استفسار ياجماعة لو سمحتم abs

[hapepeyaa133]

ازيكم يااحلى شباب
انا من اشد المعجبين بالمنتدى ده بصراحة ومتابع كويس للجديد
وكمان ليا شوية استفسارات لعربية لانوس 2008
ليه ياجماعة الرشاشات بتتغير يعنى لازم اغيرها لو العربية جديدة؟
واعرف امتى انها لازم تتغير؟
وكمان سؤال معلش بس من غير ما تأألسوا عليا معلش عشان انا لسة جديد فى الميكانيكا وكدة .هى الانوس فيها abs مع العلم ان العربية مانوال كاملة اصل انا لما بفتح الكابوت بشوف حاجة كدة اسطانية تقريبا طالع منها مواسير حديد رفيعة وكمان دليل المستخدم بيتكلم عن ال abs ولا هو موجود فى الاتوماتيك بس؟
معلش واغرب سؤال بقى انى لما بدوس ع مفتاح الانتظار والعربية دايرة تروح العربية مبطله ع طول والانتظار يشتغل انا لسة مرحتش لصيانة الالف كم

بس كنت قلت للمهندس بتاع الصيانة عليها وقالى هاتها فاانا مستنى اوديها فى صيانة الالف بالمرة بس قالى هتقعد يومين عندهم عشان يقولى الدفيرة كلها هتتفك.
تفتكروا ياجماعة ممكن تكون ايه المشكلة.انا بخبرتى المتواضعة بقول ممكن تكون قافلة مثلا فى الكهربا. م العلم انه من استعجالى واخدها من المعرض كدة واكتشفت بعدين وكمان السرعة الرابعة لمروحة التكييف فاصلة وكمان استلمتها كدة.ياجماعة محدش يشتمنى او يضحك عليا شايفكم :k35:. ودى فعلا غلطتى انى مش قلبت فى العربية يوم الشراء.
اسف جدا ياجماعة لو كنت طولت عليكم بس مش هلاقى حد يواسينى غيركم:k30:

[shanodaa]

اهلا بيك
اولا الرششات اللي بتتغير هي تقريبا من موديل 1999 الي 2003 دي اللي بيحصل فيها مشاكل علشان كده بتتغير لكن من موديل 2004 جلو مشاكل الرششات وبقيت كويسه ومعمره
ثانيا لانوس لا يوجد فيها abs والمواسير دي بتاعه التكييف وممكن تكو ن بتاعه الفرامل
بس ليا تعليق معاك الواحد بيتلع عينه علشان يوفر ويشتري عربيه وكمان زيرو ولما بيشتريها لو البلاستك اللي عليها مكرمش او مقطوع منه حته ما بيستلامهاش المفروض كنت تروح ومعاك واحد بيفهم علشان الحكيات دي
عموما مبروك وان شاء الله في التوكيل كله يطظبت
واهلا بيك معانا
وكل سنه وانت طيب

[shanodaa]

بس بتهيالي انك من الشرقيه علشان طريقه لهجه الكتابه

[hapepeyaa133]

شكرا لترحيبك يااخ shanodaa
وكل سنة وانت بالف صحة وسلامة بشكرك كمان لاهتمامك .بس معلش بقى انت عارف الواحد مننا بيفرح باى حاجة جديدة. وكمان كان فى مشاكل فى اللون كانو مدوخنى يعنى. وكمان انا استلمتها الساعة 2 بليل فا مصدقت بصراحة
خدتها مضيت وجريت وربنا يستر بقى فى التوكيل لانى مركب انذار برة وانا لفت نظر المهندس لحاجة زى دى وقالى ابقى هاتها بس وهحاول اخلصهالك جوا الضمان بس بعد لما قلتله ان الكهربائى شغله حلو وكمان شغال فى توكيل تويوتا


وع فكرة انا من الغربية مش من الشرقية

[shanodaa]

انا معي نفس السياره ولونها ابيض وكمان انا بحب جدا اللون الابيض ولا يوجد معي في السياره اي مشكله وكان في مشاكل والحمد لله اتحلت في التوكيل بس عمري ما فكرت اني اركب انظار ولا اعمل فيها اي شغل خارج الضمان
علشان الضمان ما يضعشي واهلا برجال الغربيه عموما انا من الشرقيه ومن العاشر من رمضان
وعموما معنا هنا في القسم خبراء في الدايو وعلي راس المجموعه الاستاذ محمد ممدوح وان شاء الله يرد عليك اول ما يشوف المشاركه الخاصه بيك

[aymanhh]

معلش واغرب سؤال بقى انى لما بدوس ع مفتاح الانتظار والعربية دايرة تروح العربية مبطله ع طول والانتظار يشتغل انا لسة مرحتش لصيانة الالف كم

:k30:

لو الموضوع دة ظهر معاك بعد ماركبت الانذار يبقى هو العامل المشكلة دة

[hapepeyaa133]

لو الموضوع دة ظهر معاك بعد ماركبت الانذار يبقى هو العامل المشكلة دة

بس ياباشا ده كان فيها من يوم الاستلام قبل اما اركب الانذار

شكرا ليك

[hapepeyaa133]

انا معي نفس السياره ولونها ابيض وكمان انا بحب جدا اللون الابيض ولا يوجد معي في السياره اي مشكله وكان في مشاكل والحمد لله اتحلت في التوكيل بس عمري ما فكرت اني اركب انظار ولا اعمل فيها اي شغل خارج الضمان
علشان الضمان ما يضعشي واهلا برجال الغربيه عموما انا من الشرقيه ومن العاشر من رمضان
وعموما معنا هنا في القسم خبراء في الدايو وعلي راس المجموعه الاستاذ محمد ممدوح وان شاء الله يرد عليك اول ما يشوف المشاركه الخاصه بيك

اهلا بيك ياباشا وبرجال الشرقية وخاصة العاشر :laugh2:وانا واثق طبعا انى هلاقى ناس ذو خبرة فى المنتدى الجميل ده:k18: