رصاصة الجانط وعلامة الصراصة على الكاوتش

[Badrowi]

استاذ ممدوح
انا من اسبوع تقريبا الاكوتش الامامى يمين دخاه مسمار برمة 5 سم
فى نص الكاوتش
ورحت لحمت الفردة ومرضيتش احط خابور
ولاحظت بعدها عن الفرملة ان باشم ريحة زى ريحة اللحام مع سفارة بسيطة
وبعدين فة نهاية الاسبوع لما جيت اسافر مشوار
لقيت الطارة بتغربل لطريقة عمرى ماشوفتها وكان ده على سرعة 100
رجعت من الطريق لاقرب بتاع كاوتش قالى نكشف على الترصيص
وقبل ما يكشف بص بعينه بس على الاربع فرد وقالى دول زيرو مش محتاجين ترصيص
بش المشكله ان العلامة اللى على الكاوتش بتاعة الرصاصة خلفت من مكانها قدام الرصاصة اللى على الجنط وغاية ما هناك لف الفردة الكاوتش بس
بعدها علس سرعة 150 كم كاتنت الطارة زى الفل الحمد لله
السؤالين بقى
هل عند حل فردة الكاوتش لازم اراعى النقطة دى
ثانيا انا باحس ان الفردة دى لحد الوقت ضغط الهوا فيها بيكون اعلى من ال3 فرد التانين مع ملاحظة انى بازود الكاوتش بايدى على طول
فهل دى مشكلة تانية مش ظاهرالى

[msobhy]

بش المشكله ان العلامة اللى على الكاوتش بتاعة الرصاصة خلفت من مكانها قدام الرصاصة اللى على الجنط وغاية ما هناك لف الفردة الكاوتش بس

انا اسف بس ممكن حضرتك تفهمنى تقصد ايه

[Hany A Fattah]

اولا المفروض بعد مل ترصص العجل لازم تعمل علامه قدام البلف على الكاوتش علشان لما تفك العجله ترجع تظبط العلامه على البلف فيكون الترصيص كده فى مكانه الصح

تانيا لوضغط الهوا بيكون اعلى فى الفرده دى عن الباقى حاول بعد ما تمشى مسافه تبص عليها سخنه عن الباقى ولا لا لو سخنه يبقى هو ده السبب ودا من الفرامل

[Badrowi]

شكرا للرد

تضيح للعضو الاول
احنا عندنا نوبيرا 2008
كاوتش جود يير
لو ركزت فى الرسومات اللى على جانب الكاوتش بمحاذاة الطاسة هتلاقى علامة شبه الرصاصة بالضبط ونفس حجمها وحوليها دايرتين من اليمين
ودايرة من الشمال
لما بتاع الكاوتش بص على الفردة علشان يرصصها لقى حالة الجنط (طبعا الاستوك اللى جاى معاها) سليمة قالى علامة الرصاصة (وليس الرصاصة) خلفت من مكانها قدام الرصاصة اللى على الجنط نتيجة فك الكاوتش واعادة التركيب عند اللحام

[msobhy]

انا الكاوتش بتاعى ميشلان
هل المفروض الاقى فيه العلامة ديه
يا ريت لو عند حضرتك صورة توضيحية

[Sameh]

انا الكاوتش بتاعى ميشلان
هل المفروض الاقى فيه العلامة ديه
يا ريت لو عند حضرتك صورة توضيحية

أستاذ صبحى ، دى مش علامات فى الكاوتش ، هو كان عامل ترصيص للفردة دى (قطعة رصاص تعادل وزن زيادة فى الفردة من الجهة الأخرى عشان ماتعملش رفة) وبعدين إحتاج يفك الكاوتش عشان يلحم مكان المسمار ، لما ركب الكاوتش على الجنط تانى مجاش فى نفس مكانه ، يعنى حصل لفة شوية ، فكدة بقت الرصاصة دى فى مكان غلط مش قدام الحتة الزيادة ، المهم مابقتش مظبوطة ، الصنايعى عرف كدة من العلامة اللى كانت سايباها قطعة الرصاص على الكاوتش ، فلف الكاوتش تانى زى الأول وكله بقا تمام

[Akram]

يا جماعة بيبقى في كل كاوتش علامة في الغالب دائرة و بتبقى ملونة احياناً و طبعاً اللون بيختفي بعد فترة من الاستخدام ,
و دي وظيفتها انك تخليها امام البلف و لما تعمل ترصيص تعمله و هي قدام البلف و لو العجلة اتخرمت و فكتها يبقى لما تركبها تخللي العلامة قدام البلف و ده ممكن يخليك مش محتاج ترصص كل مرة يتخرم فيها الكاوتش ,
و كلام سامح ممكن يكون سليم ان الرصاص بتبقى مِطبّعة على الكاوتش و على الجنط في نفس الوقت و بتبقى باينة على الجنط اكتر ,
عموماً لو الكاوتش اتخرم و هتفكه يبقى قول للراجل يعمل علامة قدام البلف علشان يركب الكاوتش بعد اللحام في نفس العلامة,
و لو هترصص الكاوتش يبقى خد بالك تخللي العلامة قدام البلف.

[MMamdouh]

يا جماعة بيبقى في كل كاوتش علامة في الغالب دائرة و بتبقى ملونة احياناً و طبعاً اللون بيختفي بعد فترة من الاستخدام ,
و دي وظيفتها انك تخليها امام البلف و لما تعمل ترصيص تعمله و هي قدام البلف و لو العجلة اتخرمت و فكتها يبقى لما تركبها تخللي العلامة قدام البلف و ده ممكن يخليك مش محتاج ترصص كل مرة يتخرم فيها الكاوتش ,
و كلام سامح ممكن يكون سليم ان الرصاص بتبقى مِطبّعة على الكاوتش و على الجنط في نفس الوقت و بتبقى باينة على الجنط اكتر ,
عموماً لو الكاوتش اتخرم و هتفكه يبقى قول للراجل يعمل علامة قدام البلف علشان يركب الكاوتش بعد اللحام في نفس العلامة,
و لو هترصص الكاوتش يبقى خد بالك تخللي العلامة قدام البلف.

+1

MMamdouh

[Sameh]

لو ده المقصود يبقا أنا فهمت بعيد خالص