محتار قوى فى النوبيرا

[dr@Sar7an]

بعد إذن أهل الخبره. انا عايز اشترى نوبيرا ، بس قريت كلام كتير ملخبطنى ، عايز الزتونه فى المقارنه بين النوبيرا المصرى والخليجى والاوروبى ، الاعطال والعيوب واستهلاك الوقود وكل حاجه ، ياريت بسرعه علشان قدامى كزا عربيه وخايف اختار من غير ماسال
أخوكم عضو جديد هنا ،، د/ محمود

[aboomar22]

النوبيرا عربية جميلة لو حالتها كويسة واسعة وثابتة وقطع غيارها ببلاش واعتمادية يمكن عيوبها عفشتها ضعيفة شوية وخصوصا جلب المقصات لكن الجلب نقول تتكلف 200 جنية وتتغير حسب استعمالك متوسط سنة تبقى مش مشكلة الفرق بين الاوربى والمصرى والكورى هقولك فى المانوال خد اللى حالته احسن وسيبك من كلام التقفيل الاحسن الاتوماتيك يبقى الاوربى الفتيس اللكهرباء مش الواير

[dr@Sar7an]

متشكر عل الرد ، بس انا حاليا بشوف نوبيرا ١ اوروبى مانيوال ، كانت معاقين وفكت. هل الاوروبى فيه مشاكل زى ماقريت هنا ولا عادى ماخافش منه ؟

[modyegypt]

ما فيش مشاكل فى اى مانوال
المشاكل فى الاوتومتك لسوء الاستخدام والصيانة وليست فى التصنيع

[hosar]

توكل على الله بس أكشف عليها كويس لو حالتها كويسة توكل على الله

[dr@Sar7an]

متشكر جدا يا جماعه على الاهتمام ، انا بخلص حاليا فى نوبيرا ١ موديل ٩٧ اوروبى ، لسه بس الكشف النهائى ، بس برضو قدامى لانوس ٢٠٠٢ والاتنين حالتهم حلوه وانا محتار ،، ايه رايكو !!!!

[RedBull_30]

ما فيش مشاكل فى اى مانوال
المشاكل فى الاوتومتك لسوء الاستخدام والصيانة وليست فى التصنيع

بصراحة بؤايدك في ردك ..
الاغلبية فهمين ان الاؤتوماتيك حط ال d ودوس ..
مفيش ال n في الاشارات ولا في تغيير زيت في المعاد .

[theman]

النوبيرا عربية جميلة لو حالتها كويسة واسعة وثابتة وقطع غيارها ببلاش واعتمادية يمكن عيوبها عفشتها ضعيفة شوية وخصوصا جلب المقصات لكن الجلب نقول تتكلف 200 جنية وتتغير حسب استعمالك متوسط سنة تبقى مش مشكلة الفرق بين الاوربى والمصرى والكورى هقولك فى المانوال خد اللى حالته احسن وسيبك من كلام التقفيل الاحسن الاتوماتيك يبقى الاوربى الفتيس اللكهرباء مش الواير

طيب انا بفكر اجيب نوبيرا 2 انهي افضل مانيوال ولا اوتوماتيك انا بصراحة ميال اكتر للاوتوماتيك وانهي موديل احسن في النوبيرا من 1999 لحد 2008 وهل الاحسن الاوروبي ولا الخليجي ارجو الرد