إعـــــــلان

Collapse

.

,
See more
See less

العربية بتسخن

Collapse
X
 
  • Filter
  • الوقت
  • Show
Clear All
new posts

  • العربية بتسخن

    معايا لانوس 2000 بتسخن بزيادة

    ولو على طريق سفر ومزود عن 80 بلاقى المؤشر بعد نص ساعة كده راح رافع فوق بضطر طبعا انى اركن على

    جنب وابطلها 5 دقايق كده واجى ادور وامشى الاقى المؤشر ودرجة الحرارة رجعو للطبيعى

    انا غاسل الريداتير من سنة كده

    وبغير كل فترة دورة الميه والعربية مش واخدة هوا

    وكل اسبوع بزود المياه لانها بتنقص وتيجى عند ال Minimum

    حد يعرف يفيدنى ؟

  • #2
    متابع
    [SIGPIC][/SIGPIC][SIZE=5][COLOR=blue][/COLOR][/SIZE] اشهد ان لا اله الا الله

    Comment


    • #3
      حاول تبص على طلمبة المياه لما بتبدء تبوظ بتعمل الاعراض دى بس هيا مع سير الكاتينه لو تعرف تفك وش البلاستيك وتبص على اى صدا اورشح تحت المشرشر بتاع طلمبة المياه احتمال كبير تكون قربت تبوظ او ميكانيكى معرفه يكشف الاول لتحديد العيب وربنا يوفقك

      Comment


      • #4
        سبب واضح .. الميه بتنقص عندك

        بالاضافه الى ما ذكره الزميل بخصوص الكشف على تسريب الطلمبه

        اكشف على كل الخراطيم و قفيز الخراطيم .. طبات الموتور .. غطا رادياتير و غطا قربه .. خرم رفيع فى الرادياتير

        الكشف لازم و العربيه بارده الصبح .. لان العربيه بعد ما تسخن .. التسريب البسيط ده بيتبخر قبل ما تشوفه

        و حل الموضوع ده بدل ما يجيب لك حاجه اكبر فى الموتور مع تكرار السخونه

        لو لم تجد مكان التسريب .. يبقى روح لبتاع رادياتير علشان يحدد مكان التسريب

        Comment


        • #5
          شكرا جزيلا .. هروح لحد بتاع ريداتير يكبس هوا واكشف على تسريب

          جزاكم الله خيرا

          Comment


          • #6
            أفتح قربة الميه و دور العربية و زود بنزين من بكرة الأكسراتير اللى في الكبوت وبص على المية جوة القربة لو لقتها بتقلب يبقى طرمبة المية سليمة مش ريشها مكسرة دور بقى على أي تسريب في دورة المياه و على فمرة ممكن تكون طبة من طبب المياه اللى حوالين الموتور تكون صدت و بتجيب ميه

            Comment

            Working...
            X