إعـــــــلان

Collapse

.

,
See more
See less

أعراض جديدة لضبط فيشة الأوكتان أرجو الرد

Collapse
X
 
  • Filter
  • الوقت
  • Show
Clear All
new posts

  • أعراض جديدة لضبط فيشة الأوكتان أرجو الرد

    في البداية أود ان أقدم الشكر لكل أعضاء المنتدى الكرام لما وجدته من حسن المعاملة وسرعة الاستجابة ومشاعر الاخوة والادب واللياقة اخص بالشكر خبراء اللانوس الاستاذ العبقري عصام غنايم والاستاذ محمد ممدوح والاستاذ طارق والاستاذ ظريف ومتأسف لو فيه حد انا مش عارفه فقال النبي صلى الله عليه وسلم : لم يشكر الله من لم يشكر الناس... وهؤلاء الناس أصحاب فضل فأنا احب هذا الجمع الكريم جدا وأسأل الله سبحانه أن يجمعنا بهذا الحب في جنة الخلد مع أشرف الخلق محمد صلى الله عليه وسلم
    ادخل في الموضوع باختصار
    من كام يوم حاولت أنفذ موضوع ضبط فيشة الاوكتان مع اني قرأته في المنتدى من أكتر من سنتين لكنى مشغول والحقيقة بتحرج اقف في الشارع ومعنديش جراج
    المهم ضبطها على بنزين ٨٠ طبعا وبعدها حسيت بقوة وعزم في العربية ما شاء الله وتوفير في البنزين . وكنت فرحان جدا اني قدرت اعمل حاجة بأيدي ودعيت لاعضاء المنتدى بإخلاص وحب
    لكن ...
    بدأت أحس بسخونة في العربية جاية من التابلوه عند كرسي القيادة بحسها اوي عند رجليا
    بالاضافة الى ان مؤشر الحرارة بقى عالى من الاول . لكنه لم يصل الى قبل النصف بدنشة
    والسخونة انا بخاف منها لانها كانت سبب في تغيير وش السلندر معايا وتغيير دورة التبريد بالكامل من ستة شهور تقريبا وكلفتني مبلغ مش بطال
    فأنا قلقان وخاصة في الايام الغالية دي
    آسف جدا على الإطالة لكنه من قبيل الحب اتمنى الرد
    [SIZE="5"] اللهم إني أعوذ بك من زوال نعمتك وتحول عافيتك وفجاءة نقمتك وجميع سخطك [/SIZE]

  • #2
    اخي الفاضل بنزين 80 بيحتاج حرق اكتر مما ينتج عنه حرارة اكبر وده اللي حصل مع حضرتك عادي جدا
    زي ماتكون مثلا حطيت 80 في عربية عادية بيحتاج منك تدوس دوسة اكبر شوية عشان العربية تسحب وتمشي وتجمع المهم العربية حرارتها ماتزدش وتتابعها في الغليان وبالتوفيق
    [SIGPIC][/SIGPIC]

    Comment


    • #3
      أشكر حضرتك على الرد...وافهم من كلامك انه لا داعى للقلق من هذه السخونة..وخاصة فما حدث لي من جراء هذه السخونة من ذي قبل...؟؟؟
      اتمنى من باقي الاخوة الادلا برأيهم
      اشكر حضرتك مرة تانية
      [SIZE="5"] اللهم إني أعوذ بك من زوال نعمتك وتحول عافيتك وفجاءة نقمتك وجميع سخطك [/SIZE]

      Comment


      • #4
        الشكر لله فقط
        لكن طالما السخونة في حدود الامان المسموح مفيش مشكلة خصوصا ان الفارق مش كبير طبعا لانها استاندرد قبل النص بشرطة
        لكن طبعا لاقدر الله ماحدث لك سابقا اكيد الحرارة تخطط هذه العلامات

        وبرضو تابعها والاخوة الاعضاء معانا هايردو عليك
        [SIGPIC][/SIGPIC]

