سيارتى نوبيرا مش بتدور ارجو المساعدة

[saif hamdy]

السادة الأفاضل
تحياتى لحضراتكم
سيارتى نوبيرا بريميم موديل 2000 أتوماتيك
فى مره بطلت بدون اى سابق انذار
خفت ادورها الا لما كشفت عن سير الكتينه فى مكانه ولا اتقطع
المهم لقيته سليم فدورت - دارت كويس
بعد يومين بطلت تانى
حاولت ادور مش بتدور نهائى غير لما العربيه تبرد
واحيانا لما بتدور كانت كانها مخنوقة ولما باضغط على دواسة البنزين كانها مش موجوده ومؤشر ال RBM نازل عن المعدل الطبيعى 1000
واحيانا لما بتدور لمبة الباور بتظهر وجمبها لمبة اتشك انجن لكن مش باستمرار
بعد اسبوع بمجرد ما امشى بيها 5 دقائق تبطل تانى

جه واحد ميكانيكى رش منظف على البوابه وغيرنا البوجيهات مفيش اى فايده
قالى لازم تكشف عليها بالكمبيوتر
جه واحد كهربائى معاه بلوتوث obd 2 وركبه فى العربيه مظهرش اى أعطال مسجله على كمبيوتر السياره
بالصدفه الميكانيكى حرك الفيشه اللى فى صدر العربيه اعتقد انها حساس خارج منها خرطوم داخل على البوابه
العربيه كانت شغاله فبطلت بمجرد لمس الفيشه
الآن العربيه مش بتدور نهائى مهما حاولت ادورها والمارش صوته طبيعة ومفيش اى فيوز محروق
ومع تكرار المحاولات البطاريه ضعفت وخلصت شحنها ومازال السياره مش بتدور
ايه السبب ارجو الإفاده من فضلكم
واسف على لاإطاله
تحياتى

[asas630]

شيك علي طرمبة البنزين

[الزعيم]

غالبا طرمبة البنزين

[saif hamdy]

شكرا على الرد
طلمبة البنزين باسمع صوتها بعد فتح الكونتاك
شلنا خرطوم البنزين قبل الفلتر وفتحنا كونتاك ضخ بنزبن
كذلك خرطوم بعد الفلتر ضخ بنزبن
ركبنا طلمبة أخرى والعطل مستمر

[asas630]

شكرا على الرد
طلمبة البنزين باسمع صوتها بعد فتح الكونتاك
شلنا خرطوم البنزين قبل الفلتر وفتحنا كونتاك ضخ بنزبن
كذلك خرطوم بعد الفلتر ضخ بنزبن
ركبنا طلمبة أخرى والعطل مستمر

اخبار الموبينة ايه لو شيكت عليها وكانت تمام (يبقي مصدر البنزين الي هوا الطرمبة تمام ومصدر الاشعال تمام )

يبقي انتا عندك حساس كرنك اكيد

[saif hamdy]

اخبار الموبينة ايه

لما كانت العربيه بتدور اختبرها الكهربائى وشال الكبلات على التوالى وقربه مسافة 3 سم تقريبا وكانت بيحصل شرز كهرباء شديد فى الأربع أسلاك
واستبعد عطل الموبينه

[saif hamdy]

اخبار الموبينة ايه لو شيكت عليها وكانت تمام (يبقي مصدر البنزين الي هوا الطرمبة تمام ومصدر الاشعال تمام )

يبقي انتا عندك حساس كرنك اكيد

شكرا يا باشمهندس
حساس الكرنك اين مكانه فى السياره وبكام سعره -
وهل لو فيه عطل يمنع تشغيل السياره نهائى
ولما كانت السياره بتدور وتبطل لوحدها كان هو السبب
ولو هو السبب كانت بتدور الأن مستحيل بتدور
طيب الحساس اللى فى صدر العربيه لما اتهز السياره بطلت - بعدها شال الفيشه وركبها تانى دارت العربية

[asas630]

لما كانت العربيه بتدور اختبرها الكهربائى وشال الكبلات على التوالى وقربه مسافة 3 سم تقريبا وكانت بيحصل شرز كهرباء شديد فى الأربع أسلاك
واستبعد عطل الموبينه

الحاجة الي تخلي العربية متدورش غير الطرمبة والموبينة

1-حساس كرنك
2-فيوز ecu الكنترولر يكون محروق

شيك عليهم

[asas630]

