الفرق بين بنزين ٨٠ او ٩٢ شيفرولية لانوس ٢٠١٥

[dr youssef]

سؤال بعد اذنكم ?
هيحصل حاجه لو حطيت بنزين ٨٠ لشيفرولية لانوس ٢٠١٥ بدل ٩٢
وهل ده بياثر فعلا علي موتور العربية فيما بعد ?

[eisaa100]

طبعا يؤثر على المدى الطويل بلا شك
لو دى عربيه العمر بلاش 80
لو مرحله وهتعدى ممكن 80!!!!!!!!!!!!!!!!!!!

[parq28]

من وجهة نظري المتواضعة مفيش اي مشكلة غير ان حضرتك هتغير فلتر البنزين كل تغيرة زيت وهتحس ان السحب بتاع العربية قل شوية بس هتتعود عليه ولكن انصحك بالتخليط وهوا الانسب للتوفير والمحافظة وبالتوفيق بإذن الله

[eisaa100]

معذرة بالنسبه للفلتر 80زى 92 دا بيتوقف على نظافة محطات البنزين مش نوعه

[amoor89]

غير فلتر البنزين على فترات صغيره نسبيا وعدل فيشة الأوكتان على 80 هتفرق معاك فى السحب تماما

[pepo2011]

مفيش مشكلة من 80 المهم ركز مع الفلتر وبعد مثلا كل تفويلة 80 تحط 20 لتر 92 تنضف بيهم الدورة تاني مشكلة 80 ان الحريق بتاعه بطيء فبيهبب البوجيهات

[dr youssef]

يغني اغير فلتر البنزين كل كام كيلو تقريبا
وفي الطبيعي المفروض يتغير كل كام كيلو

[mo7eb elrasol]

انا لما بحط 80 بحس انى بعدم العربية
التجميع والحسب سيىء جدا مقارنة ب 92 والموتور بيحصل فيه زى زنه بسبب الانضعاط داخل المحرك
فعلا العربية بتتظلم بال 80 علما بان الموتور عاندى ماشاء الله حالته اكتر من ممتازة
العربية ال بيتحط ليها 80 عايزة مسايسة ومعاملة من نوع خاص( معاملة زوى الاحتياجات الخاصة)

[zendo]

انا لما بحط 80 بحس انى بعدم العربية
التجميع والحسب سيىء جدا مقارنة ب 92 والموتور بيحصل فيه زى زنه بسبب الانضعاط داخل المحرك
فعلا العربية بتتظلم بال 80 علما بان الموتور عاندى ماشاء الله حالته اكتر من ممتازة
العربية ال بيتحط ليها 80 عايزة مسايسة ومعاملة من نوع خاص( معاملة زوى الاحتياجات الخاصة)

طبعا كلامك صح اللى بيحط بنزين 80 وهو فاكرة ان هو بيوفر هو هيوفر بس اللى هيوفرة بعد كده هيصرفة على العربية لانه بيدمر الموتور لان فيه حاجة اسمها معدل انضغاط للموتور مكتوب فى كتالوج العربية وموصى به الصانع وهو غالبا من 9 -15 واالانوس اكيد 9 معدل انضغاط او اكتر اذن اقل بنزين ليها من حيث الاوكتان هو 92 وطبعا الخواجة مبيهزرش واتحدى اى حد انه بيحط 80 ومبيروحش للميكانيكى وايضا موتورة كابسة بيهرب فى وقت قليل عن العمر الافتراضى له

[eisaa100]

يا جماعه حرام عربيه2015 نحط لها بنزين 80
مش معنى ان ناس حطت 80 انه ينفع
بجد حرام وان افتاك الناس وافتوك!!!!!!!!!

