بلف فى خطوط التكييف يجب ازالته

[احمد الصباغ]

بسم الله الرحمن الرحيم
الاخوه الكرم
الميكانيكى بيقولى على واحد بتاع تكييف بيشيل بلف معين بيخلى التكييف فى العربيه تلج وذلك على حكاية حصلت ليه على تكييف عربيه كان ضعيبف وعملوا كل حاجه لحد ماراحوا للراجل ده وشال البلف ده ومن ساعتها والتكييف شغال احسن من الجديد وعلى اضعف سرعة بيخلى العربيه تلاجة
يارتى الكلام دى ليه اساس لاننى عايز اروح للراجل ده
وشكرا للجميع

[riri4]

متابع

[ahmed.zahra]

بيتهيألي حضرتك ممكن تروحله و تستفسر منه على اللي هو بيعمله و لو اقتنعت خليه يعمله و احكيلنا عن تجربتك في الحالتين يا ريت حتى تعم الفائدة

[Salamonti]

مش بلف ده أكيد بيلغي خط السخن..

[hisham343]

عامة فيه بلفين في خطوط التكييف ، بلف الضغط العالي وبلف الضغط الواطي ، وبيبقي فيهم ابر زي بتاعة الكوتش، وبيتشحن عادة من بلف الضغط الواطي، والبلوف دي من الاسباب الرئيسيه لتسريب الفريون اذا مكنتش متغطيه او لو دخلها اوساخ وتراب وعلقت ، ولذلك وجب الاهتمام بنظافتها وتغطيتها بالاغطيه المناسبه، وسعات بتوع التكييف بيلغوا بلف الضغط العالي لانهم مبيستخدمهوش وممكن يسرب. والله اعلم.

[do0om]

متابع

[Mohamed Desoky]

السلام عليكم ورحمة الله وبركاته البلف له وظيفه واحده دخول الضغط وعدم خروجه نفس بلف الكاوتش دخول الهواء وعدم خروجه سواء غاز او هواء دى وظيفته لكن اللى بيعلى اداء التكييف هو الغاء السخن من دخول الميه الى الصالون لان سربنتينة السخن والبارد امام بعض تحت الطابلوه فى مكان ديق جدا الافضل الغاء السخن لان فى مصر نادر جدا لوحد استخدم الدفايه فى السياره فى الشتاء انا لاغيه فى اى عربيه ركبتها حتى لو كانت زيرو شكرا

[asas630]

اعتقد ده بلف التدوير recycle valve وده وظيفته ان في السرعات العالية انه يرجع الفريو علي الكباس تاني عشان التلاجة متليس تلج

هوا احتمالية زيادة التكيف ممكن تحصل لما يشيله ويحط طبه بس في الطوالي التكيف مش حيشتغل لان التلاجة حتليس تلج اسال صاحبك ده العربيو عاملة ايه في طريق مفتوح

[ahmedaliaeg]

متابع

[basemessam]

اهم حاجة علشان ميضحكش عليك مينفعش تفك البلف دة علاشان ده اللى بتشحن منه كدة هيحصل تسريب
ثانيا علشان التكييف يبقى تمام ويسقع كويس لازم تنظف الثلاجة لانها بتبقى محملة طينة ومسدودة ودة بيعمل ريحة وحشة مع تشغيل التكييف