قفش...؟

[@Ahmed@]

العربية كل ما احطلها مياه بتنزل من الشكمان
ودلوقتي مش بقيت بتدور خالص بتعمل صوت غريب كل لما اجى ادور
فى ناس قالتلى كده جيوان
وناس قالتلى الموتور قفش
طبعا كنا ف العيد والمكانيكيه قفلين
حد يعرف كده ايه...؟

[tameem2010]

لو العادم بيكون لونه ابيض زي بخار المياه والمياه بتنقص جدا
كل سنة وانت طيب
الموتور بح
على اقل تقدير ده وش سلندر

[@Ahmed@]

هى يتنزل مياه عاديه من الشكمان
والمياة بتنقص جامد بس علشان القربه اتخرمط
وكمان ف مياه بتنزل من عند الموتور كده من تحت

[فتح الباب]

الموتور قفش يعنى ارتفاع زائد فى الحراره ادى الى تمدد الاجزاء بالداخل مما تسبب فى اعاقة الحركه وكده يبقى عمره كامله وبرده على حسب نوع القفشه اما عن المياه من الشكمان فهى ناتجه عن جوان وش السلندر او شرخ فى الوش نفسه وربنا يعينك على الصنايعيه على كل حال ارجو اكون قدمت جزء بسيط من المراد معرفتك به ٠ تحياتى

[محمود السيد]

اعانك الله

[@Ahmed@]

الموتور قفش يعنى ارتفاع زائد فى الحراره ادى الى تمدد الاجزاء بالداخل مما تسبب فى اعاقة الحركه وكده يبقى عمره كامله وبرده على حسب نوع القفشه اما عن المياه من الشكمان فهى ناتجه عن جوان وش السلندر او شرخ فى الوش نفسه وربنا يعينك على الصنايعيه على كل حال ارجو اكون قدمت جزء بسيط من المراد معرفتك به ٠ تحياتى

فعلا هى ناتجة من ارتفاع درجه الحراره
بس الحمد لله طلع جيوان وش سليندر بس
وغيرتو بس العربيه الميكانيكى فاتحه كانت بتجيب مياه من كل حته
المهم هو عاملها ومشيت تمام الحمد لله
جبت الجوان ب25
ومصناعيه 150 بس مسك الموتور نضفه
وهروحله كمان يومين يبص عليها

[@Ahmed@]

اعانك الله

ربنا يكرمك