        Comment


        • #5
          اعزك الله بالإيمان..
          وبخصوص ما حدث للسيارة من قبل ..كلام حضرتك صحيح كانت المية بتنقص كل يوم واحيانا كانت العربية بطلع بخار من الكبوت والناس كانت بتلفت نظري فالشارع..وكانت كل يوم بغير حاجة ..إما الكوعة والترموستات..أو حاجة من شجرة خرطيم التبريد ..أو طبات المية في الموتور..إلى أن جابت جوان وتخطى الأمر الى وش سلندر
          فسبب قلقي هو السخونة كعرض جديد ظهر بعد ضبط فيشة الاوكتان على بنزين ٨٠ ..وانا دائما عيني على مؤشر الحرارة والقربة صباحا ..مفيش نقص الحمد لله..
          اللهم تلك الحرارة الصادرة من التابلوه
          أشكر حضرتك..ويسعدني جدا أن تقبل صداقتي
          [SIZE="5"] اللهم إني أعوذ بك من زوال نعمتك وتحول عافيتك وفجاءة نقمتك وجميع سخطك [/SIZE]

          Comment


          • #6
            مفيش حد يرد .. يا اهل البيت الكبير ..نايل موتورز
            [SIZE="5"] اللهم إني أعوذ بك من زوال نعمتك وتحول عافيتك وفجاءة نقمتك وجميع سخطك [/SIZE]

            Comment


            • #7
              جرب تركب ردتير اكبر
              http://www.nilemotors.net/Nile/455933-a.html
              http://www.nilemotors.net/Nile/455752-2.html
              http://www.nilemotors.net/Nile/454825-a.html

              Comment


              • #8
                المشاركة الأصلية كتبت بواسطة fathiazab مشاهدة المشاركة
                اعزك الله بالإيمان..
                وبخصوص ما حدث للسيارة من قبل ..كلام حضرتك صحيح كانت المية بتنقص كل يوم واحيانا كانت العربية بطلع بخار من الكبوت والناس كانت بتلفت نظري فالشارع..وكانت كل يوم بغير حاجة ..إما الكوعة والترموستات..أو حاجة من شجرة خرطيم التبريد ..أو طبات المية في الموتور..إلى أن جابت جوان وتخطى الأمر الى وش سلندر
                فسبب قلقي هو السخونة كعرض جديد ظهر بعد ضبط فيشة الاوكتان على بنزين ٨٠ ..وانا دائما عيني على مؤشر الحرارة والقربة صباحا ..مفيش نقص الحمد لله..
                اللهم تلك الحرارة الصادرة من التابلوه
                أشكر حضرتك..ويسعدني جدا أن تقبل صداقتي
                اسف اخي لتاخري في الرد
                صداقتك ةسام علي صدري وتاج علي راسي اخي الكريم
                طالما الميه مظبوطة يبقي الحمدلله وخير
                الحرارة من التابلوه وارد يكون حاجة مفتوحة او لباد اتشال من مكانة
                شوف سروجي او كهربائي يراحعلك عيه غير كده ماتخفش
                وحضرتك حاسس بالحرارة لان الجو برد طبعا فطبيعي تشعر بيها داخل السيارة
                لكن في الصيف مش هاتحس باي حاجة
                وشوف بوابة التكيف لو مفتوحة هاتدخل هوا سخن برضو
                [SIGPIC][/SIGPIC]

                Comment


                • #9
                  استاذنا المحترم.. زادك الله حسن خلق .. واكثر من امثالك .. وحفظك من كل سوء
                  اليوم عرفت سبب المشكلة وهي ان المراوح كانت عطلانة بسبب قافلة في علبة فيوزات الحوض
                  والكهربائي عملها وده كان سبب زيادة الحرارة
                  وغيرت مية الريدتير كمان بنفسي مياة خضرا امريكي سعر العبوة 40 جنيه ملقتش حاجة انضف عندنا غير النوع ده وبدأت الحرارة ترجع لمعدلها الطبيعي
                  انا عاجز عن الشكر ..سعيد جدا بصداقتك ..جمعنا الله في الدنيا على الحب وفي الاخرة في جنة الخلد
                  اخوك فتحي عزب
                  [SIZE="5"] اللهم إني أعوذ بك من زوال نعمتك وتحول عافيتك وفجاءة نقمتك وجميع سخطك [/SIZE]

                  Comment


                  • #10
                    المشاركة الأصلية كتبت بواسطة mecha مشاهدة المشاركة
                    جرب تركب ردتير اكبر
                    اشكر حضرتك على الاهتمام والرد...المراوح كانت واقفة وما اخدتش بالى لان الجو شتاء ..الحمد لله
                    [SIZE="5"] اللهم إني أعوذ بك من زوال نعمتك وتحول عافيتك وفجاءة نقمتك وجميع سخطك [/SIZE]

