مشكله بعد تغيير جوان وش السلندر

[حسن الجمال]

يا جماعه انا عند ميكانيكي. في فيصل والعربيه كانت سخنت وجابت جوان المهم غيرته وقفلنا العربيه النهارده
بس المشكله العربيه مش مظبوطه متلته والموتور مش داير كويس
والميكانيكي محتاس غيرنا طقم بوجيهات وسلك بوجيهات والموبينا سليمه
وفي الموال دا طول النهار وفي الاخر في انتظار واحد عنده جهاز اتفق معاه يجي بكره يكشف
حد عنده حل ولا افكار لاني مش عارف حد تاني غيره

[tareksakr]

معظم الميكانيكيه لما بيغيرو جوان و؛ السلندر بيكسلوا ينضفوا الكستبانات اللي في وش السلندر فتلاقي العربيه بعد تغيير الوش تدور بصعوبه جدا وتفضل متلته لازم يفك الوش وينضف الكستبانات

[حسن الجمال]

الميكانيكي مصمم انه عمل كل حاجه صح وجاب كهربائي بص علي العربيه وطبعا معرفش حاجه والنهارده هايجيب واحد معاه اسكانر
وانا زهقت منه شكله مش فاهم حاجه
لو حد عارف ميكانيكي محترم في الهرم وفيصل يقولي

[حسن الجمال]

الميكانيكي مصمم انه عمل كل حاجه صح وجاب كهربائي بص علي العربيه وطبعا معرفش حاجه والنهارده هايجيب واحد معاه اسكانر
وانا زهقت منه شكله مش فاهم حاجه
لو حد عارف ميكانيكي محترم في الهرم وفيصل يقولي

[tareksakr]

في ميكانيكي ممتاز في العجوزه لو تحب ابعتلك رقمه

[asas630]

الميكانيكي مصمم انه عمل كل حاجه صح وجاب كهربائي بص علي العربيه وطبعا معرفش حاجه والنهارده هايجيب واحد معاه اسكانر
وانا زهقت منه شكله مش فاهم حاجه
لو حد عارف ميكانيكي محترم في الهرم وفيصل يقولي

محمد عبده شارع العشرين في الهرم
الناس هنا كلها بتشكر فيه انا ما اشتغلت معاه للأسف لأَنِّي من اسكندريه

[حسن الجمال]

الحمد لله العربيه اتظبطت بس دوخت وطلع عيني
الصراحه الميكانيكي طلع كويس
والاحسن منه الكهربائي اسمه حسام وشغال في توكيل جيب
راجع العربيه كلها وفي الاخر قالي الكنترول مش شغال كويس الرشاشين واحد واربعه مش شغالين
وقالي ع مهندس إلهامي في الحرفيين وكشف ع الكنترول وقالي فيه قافله في اي سي الرشاشات وصلحه ربنا يبارك لهم ناس محترمه واهم حاجه فاهمه
ورجعت ركبته الموتور ظبط بس العربيه مش مظبوطه والمرواح بتشتغل
الكهربائي قالي غير حساس الكولانت
وفعلا والحمد لله بعد ما غيرته العربيه اتظبطت وكل دا من الحراره
جوان وش السلندر ومشتملاته
قفله ف اي سي الرشاشات
قفله ف حساس الكولانت
سبب السخونه ايه ؟ ما انا لازم احفر واوصل
طلع طبه مياه في خلف الموتور هما اتنين غيرتهم سعرهم 20 جنيه
كلفوني اكتر من 1700 جنيه
والحمد لله

[Mo Dayem]

اذا سمحت ممكن تبعتلى رقم الاستاذ اللى معاه الاسكانر محتاجه يكشف على عربيتى لانوس وان اتو

[حسن الجمال]

اذا سمحت ممكن تبعتلى رقم الاستاذ اللى معاه الاسكانر محتاجه يكشف على عربيتى لانوس وان اتو

اولا اسف على التأخير في الرد
هو اسمه حسام ورقمه 01012111814 كان شغال في اوبل ودلوقتي في جيب
هو في شارع سهل حمزه ما بين الهرم وفيصل بعد شارع العريش