إعـــــــلان

Collapse

.

,
See more
See less

ارجووو المساعدة عربيتى عجيبة مش عارف اوصل لحل

Collapse
X
 
  • Filter
  • الوقت
  • Show
Clear All
new posts

  • ارجووو المساعدة عربيتى عجيبة مش عارف اوصل لحل

    انا اشتريت عربيتى لانووس 2 موديل 2002 و الصراحة كانت حلوة فول ابشن
    و جبتها بسعر حلو 40000 الف و حالتها تمام مفيش خبطات
    المهم سيبتها عند واحــد صديق يظبطها اكتر و يشوف المطلوب لها
    علشان انا جديد فى الكار و مش عاوز اشتكى منها ع طووول
    و ياريتنى اخدها ع طووول و بندم ع كدة بس هو الصراحة كان عاوز يخدمنى
    اللى عملوا بقى غير زيت و الفلتر و ركبلى اسبيلر و كامرا خلفية بالشاشة و شحنلى التكييف
    و اللى ضرنى فيه انو جاب اسبراى مش فاكر اسموا المهم دور العربية و فك خرطوم العمة و قعد يرش فى فتحة البوابة و يدوس بنزين و الشكمان يطلع دخنة سمرا و هو فرحان بكدة و خلص العلبة عليها
    المهم بداية المشكلة
    ===============
    العربية بدأت تعمل مدافع و هى ماشية من وقت لتانى
    و عذبتنى بعد كدة و جيت فى يوم مفيش سحب خالص زيرو زى ماتقوول اتكتمت
    قال دا من الدينمو مش بيشحن غيرو طلع العيب مش منو و بعدين قال طرمة البنزين العيب زى ماهو لحد ماغير طقم الرشاشات بالمسطرة
    طب ياعم ركب الدينموا بتاعنا تانى يقول شوف بتاعكم معملوا كتاووت خارجى
    طب الطرمبة البنزين يقول شوف معملها كوبرى احمد ربنا مولعتش ف العربية
    المهم سيبت اللى ركب ركب دفعتلوا 750 ج فى كلو
    العربة تمام كدة بس بتقطع بعد كام يوم و الشكمان بيعمل تفتفة غريبة كدة غيرنا رشاشات تانى و الراجل بتاع قطع الاستيراد شاف العربية قال غيروا مواسير البنزين باستيرا اخدناهم و روحنا للميكانيكى غيرهم و هو بيركبهم كسر الماسورة من تحت الخطين بتوع البنزين المهم ركبلهم وصله بافيس قولت بقى اخودها البيت و خلاص و اصلحها عند الميكانيكية اللى حوليا
    اخدها لواحد المهم كل دا و العربية بقت بتتاخر فى الدوارة الصبح يعنى قول كدة من عاشر مرة ممكن تدور و اللى روحتوا جابلى فلتر جديد و سلوك بيجوهات و بيجوهات و اسبراى بتاع الانجيشكشن علشان ينضف البوابة بالحساسات بتاعتها خلع البوابة و نضفها زى طريقتكم و غير سير الكاتيية العربية بقت تمام بس سحبها مش مقنع ليا مش زى الاول و بعد كام يوم رجعت تقطع و الحسب قل يعنى التالت يجيب 40 بالعافية و انا دايس ع الاخر

    المهم اخر حاجة روحت لراجل بتاع الرشاشات نضفها و حكيتلوا ع اللى حصل قام خلع البيجوهات و قال حرام عليك ركب 4 مستعملين من عندوا بتوع واحد نظفهم و ركبهم و جاى يركب الرشاشات بعد مانضفهم كل لما يركبوا يسيلوا بنزين يركب و يفك حوالى 7 مرات واللعى يعنى زهق بجد4 يحاول معاها المهم جربت العربية ياسلام هى دى العربية رجعت زى الاول بتجرى سحب ميه ميه


    المهم معلش طولت عليكوا

    النهاردة بعد ما رجعت من عند الراجل بتاع الرشاششات و انا مبسوط امبارح

    جيت ادورها دارت اول مرة
    جيت ادوس بنزين اسخنها شوية
    زى ماتقولوا اكن دواسة البنزين بتكم العربية مش بتزود بنزين و تطفى اجى اشغلها تانى مش عاوزة
    رجعت تدور بعد عاشر مرة و المرة دى اسواء م اللى قبلوا الشكمان بيتفتف اوووى ة العربية شوية و ترجرج


    قومت اقفلتها وروحت الشغل موصلات

    انا زهقت الصراحة

    ياريت اللى متابع من خبراء و مشرفين الدايو يردوا

  • #2
    غالبا عندك مشكلة في البوابة و تقريبا بتعلق بتفتح و مش بتقفل عشان كدة بتلاقي البنزين مسيل ع الرشاشات و البوجيهات و ده بيخلي العربية بتشرق و ماتدورش و اكيد حتلاقي ريحة بنزين عند الموتور و تلاقي البنزين خارج مش محروق من الشكمان. خلي الميكانيكي يكشف عليها و بيتهيألي ممكن تتصلح او غيرها بواحدة استيراد و ان شاء الله مشكلتك تتحل.
    azahra سابقا

