قدامي عربيه لانوس 99 عايز اسعرها بسرعه التفاصيل بالموضوع

[AhmedSNassar]

قدامي عربيه لانوس 1 موديل 99 دواخل فابريكه
رشه بره نضافه قريب مفيهااش خرابيش اللون شامبين
جنوط سبور
تكييف وباور و سنتر وزجاجا امامي كهرباء
ماشيه 250 الف كيلو
السمكري شافها قال دواخلها زيرو ورشه بره نضافه
بس موتورها حالته حوالي 60%
العربيه تعمل كام بالمواصفات دي وهل الموتور ده ممكن يتعمر ولا لا ولو هشيله و اجيب واحد استيراد هيعمل كام
المطلوب فيها نهائي 44 الف اشتري ولا لا

[fathiazab]

سعرها معقول ولو قدرت تنزل شوية يبقى أحسن طبعا..وبخصوص الموتور بعد كدة تجيب شورت بلوك حوالى ٢٥٠٠ جنيه بدون المصنعية ..ربنا يوفقك

[AhmedSNassar]

سعرها معقول ولو قدرت تنزل شوية يبقى أحسن طبعا..وبخصوص الموتور بعد كدة تجيب شورت بلوك حوالى ٢٥٠٠ جنيه بدون المصنعية ..ربنا يوفقك

يعني ينفع يتعمر دلوقتي ولا لا
ومعلش الشورت بلوك دي عباره عن ايه
هو السمكري قلي امشي بيه لحد ما يجيب اخره و ابقي غيره بواحد جديد ايه رايك في الكلام ده ؟
انا خايف اخدها و الموتور ده يتعبني بعد كده
وشكرا علي افادتك

[عبدالله برعى]

السعر يعتبر كويس حتى لو مرتفع الفين

[A7medelfe2y]

السعر زياده زياده ياباشا
اختها شوفتها عندنا في طنطا وعداد 260000 كم وكله حاجه كويسه عدا ان الموتور حالته 50% او اقل
صاحبها طالب
45000 وانا وقفتهاله 40000 وقفلت السعر علي كدا
وسبته واشتريت نوبيرا 1 حالتها ممتازه وعربيه بيتي فوق الوصف ولونا ابيض كامله مانيوال ورخصه وجنوط وعربيه ممتعه جدا علي الطريق وفي المشي حدث ولا حرج وتكييف تلاجه وخلصتها ب44000
بعد ماخلصت فيها صاحب اللانوس كلمني ووقال بنفسه 42000 وعرفت من واحد معاه انه ناوي يخلص باقل من كدا كمان وهيوافق علي ال40000 بس خلاص كنت اشتريت
بس نصيحه لوجه الله
العربيه الي تمشي 250000 كم انت مشوفتش هي مشيتهم ازاي وباي طريقه سواقه
مش كل الي بيستهلك في العربييه موتور بس
في حاجات تانيه كتير وعلي العداد دا اكيد هتعمل فيها شغل كتير من حيث عفشه بالكامل وميكانيكا وممكن شغل كهرباء والصالون اكيد استهلك
دور علي حاجه عدادها اقل شويه وحاول تربط الحاله بالعداد لان بقي بيتلعب فيه دلوقتي فلازم تعرف توازن بينهم
ومتزودش عن 40000 في العربيه دي

[fathiazab]

يعني ينفع يتعمر دلوقتي ولا لا
ومعلش الشورت بلوك دي عباره عن ايه
هو السمكري قلي امشي بيه لحد ما يجيب اخره و ابقي غيره بواحد جديد ايه رايك في الكلام ده ؟
انا خايف اخدها و الموتور ده يتعبني بعد كده
وشكرا علي افادتك

زي ما السمكري قال امشي بيه لحد ما يخلص...والشورت بلوك عبارة عن موتور بدون ادوات التغذية زي الدينامو والمارش والتكييف ...الخ الادوات دي بتاخدها من الموتور الاصلى
والموتور لو وحش لا يعيب العربية ..ومش هتلاقى عربية مستعملة حالتها زيرو لازم هتصرف عليها ..
بالتوفيق