عايز اشترى عربية نوبيرا موديلها مش اقل من 2005

[ahmed19869]

عايز اشترى نوبيرا موديل 2005 او 2006 او 2007 او 2008 وتكون مانيوال وعداد قليل اعلى حاجة تكون ماشية 100 الف مش اكتر ، ويفضل فابريكة بالكامل بره وجوه وتكون حالة ممتازة ولو مش فابريقة على الاقل تكون راشة جنبين للنضافة مش اكتر واخرى فى العربية دى 50000 لحد 57000

[tata2011]

ابعد عن الاتوماتيك فى النوبيرا بالذات

[ahmed19869]

انا بعيد تمام البعد عن النوبيرا الاوتوماتيك ، ومبفكرش غير فى المانيوال منها

[tamertito88]

صعب شوية في الرينج ده ممكن هتوصل ل 60 بالمواصفات دي

[ahmed19869]

ياباشا انا محدد لحد 57000 وممكن تزيد بسيط وتكون 60 بس الاقى الحالة اللى تستاهل لكن تبقى عربية حالة ، انا شوفت واحدة فابريكة بره وجوه 2005 فى الزقازيق وخلصت 55 وعداد 102000 لون فستقى ، وعربية حالة ولولا حظى النحس انى وانا بدور اتشغلت يومين فببص على الجديد لقيتها ، اتصلت بصاحبها قالى فيه واحد جاى يتفرج عليها ، وانت ممكن تتفرج ، ورسيت على اللى سبق ربنا يباركله فيها ، قدامى خلصت ب 55000 ، وده لسة من ايام بسيطة

[ahmed19869]

انما باجى ابص الاقى واحدة 2006 وماشية 185000 يعنى برضه اتهرت مشي والاقى صاحبها يقولك مش اقل من 60 ، والكلام ده بيفضلوا شهور بيعرضوا فى عربياتهم ، الزبون مبقاش زى زمان ، الزبون دلوقتى عايز يشترى حاجة تمشيه على الاقل 4 سنين يدور ويركب ، انما مش ياخدها سنة وبعدين يعمرها ، و بعدين سنتين ترجع تخف وتقفش وتدور على تغيير ماكينة ، يبقى حرام المبلغ ده يتدفع فيها

[alassaby5]

يا ريت تبص على حاله العربيه لانها هى اللى بتحكم عليها مش العداد لان عداد النوبيرا من اسهل العدادات اللى بيتلعب فيها وممكن يرجع اويتقدم فى منتهى السهوله فتاكد من حاله العربيه اهم شى

[ahmed19869]

ياباشا تأكد انى هحكم على حالة العربية وانه يتلعب فيها ولا لا ، الحمدلله مش هقولك انا لكن معايا ناس بفضل الله اصحابى افضل منى بكتير فى المجال ده ، وهمه اللى بيشوفوا معايا وانا عندى معرفة كويسة برضه وصدقنى مشوفتش عربية عدادها عالى وصوتها كويس الا برضه القصة كلها فى كبس الماكينة ، عمره بعد الكيلوات اللى مشيها هيكون بحالته يعنى يادوبك تمشيك سنتين وبعدين تعمرها ، رؤيتك فى الحاجات دى مهمة متنساش انك لما بتطلب نوبيرا بتشتريها ليك وللسوق ، ولازم لما تبيعها بعد استخدام 3 او 4 سنين يكون عدادها معقول عشان فرصها فى البيع تكون احسن وتكون برضه عربية حالة زى ما بتحب تشترى لنفسك تحب برضه تبيع لغيرك وده الاهم الامانة

[tamertito88]

العربية اللي في الزقازيق دي كان لونها ايه ؟؟؟ و فين في الزقازيق بالظبط ؟؟؟ عشان انا شفت كذا عربية هناك قبل ماشتري

[tamertito88]

انا عربيتي نوبيرا2 اوروبي 1999 جايبها ب 48 الف و لسة هغيرلها شورت بلوك يعني قول 50 الف فابريكة جوة صالون زيرو رشة برة تكييف تاتش عداد 200 الف - ربنا يكرمك و تقع في واحدة حلوة - بس مش عارف سحبتها مش قد كده يعني الافيو بتشد اسرع منها بكتييييير يمكن عشان الماكينة خفيفة و فيها سبيكة ؟؟ هههههه افيدونا يا اهل العلم هل فعلا سحبها وحش ؟؟ الفيتيس عادة

[ahmed19869]

العربية دى يا باشا لجهلى بالزقازيق قابلنى بيها عند كوبرى اسمه كوبرى الزراعة ناحية كلية الزراعة بعد ما تطلع تنزل تاخد شمال عند المخبز الالى تقريبا ومنطقة كلها كده مؤسسات انا نزلت وسألت ووصلت عن طريق التليفون ، بس من ملاحظاتى ان الزقازيق فيها عربيات كتير حلوة اوى

[ahmed19869]

فتيس عادة وسحبها وحش ولا وحش اوى ، عموما هى النوبيرا تقيلة شوية فى طلعتها بس لانها تقيلة لكن سحبها وحش دى غالبا عشان سيادتك الماكينة خفيفة ، اعرضها عند ميكانيكي كويس بتثق فيه ، وانا شايف انك استعجلت فى شرا العربية دى ، بسبب موديلها وسعرها ومشيها

[tamertito88]

كان لونها اسود ؟؟ من هرريا ؟؟ لو هي يبقى احمد ربنا انك ماحدتهاش