شكرا يا باشمهندس
حساس الكرنك اين مكانه فى السياره وبكام سعره -
وهل لو فيه عطل يمنع تشغيل السياره نهائى
ولما كانت السياره بتدور وتبطل لوحدها كان هو السبب
ولو هو السبب كانت بتدور الأن مستحيل بتدور
طيب الحساس اللى فى صدر العربيه لما اتهز السياره بطلت - بعدها شال الفيشه وركبها تانى دارت العربية

حساس الكرنك مكانه في المكنة من تحت يمين حتلقيه راكب امام ترس عشان يحدد زاويه الكرنك لل ECU
اعراض تلفه العربيه تبطل وهيا سخنه وتشتغل وهيا بارده ولما يبوظ خالص العربيه عمرها مادور


حساس الي في صدر العربية ده اسمه MAP وده الي بيقيس الضغط بتاع مانيفلد السحب والعربية بطلت لما شال الخرطوم عشان هيا كانت مبرجلة اصلا

لان في العادي لو شيلت الخرطوم ده المكنة مش بتبطل rpm بيعلي او بينزل شوية

[saif hamdy]

حساس الكرنك مكانه في المكنة من تحت يمين حتلقيه راكب امام ترس عشان يحدد زاويه الكرنك لل ecu
اعراض تلفه العربيه تبطل وهيا سخنه وتشتغل وهيا بارده ولما يبوظ خالص العربيه عمرها مادور


حساس الي في صدر العربية ده اسمه map وده الي بيقيس الضغط بتاع مانيفلد السحب والعربية بطلت لما شال الخرطوم عشان هيا كانت مبرجلة اصلا

لان في العادي لو شيلت الخرطوم ده المكنة مش بتبطل rpm بيعلي او بينزل شوية

شكراً جزيلا يا باشمهندس أحمد ربنا يزيدك من علمه
هاغير حساس الكرنك وهاعرف حضرتك النتيجه ان شاء الله

[saif hamdy]

بعد 3 ايام العربيه عند الكهربائى
رجعها لى اليوم والعيب كما هو
قالى غيرت الموبينه بواحده تانيه + غيرت حساس الكرنك بواحد تانى ( استيراد الاثنين ) + طلمبة البنزين شغاله بدون مشاكل والعيب كما هو
رجعها لى شغاله دايره لكن لمبة الموتور موجوده فى الطابلون ودى مكنتش موجوده قبل ما تروح له
قال لى ان العيب فى بوابة الهواء هو اللى عامل المشاكل دى وقال لى غير البوابه لكن بعد ما تركب بوابه لازم تدخل تانى على الكمبيوتر وتعمل توليف للبوابه الجديده ( طبعا انا مش عارف يعنى ايه توليف اللى بيقوله دا )
والعربيه دايره لمست الحساس اللى فى صدر العربيه بعدها بطلت ولمبة الباور ظهرت لما بافتح كونتاك واجى ادور مش بتدور ولما بارجع احرك الحساس دا لمبة الباور بتطفى والعربيه بتدور لكن لمبة الاتشك الخاصه بالموتور موجوده
والعربيه بتبطل كما هى
هل فعلا اغير البوابه ولا ممكن تتنضف
وهل اشترى البوابه استيراد ولا اشوف موجود منها جديد ولا ممكن تتصلح ؟
وكام سعرها فى الحالتين

افيدونى ارجوكم

[asas630]

بعد 3 ايام العربيه عند الكهربائى
رجعها لى اليوم والعيب كما هو
قالى غيرت الموبينه بواحده تانيه + غيرت حساس الكرنك بواحد تانى ( استيراد الاثنين ) + طلمبة البنزين شغاله بدون مشاكل والعيب كما هو
رجعها لى شغاله دايره لكن لمبة الموتور موجوده فى الطابلون ودى مكنتش موجوده قبل ما تروح له
قال لى ان العيب فى بوابة الهواء هو اللى عامل المشاكل دى وقال لى غير البوابه لكن بعد ما تركب بوابه لازم تدخل تانى على الكمبيوتر وتعمل توليف للبوابه الجديده ( طبعا انا مش عارف يعنى ايه توليف اللى بيقوله دا )
والعربيه دايره لمست الحساس اللى فى صدر العربيه بعدها بطلت ولمبة الباور ظهرت لما بافتح كونتاك واجى ادور مش بتدور ولما بارجع احرك الحساس دا لمبة الباور بتطفى والعربيه بتدور لكن لمبة الاتشك الخاصه بالموتور موجوده
والعربيه بتبطل كما هى
هل فعلا اغير البوابه ولا ممكن تتنضف
وهل اشترى البوابه استيراد ولا اشوف موجود منها جديد ولا ممكن تتصلح ؟
وكام سعرها فى الحالتين

