باركولى

[ahmedfor3]

الحمد لله ربنى كرمنى وجبت عربيه لانوس 2014 العربيه كانت مع واحد صحبى من الزيرو وانا ضامنه مليون الميه العربيه من اول يوم جابها عملها فرش جلد على الكراسى والارضيه العربيه الان عامله 13000 الف كيلو هو كان بيخاف يمشى طبعا الاستبن منزلش الارض هو كمان مكنش يعرف مكانه فين لحد منا اخذتها منه المهم علشان مطولش العربيه مفهاش غير خربوش بسيط فى الرفرف مش باين انا اخدها على 80000 وطبعا خليت مكانيكى بصلى عليها وشكرلى فيها جامد وانا بصراحه عايز اعرف رائى المنتدى الجميل واصحاب الخبره سعرها كده كويس على حالتها ولا اضحك عليا واسف على الاطاله

[ahmedfor3]

ايع يا جماعه مستنى المشاركات ضرورى

[Mohamed Desoky]

هو حضرتك كنت مع صاحبك وهو بيشترى العربيه ؟وهيا كانت بكام فى 2014 وانتى دافع 80 الف هيا كانت بكام على العموم الف مبروك

[ahmedfor3]

هو حضرتك كنت مع صاحبك وهو بيشترى العربيه ؟وهيا كانت بكام فى 2014 وانتى دافع 80 الف هيا كانت بكام على العموم الف مبروك

اولا الله يبارك فى حضرتك بس انتا عارف اسعار العربيات رفعت جامد ودلوقتى اللانوس عامله 109000 وطبعا انا العربيه عارف حالتها من سعت ما جت وعارف هو كان بيمشى بيها ازى وبيخاف عليها ازى وطبعا مشاويره صغيره جدا بص هو من ناحيه حالة العربيه فهى الحمد لله ممتازه انا بتكلم عن السعر فى ظل ارتفاع اسعار السيارات الجنونى

[Mohamed Desoky]

اولا الله يبارك فى حضرتك بس انتا عارف اسعار العربيات رفعت جامد ودلوقتى اللانوس عامله 109000 وطبعا انا العربيه عارف حالتها من سعت ما جت وعارف هو كان بيمشى بيها ازى وبيخاف عليها ازى وطبعا مشاويره صغيره جدا بص هو من ناحيه حالة العربيه فهى الحمد لله ممتازه انا بتكلم عن السعر فى ظل ارتفاع اسعار السيارات الجنونى

برضه حضرتك هيا كانت بكام فى 2014 لان اى عربيه كسر زيرو بتنزل مش اقل من 10 حتى لو كانت موديل 2016 ومشيت الف كيلو لازم تنزل

[ARKOON]

الف مبروك العربية وربنا يباركلك فيها
السعر مظبوط استمتع بيها ولايهمك اي شئ تاني
عربية عملية وكويسة جدا وتستاهل انا كنت نصحت واحد قريبي بيها وفعلا جابها ومبسوط بيها جدا
تحياتي . :)

[fathiazab]

الف الف مبروك سعرها جميل

[ahmedfor3]

برضه حضرتك هيا كانت بكام فى 2014 لان اى عربيه كسر زيرو بتنزل مش اقل من 10 حتى لو كانت موديل 2016 ومشيت الف كيلو لازم تنزل

يا باشا فعلا تنزل 10 لما تكون موديل السنه وسعرها 110 مش بتتحسب بطريقة حضرتك طب شوف الاسعار 2014 والاسعار اليومين دول لانها مش لسه بتمنها من 2014 دى ذادت 30000 الف يعنى الللى بعالى مش كسبان لانه لما جه يشترى اشترى بالغالى مش بسعر 2014 بسعر 2016 وعلى فكره اقسم بالله العظيم انا كنت هشتريها منه ومكنتش لسه كملت 5000 كيلو ب 70000 بعد اربع شهور استخدام بس مكنش معايا المبلغ ساعتها شوف بقى بعد سنتين استخدام و 13000 الف كيلو خدتها ب 80000 علشان فى 2014 ب80000 وفى 2016 110000 الموضوع نسبه وتناسب والف شكر لمشاركتك

[ahmedfor3]

الف مبروك العربية وربنا يباركلك فيها
السعر مظبوط استمتع بيها ولايهمك اي شئ تاني
عربية عملية وكويسة جدا وتستاهل انا كنت نصحت واحد قريبي بيها وفعلا جابها ومبسوط بيها جدا
تحياتي . :)

الف شكر لحضرتك ولكلامك الجميل والله انا الحمد لله راضى بيها جدا والحمد لله بقالها معايا اسبوع معملتش فيها حاجه غير انى فولتها بنزين بس وكل يوم اخرج بيها والحمد لله وتحياتى لحضرتك

[ahmedfor3]

الف الف مبروك سعرها جميل

الله يبارك فيك واشكرك على ذوقك

[bluemail]

مبروك وربنا يباركلك فيها

[رامي مصطفى]

الف الف مبروك معايا موديل ٢٠١٣
حاول تعمل صيانتها في التوكيل رخيصه جدا وتطلع من التوكيل كأنها لسه زيرو
ربنا يباركلك فيها ويرزقك خيرها ويكفيك شرها
مش هاقدر افيدك في السعر اوي الاسعار اليومين دول زي الطماطم.ههههه انا كنت جايبها زيرو ب ٧٥ ألف شوفت الدنيا!!

[ahmedfor3]

مبروك وربنا يباركلك فيها

تسلم ربنا يخليك ويبارك فيك ومتشكر جدا

[ahmedfor3]

الف الف مبروك معايا موديل ٢٠١٣
حاول تعمل صيانتها في التوكيل رخيصه جدا وتطلع من التوكيل كأنها لسه زيرو
ربنا يباركلك فيها ويرزقك خيرها ويكفيك شرها
مش هاقدر افيدك في السعر اوي الاسعار اليومين دول زي الطماطم.ههههه انا كنت جايبها زيرو ب ٧٥ ألف شوفت الدنيا!!

ربنا يبارك فى حضرتك ويبارك فى عربيتك والله انا كنت فقد الامل انى اركب عربيه زيرو لان زى ما حضرتك قولت الاسعار بقت جنان وخصوصا فى العربيات ةلسه كمان هتزيد زمان كانت العربيه تقعد فتره سعرها مستقر اما دلوقتى ربنا يرحمنا برحمته فلما صحبى عرضها عليه وطبعا العربيه انا عارف حالتها كويس مترددتش لحظه لانها تعتبر زيرو وبصراحه مكنش بيبخل عليها فى حاجه صيانه قبل معادها فى التوكيل ومغير لها فى 13000 الف كيلو يجى 7 مرات زيت اللى هو 5000 وبكرر شكرى لحضرتك وتحيا تى

[mif]

الف مبروك و بلاش كلان فى السعر بعد الشرا