    Comment


    • #3
      بص يافندم مشكلة حضرتك تنحصر في بنزين وكهربا لكن الموضوع مش سهل للاسف لان حضرتك غيرت حاجات كتير للاسف لازم تروح لحد بيفهم شوية وهاتتعب شوية معلش لانك هاتراجع علي كل حاجة تاني
      وبالتوفيق
      [SIGPIC][/SIGPIC]

      Comment


      • #4
        اكبر خدعه وضرر للعربيات للانجيكشن
        تنضيف البوابه
        معلومه عرفتها وتاكدت منها
        محدش يقرب ناحيه البوابه باءي سائل منظف
        [SIGPIC][/SIGPIC] ياتقول كلام في محله يا تقول حلو ياحلو
        [url]/photos/a.879931698703941.1073741827.879900435373734/879931905370587/?type=1[/url]

        Comment


        • #5
          المفروض بنضف البوابه والمكنه واقفه
          ونتاكد من التبخر
          لكن صاحبك معرفش قعد يرش ايه والمكنه دايره
          ودخان اسود طلع اكيد دخل للايدل
          وبردك اكيد هباب جامد في العادم طال حساس الاكسجين
          واسواء حاجه بكون رش حاجه اثرت علي الصبابات والشنابر
          تحياتي
          http://www.nilemotors.net/Nile/455933-a.html
          http://www.nilemotors.net/Nile/455752-2.html
          http://www.nilemotors.net/Nile/454825-a.html

          Comment


          • #6
            شكرا ليكم جميعا
            ===================

            بس كنت عاوز اعرف ليه و انا مثلا مهدى ع التانى و سرعتى 10 بحس الشكمان بيعمل صوت و ساعات العربية تقف منى !! بس لو ع التانى من سرعة 20 تبقى العربية تمام

            تانى حاجة عندى لما باجى امون بنزين ع الاخر بتوقع من تحت العربية يعنى من نص العربية من تحت بيقولوا خرطوم الفايز مش فاهم علاجو ايه

            تالت حاجة بتاكل بنزين كتير يعنى الصفيحة تعملها 90 كيلو عندى مش عارف من ايه حساس شكمان ولا بوابة ولا ايه

            Comment


            • #7
              ابقي اتاكد من الكويل كمان

              Comment


              • #8
                طالما لسه حاصله قريب
                تقدر تحل البوابه والايدل كنترولر
                وتنضفهم بره كويس ب throttle body cleaner
                وينشفوا
                وحساس الاكسجين يتخل وبفرشه سلك
                تشيل الكربون من علي الاخرام
                http://www.nilemotors.net/Nile/455933-a.html
                http://www.nilemotors.net/Nile/455752-2.html
                http://www.nilemotors.net/Nile/454825-a.html

                Comment


                • #9
                  مشكلتك فى البوابة البوابة عمرها ما تتنضف باى سائل ممكن تمسحها من جوة بمنديل ورق بس غير كده انت هتبوظها وهى اكيد باظت واكيد محتاج بوابة هتغير بوابة بالحساس بتاعها والعربية هتتظبط معاك وابقى حط فى التانك سائل منظف مع التفويلة وبس والدينمو مالوش علاقة بكل ده وابقى غير طرمبة البنزين وهات جديدة احسن وروح لحد كويس ومضمون اسال عندك على صنايعى كويس وروحلة بنفسك من غير ما يكون معاك حد

                  Comment


                  • #10
                    زميلي العزيز اولا لازم تمنع تسريب البنزين طبعا ولازم الميكانيكي يشوف حتي لو خرطوم الراجع لازم يتربط كويس لانه طبعا خطر وطبعا يعتبر بنزين رايح في الارض
                    لازم البوابة تتحل تاني والحساسات كلها ولازم تكشف عالطلمبة برضو
                    [SIGPIC][/SIGPIC]

                    Comment


                    • #11
                      المشاركة الأصلية كتبت بواسطة zendo مشاهدة المشاركة
                      مشكلتك فى البوابة البوابة عمرها ما تتنضف باى سائل ممكن تمسحها من جوة بمنديل ورق بس غير كده انت هتبوظها وهى اكيد باظت واكيد محتاج بوابة هتغير بوابة بالحساس بتاعها والعربية هتتظبط معاك وابقى حط فى التانك سائل منظف مع التفويلة وبس والدينمو مالوش علاقة بكل ده وابقى غير طرمبة البنزين وهات جديدة احسن وروح لحد كويس ومضمون اسال عندك على صنايعى كويس وروحلة بنفسك من غير ما يكون معاك حد
                      +١١١١١١١١١١١
                      منديل فقط لا غير
                      [SIGPIC][/SIGPIC] ياتقول كلام في محله يا تقول حلو ياحلو
                      [url]/photos/a.879931698703941.1073741827.879900435373734/879931905370587/?type=1[/url]

                      Comment

                      Working...
                      X