لمبه الزيت

[Mo Dayem]

لانوس 1 99
لسه مغير زيت من حوالى شهر ممشينش عليه 800 كيلو. بس لمبه الزيت كل شويه تنور ولما ادوس بنزين تنطفى وبعد شويه تنور تانى. قست الزيت لقيته مش بينقص الحمد لله.
هل ده ممكن يكون طلمبه الزيت ولا مشكله كهربا. بس انا لا اعتقد انها كهربا لان لو كهربا مش هتطفى اللمبه لما ادوس بنزين .ولا ايه .
مع العلم ان كان فى تسييل زيت من تحت الماتور على خفيف كده من فتره كبيره. والعربيه كانت ماشيه عادى وبرضوا الزيت مش بينقص

حد عنده فكره عن الموضوع ده

[Mecha]

لو الزيت والفلتر وساعة الزيت بوصلاتها كويسين
كدا المتور عاوز عمره
السبايك بتهرب وتغيير الطرمبه مش حل

[Mo Dayem]

لو الزيت والفلتر وساعة الزيت بوصلاتها كويسين
كدا المتور عاوز عمره
السبايك بتهرب وتغيير الطرمبه مش حل

بس يا باشا
لا الشكمان بيطلع عادم ليه لون
ولا الزيت بينقص ولا العربيه مبتسحبش
ولا العزم قليل فى المطالع او مع التكييف
يبقى عمره ليه

[Mecha]

باشا ، للاسف الناس مفهومها عن العمره
الشمبر وحبك الكبس والعادم بس
لكن العمره مفهومها رد مقاسات المكنه لحدود مسموح بيها
ومن اهمها خلوص عمود الكرنك مع الكراسي والبيلات
خلوصات التاكيهات ًوعمود الكامه وغيره تفاصيل صغيره في المكنه
وكل دا حق المكنه علي كم عالي
وبردك فيه ناس بتقرص تجيب ٦ الاف لفه وترمح علي الطريق ١٥٠
كل دا بينحر ويزود خلوصات المكنه وضغط الزيت يضعف
ولو دا ضعف الخبط يقرب والمكنه تتكسر
شيك الاول الزيت والساعه والفلتر
تحياتي

[Mo Dayem]

الزيت تمام مش بينقص
والنهارده باذن الله اشيك على الساعه وطرمبه الزيت ويارب تكون حاجه فيهم وبس
علشان اشيك عليهم محتاج ميكانيكى بس ولا لازم اسكانر و جهاز اعطال

[Mo Dayem]

العربيه عامله 127000 كم لانوس 1 اوتو لسه مغير زيت كاسترول من بنزينه طاقه وده كان بعد قشط الوش وتغير جوان وحساس كرنك وابوجيهات واسلاك من حوالى شهر ونص مع العلم اننى اقصى سرعه ليا على العربيه دى كانت 130
ولمبه الزيت مش بتنور طول ما الطريق مفتوح مجرد ما تهدى وانت داخل على اشاره تنور لمبه الزيت ولو بس دوست بنزين اللمبه تطفى.

[Mecha]

الكم دا مش كتير لو المتور نفس الكم مش متغير
او جايه من سواقه مفتريه.
ايا كان ، مش هتحتاج اسكنر
وفيه حاجه كمان مهمه وهي سرعة السلانسيه
المفروض متقلش عن ٧٠٠ لفه للمنوال و ٧٥٠ للتومتيك
، معرفش الكسترول اللي خطيته لزوجه كام
المهم خليك قرب 15w40
وعلي الله تيجي هينه

[Mo Dayem]

سرعة السلانسيه 750 للاوتوماتيك
يعنى ايه يا باشا 750
ودى بتبان فى فين او اظبطها ازاى

[Mecha]

دي سرعة المكنه من غير اكسيراتير
لو عندك عداد rpm في الطبلوه هتشوفها
او خلي الميكانيكي يظبطها

[Mo Dayem]

Rpm شغال بس 1 & 2 & 3 و كده

[Mo Dayem]

ساعه زيت جى ام من ابو الحسن ب 45 جنيه

[Khaled Lanos]

تأكد من فلتر الزيت انه مش مضروب

[Mo Dayem]

الحمد لله كانت ساعه الزيت هى السبب
و اتغيرت
شكرا لاعضاء نايل موتورز

[Mecha]

مبروك ,جت هينه