قربة المية بتنقص في اللانوس 1

[theman]

سلام عليكم انا معايا لانوس 1 موديل 99 عندي مشكلة قربة الميه بتنقص لوحدها كل ما اجي امشي بيها لازم ازودها ولو مزودتهاش 3 او 4 مشاوير لما اجي افتح ازودها الاقيها فاضية في ناس قالتلي ان ده طبيعي في اللانوس يا ريت لو حد يعرف المشكلة دي يدينا النصيحة جزاكم الله خير

[fathiazab]

غير غطاء القربة بواحد أصلي. وڜوف كدة

[Abo_Mazen]

حط مياه ملونه وبص على الوصلات كلها شوف فيها نشع مياه ولا لأ..وشوف فيه مياه بتطلع من الشكمان ولا لأ

[مداح القمر]

في كذا سبب ممكن يكون خرطوم مقطوع و بيسرب المياه .. يعد ما تمشي مشوار محترم افتح غطاء القرية بشويش بشويش لحد ماتفرغ الهواء وساعتها بص على كل الخراطيم وشوف لو في اي تسريب .
اسوء الاحتمالات انه يكون جوان وش سلندر قياريت تبص على الزيت شوف لونه عامل وي الطحينة ولا لأ

[picaso55]

https://youtu.be/dAkMwo9Wz7U

الفيديو ده مفيد قوي وجدته علي النت

[ehabahmed0]

- حط مياه خضرا ودور العربيه فتره وبعدين افتح الكبوت وراجع خراطيمك ووصلاتك
- شوف فيه مياه نازله من الشكمانز
- لاحظ وانت بتفتح الغطا بتاع القربه بعد ما تكون مشيت مشوار...هل فيه صوت يدل ع وجود ضغط ف القربه لما تفتح الغطا ولا لا؟