[Ahmed abdkarim]

من وجهة نظري المتواضعة مفيش اي مشكلة غير ان حضرتك هتغير فلتر البنزين كل تغيرة زيت وهتحس ان السحب بتاع العربية قل شوية بس هتتعود عليه ولكن انصحك بالتخليط وهوا الانسب للتوفير والمحافظة وبالتوفيق بإذن الله

غير فلتر البنزين على فترات صغيره نسبيا وعدل فيشة الأوكتان على 80 هتفرق معاك فى السحب تماما

مفيش مشكلة من 80 المهم ركز مع الفلتر وبعد مثلا كل تفويلة 80 تحط 20 لتر 92 تنضف بيهم الدورة تاني مشكلة 80 ان الحريق بتاعه بطيء فبيهبب البوجيهات

ليه يا جماعة بتحسسونى ان البنزين ال 92 هو بنزين 80 بس اتصفى فى مصفة اضيق شوية فالشوائب اللى فى البنزين نزلت فبقى 92 ؟؟؟؟؟؟؟؟؟

الكلام ده غلط تمام البنزين ال92 مش انضف من ال 80 الاوكتان نفسه مختلف زى مثلا كوباية مايه فيها معلقة سكر و كوباية تانيه فيها ملعقة ونص مش بالظبط بس تقريبا حاجه زى كده

[MOTOR HEAD]

هو بنزين 80 او 92 مش بيتحدد على اساس السنه (2015) لأ

على اساس نسبه الانضغاط (cr) و بس

[zendo]

هو بنزين 80 او 92 مش بيتحدد على اساس السنه (2015) لأ

على اساس نسبه الانضغاط (cr) و بس

ايوة زى ما انا قلت نسبة الانضغاط والاوكتان ولو عربية موديل 80 ومعدل انضغاطها 9 لازم تحطلها 92 غير كده بدمر موتور العربية

[dr youssef]

يعني ٨٠ مينفعش خالص ?

[luckyman]

مداخله بسيطه للسائل في ناس هنا بتقول كلام خطير اوي وغلط جدا مع احترامي لجميع وجهات النظر
اولا بنزين 80 او 90 او 92 او 95 ايا كان مالهوش كلاقه بالفلتر وكله بنزين نظيف مفيش حاجه اسمها بنزين انظف من التاني
وفي ناس بتقول مفيش فيها حاجه وبيؤثر علي المدي البعيد ده كله كلام مردود عليه جمله وتفصيلا وكلام غير دقيق وخطأ
ممكن يقطم لك عمود الكرنك نتيجه الاجهادات بتعمل زي عصر او لي في العمود غير الاجهادات علي جدران الشميز او السلندر والشنابر انت بكده بتدمر الموتور
بص البنزين 80 ببساطه سريع الاشتعال اسرع من بنزين 92 وهكذا بنزين 95 ابطيء من بنزين 92 الخ
تعتمد زي ما الناس قالت علي نسبه انضغاط سيارتك الملائم لسيارتك هو بنزين 90 وبما انه مش متوفر يبقي الاعلي منه وهو 92 ولو علشان الناحيه الاقتصاديه وتوفر ممكن تخلط بنزين 80 مع بنزين 92 مثلا لو بنسب متساويه حيبقي عندك بنزين 86 او الحل ان لو سيارتك مزوده بفيشه الاوكتان تغير التوصيل لظبطها واعتقد غالبا لانوس 2015 غير مزوده بفيشه الاوكتان والله اعلم اتأكد برضه
خلاصه الكلام لو حطيت بنزين 80 حيحصل اشعال مسبق مسبب ظاهره التسقيف او الدق وزي ما قلت لك حيأثر علي الموتور وممكن يكسر الكرنك او حاجات تانيه اقلها يهلك المحرك وبسرعه والكراسي والشنابر وجدران الاسطوانات يعني محركك حيبقي مهوي اسف علي الاطاله بس اضطريت لان لقيت الناس مستخفه بالموضع وبالنتائج السلبيه المدمره غير انك بترمي فلوسك في الارض مش بتاخد المحتوي الحراري الموجود في البنزين لانه بيولع بدري هذا والله الموفق والمستعان واعلم ودمت بود