معدل استهلاك بنزين النوبيرا2

[tamertito88]

السلام عليكم - اخوكم جديد هنا بقى ربنا كرمني و جبت نوبيرا 2 1999 اوروبي موتور 1500 العربية بتتعب اوي مع التكييف مع العلم ان المكنة خفيفة - بس سمعت ان معدل استهلاك النوبيرا عالي في البنزن 92
السؤال هل في اي تعديلات بتتعمل - تخففف من الاستهلاك شوية ؟؟ و ايه المتوسط السح لاستهلاكاتها ؟؟ وشكرا اخوتي الافاضل

[hema111]

وعليكم السلام ورحمة الله
اولا الف مبروك على العربية
أما بالنسبة لتحسين اداء السيارة بصورة عامة يجب تغيير فلتر الهواء وفلتر البنزين وممكن تجيب طقم بوجيهات بلاتينيوم (سعره حوالى 120 جنيه تقريبا) وتغير الزيت وفلتر الزيت وتعمل تشك على سلوك البوجيهات علشان لو محتاجة تتغير تغيرها وكمان ممكن تضيف زيت شمبر ابرو على زيت الموتور طالما ان المكنة خفيفة
و بالنسبة لاستهلاك البنزين فى النوبيرا بصفة عامة بيكون من 6 الى 7.5 كم لكل 1 لتر بنزين تقريبا داخل المدينة و من 12 الى 15 كم لكل 1 لتر بنزين على الطرق السريعة حسب طبيعة القيادة ومشغل التكييف ولا لا
وبالتوفيق ان شاء الله