مشكلة دواره في دايو ماتيز

[emamphoto]

إخواني الأعزاء أعضاء منتدى نايل موتورز ، الحمد لله ربنا أكرمني و اشتريت دايو ماتيز موديل 99 من شهر ، و العربيه بصراحه مريحه و كويسه جدا وفجأه و بدون أي مقدمات نازل الجراج ادور العربيه مش بتدور ، جبت الكهربائي قالي يا باشمهندس كل حاجه تمام لكن مافيش كهربه طالعه من مشط الاسبراتير ، اشتريت اسبراتير استعمال و برده مفيش فايده ياريت يكون عند حضراتكم حل مع العلم:
البطاريه جديده
صوت الدواره عادي جدا و المارش تمام
مكنش فيه ايه مقدمات للمشكله
و شكرا مقدما لحضراتكم

[asas630]

شيك علي طرمبة البنزين لو تمام يبقي حساس كرنك

[mora_f]

لو العربية فيها بنزين دى مشكلة طرمبة بنزين و ممكن تعملها اختبار قبل ماتغيرها

[emamphoto]

الحمد لله تم حل المشكله

غيرت مشط الكهرباء بواحد تاني استعمال برده لأني ما لقتش الجديد و العربيه دارت الحمد لله و بالنسبه لطرمبة البنزين فهي لسه جديده
و الف شكر لحضراتكم