مساعدين اللانوس الخلفي

[angel83]

السلام عليكم معي شيفروليه لانوس 2015 اول ماكنت جايبها زيرو رحت عند عفشجي قلتله عايز اعلي العربيه من ورا عشان متحكش معايا في المطبات وعلاها بس قلي اغير ليك المساعدين ورا بالمره عشان بينزلو في العربيه دي خفاف ووحشين المهم علي العربيه من ورا فقط وغيرلي المساعدين اللي ورا بمساعدين kyb ياباني المهم ما ارتحتش بسبب عدم الثبات والدبدبه ورا فروحتلو تاني عشان يشيل العلايات فشالهم الثبات الحمد لله بقي كويس بس في صوت دبدبه ورا بردوه بس اقل من الاول وهو ده اللي ماضايقني اوي ياتري حضراتكوا شايفين سبب صوت الدبدبه ورا ايه مع اني شيلت العلايات ورجعت العلايات الاصلي هل المساعدين الجداد دول فيهم حاجه ولا ايه بالظبط وهل ده ممكن يأثر علي الفخده مع اني مشيت بالعربيه 10000 كيلو حتي الان وجزاكم الله كل خير

[samlaton]

ال kyb انشف من مساعدين gm قليلا عشان كده ممكن تحس بالدبدبة البسيطة شويه بس هتروح لوحدها مع المشى . اما مشكلة العلايات هيا ان الصنايعية بيركبوا علايايات كبيرة وممكن تركب علايات 2 سم فقط هتركب كويس وعشان متحسش بخبطة اثناء المطبات او نشفيه بعد تركيب العلايات ممكن تقصر مشوار المساعدين 1 سم وذلك باضافة ورد او صاموله زيادة على المساعد من فوق . ده حيظبط معاك مشوار المساعد مع وجود العلايات وعن تجربه فى عربيتى الموضوع ده ممتاز.

[angel83]

يا جماعه صوت الدبدبة في المطبات في الخلف من ساعة ما ركبت المساعدين kyb مابيروحش مع اني مركبهم من فترة بس بيروح مع الحمولة فقط غير كده والعربيه فاضية في صوت دبدبة في المطبات ده ايه الحل فيه????

[zendo]

هتلاقى اليايات هى اللى بتعمل الصوت او شداد خلفى

[hondaman]

حضرتك جبت المساعدين فى العلبة الحمرا ولا الزرقا عشان بتختلف
وعلى العموم فى مساعدين kyp
العلبة الحمرا يعنى المساعدين غاز وده بيديك ثبات أكتر لاكن مع شغل الدبدبه
العلبة الزرقا يعنى مساعدين زيت ودول العكس طبعا
المساعدين الغاز العمر الافتراضى أعلى من الزيت
أرجو اكون افدت حضرتك

[angel83]

شكرا لحضرتك وجزاك الله كل خير
بس انا جيبت العلبه الزرقا اللي علي كلام حضرتك زيت وبردوه فيه دبدبه ؟؟؟

[hondaman]

حضرتك ترجع للعفشجى تانى وتتعب شويه
معلومه صغيره فى بعض الاحيان ممكن يجى المساعد جديد بس من طريقه تخزينه بينشف بمعنى لو المساعد كان متخزن فى وضع افقى بس مقلوب عكس اتجاه تركيبه ولمده طويله بينشف
...
لو نظام العفشه عندك ورا سوسته و مساعد مع بعض ؟
طريقه التركيب عليها عامل كبير لو السوسته مريحتش مكنها صح وفيها نسبه ميل ولو بسيط
فى حجات بتوه من الصنايعى اثناء التركيب بتبقى بسيطه جدا بس بتسيب أثر ...
الكاوتش بردو عليه عامل ...
انا بضيف لحضرتك بعد اضافه الاخوه هنا يعنى زى الشداد وخلافه بس بيبقى فى تفاصيل صغيره زى ما وضحت لحضرتك

[angel83]

شكرا لحضرتك

بس انا كنت عايز اسأل حضرتك سؤال طيب ليه لما احمل العربيه ناس او حاجات صوت الدبدبه بيروح؟؟؟ وبعدين اللانوس مساعدينها مش راكبين جوه السوسته في الامام بس راكبين جوه السوسته اما بالخلف لا

[hondaman]

شكرا لحضرتك

بس انا كنت عايز اسأل حضرتك سؤال طيب ليه لما احمل العربيه ناس او حاجات صوت الدبدبه بيروح؟؟؟ وبعدين اللانوس مساعدينها مش راكبين جوه السوسته في الامام بس راكبين جوه السوسته اما بالخلف لا

حضرتك ركبت صدادات ؟ مع المساعد الجديد بصدادات جديده لونها اصفر ( تركى )

الورده اللى جايه مع المساعد العفشجى ظبط الخلوص بتاعها على المساعد القديم ؟

حل السوست وركبها تانى ؟ ركبها صح ؟
المساعد الجديد زى ما وضحت لو مركون فتره طويله فى ظروف تخزين سيئه بيقصر
طيب كرتونه المساعد عليها تيكت المستورد و الوكيل الوحيد تبع kyp اللى هى الشركه الهندسية smg
شوف حضرتك زى موضحتلك تفاصيل صغيره بتعمل هسهس فى العربيه