افيدونى ارجوكم

اولا انا بعتذر اني اصريت ان المشكلة من حساس الكرنك واتضح ان العيب مش منه
ولكن بعد ما قرات موضوعك تاني لاقيت ان النوبيرا الي معاك اوربي يعني بوابة كهربا وديه مش موجودة في معظم ملاكي النوبيرا في مصر الي عندنا واير وده الي خلاني مصر علي راي

اولا البوابة الكهربا ممكن تعمل الاعراض الي عندك لو باظت
سبب تلفها تنظيف الميكانيكي ليها بالاسبراي
هات واحدة استيراد كاملة بحساس الايدل (بس مش عايزك تمل جرب واحدة واتنين لحد خمسة لان ممكن تصدف وتكون الي انتا جبتها بايظة برده ومتدورش العربية)
اتمني لك التوفيق ان شاء الله

[Khaled Lanos]

انا عندي بوابة فاضية من غير حساسات للبيع لو تلزمك قلي

[Mecha]

ممكن المشكله في فيشة الماب او هو نفسه ودا يقدر يبطل المكنه ، غيرهم
حساس الكرنك بيبتدي بتعتيل الدواره لحد ما يقطع
تماما ، البوابه بحساسها بيبتدوا برعشه ع السلانسيه

[saif hamdy]

رحت تركيل المركز الكورى اللى فى بنها صاحبه واحد اسمه الشيخ بهاء النجار على بجوار مصنع العربى
اول ما رحت قال لى طلمبة البنزين مش شغاله وغيرها وبصعوبه دارت العربيه
اول ما دارت لقينا صوت ارتفاع وانخفاض فى العربيه
وعداد ال rpm بيعلى ويوطى
قال للى عنده غيره الكنترول
جابوا واحد استيراد وعيروه ونفس المشكله موجوده
قال لهم غيروا البوابه
جابوا بوابه استيراد ونفس المشكله موجوده
فى الاخر بص لى وبكل بساطه قال لى العربيه دى عاوزه يتعمل لها ضفيره من الاول
شال الكنترول بتاعهم والبوابه ورجع كل شيء لأصله تانى ما عدا طلمبة البنزين اللى ركبوها بدال بتاعتى
يعنى من الاخر جرب دى مطلعتش يبقى جرب التانيه وهكذا لحد ما يخربوا بيت صاحب العربيه
قلت لمسئول التوكيل دا العربيه دى مفيهاش ضفيره لانى لسه شاريها وكانت من يومين بتشتغل طبيعى
ربنا ألهمه انه يجيب لمبة اختبار ويشيل الفيشه الخاصه بالبوابه ويجرب الاسلاك
طلع سلك مش واصل لفيشة الكنترول أول ما وصل له كهربا العربيه ظبطتت ولمبة الاتشك طفت وصوتها هدى وكل شيء تمام
مشيت سافة 5 كيلو والعربيه بطلت تانى
وبدات محاولات التدوير تانى وبدون دوى
واحد جالى معاه جهاز كمبيوتر تانى كشف لقى حساس الماس مسجل عطل فى ذاكرة كمبيوتر العربيه
شاله وعمل له تنضيف وركبه - وحذف العطل المسجل فى الذاكره
العربيه دارت كويس ومشينا بيها مسافة 50 كيلوا كتجارب مبطلتش فيهم ولا مره
قال لى لو بطلت تانى يبقى دا لازم يتغير واللى يقول لك بوابه وطلمبة بنزين يبقى عاوز يعمل عليك شغل وفى الاخر مش هتتحل مشكلة عربيتك غير لما تغير الحساس دا
رجعنا تانى لحساس الماب

النهارده من ساعه بطلت العربيه

سألت فى منطقتى على حساس الماب فى شوادر الاستيراد مش موجود
انا ساكن فى ميت غمر

معقول حساس زى دا يطلع عنين اللى حلفونى ويغلب توكيل عربيات بجلالة قدرهم وكهربائى معروف انه هيرو العربيات الحديثه
وفى الاخر واحد مغمور لسه فاتح جديد يكتشف العطل لكن للاسف مش لاقيين الحساس

أرجو من الأخوة الأفاضل يدلنى الاقيه فين
هل يوجد جديد أو استيراد اى شيء المهم عذاب العربيه دا ينتهى لانى تعبت من اشتغالات الصنايعية