                    Comment


                    • #11
                      المشاركة الأصلية كتبت بواسطة fathiazab مشاهدة المشاركة
                      استاذنا المحترم.. زادك الله حسن خلق .. واكثر من امثالك .. وحفظك من كل سوء
                      اليوم عرفت سبب المشكلة وهي ان المراوح كانت عطلانة بسبب قافلة في علبة فيوزات الحوض
                      والكهربائي عملها وده كان سبب زيادة الحرارة
                      وغيرت مية الريدتير كمان بنفسي مياة خضرا امريكي سعر العبوة 40 جنيه ملقتش حاجة انضف عندنا غير النوع ده وبدأت الحرارة ترجع لمعدلها الطبيعي
                      انا عاجز عن الشكر ..سعيد جدا بصداقتك ..جمعنا الله في الدنيا على الحب وفي الاخرة في جنة الخلد
                      اخوك فتحي عزب
                      اخي العزيز الحمدلله ان حضرتك توصلت للعيب بس الكلام ده غير منطقي شوية
                      المراوح مش شغالة والحرارة مش بتعلي فوق النص ولا الميه بتغلي؟؟
                      صعب دي مهما كان الجو شتا بس عموما خير الحمدلله
                      [SIGPIC][/SIGPIC]

                      Comment


                      • #12
                        المشاركة الأصلية كتبت بواسطة fathiazab مشاهدة المشاركة
                        اشكر حضرتك على الاهتمام والرد...المراوح كانت واقفة وما اخدتش بالى لان الجو شتاء ..الحمد لله
                        الله يكرمك
                        معني كدا المكنه كانت بتسخن ، حتي ببنزين ٩٢
                        لكن ايه سبب القفله ، مش فيه فيوزات حمايه ولا دايرة المراوح متعدله
                        وشكرا
                        http://www.nilemotors.net/Nile/455933-a.html
                        http://www.nilemotors.net/Nile/455752-2.html
                        http://www.nilemotors.net/Nile/454825-a.html

                        Comment


                        • #13
                          المشاركة الأصلية كتبت بواسطة pepo2011 مشاهدة المشاركة
                          اخي العزيز الحمدلله ان حضرتك توصلت للعيب بس الكلام ده غير منطقي شوية
                          المراوح مش شغالة والحرارة مش بتعلي فوق النص ولا الميه بتغلي؟؟
                          صعب دي مهما كان الجو شتا بس عموما خير الحمدلله


                          كلام حضرتك سليم ودليل فهم مش شخص بيفتي دون مدح في عقليتك
                          هقولك ..لاني بخاف من السخونة ..جاء القدر بعطل المراوح متلازم مع ضبط فيشة الاوكتان فكان اغلب ظنى ان سبب السخونة هي تلك الفيشة فكانت لما تسخن اركن وافتح الكبوت حتى تبرد ولم ارجع الفيشة للوضع الاول حتى استشير اخوتي في المنتدي ..لكن الهمني الله لان اراقب المراوح..حتى انني نزعت فيشساعة الحرارة فلم تعمل وكانت هي دي المفارقة اللي الهمتني الحل
                          ارفع قبعة الاحترام لحضرتك
                          [SIZE="5"] اللهم إني أعوذ بك من زوال نعمتك وتحول عافيتك وفجاءة نقمتك وجميع سخطك [/SIZE]

                          Comment


                          • #14
                            معني كدا المكنه كانت بتسخن ، حتي ببنزين ٩٢
                            لكن ايه سبب القفله ، مش فيه فيوزات حمايه ولا دايرة المراوح متعدله
                            وشكرا[/quote]

                            لا يا اخي العزيز الدايرة ليست معدلة...المكنة كانت بتسخن ..ولاني اتكويت من دورة التبريد قبل كدة كنت باخد العربية بالراحة جدا لدرجة اني كنت بروح مشوار بشيط في اكثر من ساعة
                            وسبب القافلة على حسب كلام المستر البروفسير الكهربائي ان علبة فيوز الحوض فيها حاجة غلط وطبعا هو عمل الواجب..طبعا حاولت اصدقه لاني شاري العربية مستعملة مش زيرو..
                            اشكر حضرتك على الاهتمام والرد بارك الله فيك
                            [SIZE="5"] اللهم إني أعوذ بك من زوال نعمتك وتحول عافيتك وفجاءة نقمتك وجميع سخطك [/SIZE]

                            Comment


                            • #15
                              انا ياجماعة عدلت فيشة الاوكتان علي بنزين 80 العريبه لانوس 97 مبقاش في تسقيف بس السحب قل ده اي مشكلنه ممكن الرد

                              Comment

                              Working...
                              X