رجة فى الموتور على السلانسيه لانوس 2

[dardshaa]

عندى اهتزاز فى الموتور على السلانسية ملحوظ اوى رحت لميكانيكى قالى رشاشات وتم تغير الرشاشات
وفضل العيب رحت اعمل اسكان بالجهاز قالى كل الحساسات سليمه وساعتها شك ان فى سلك كهرباء فى الموتور مهرب رحت لكهربائى كشف وقالى الضفيرة سليمه ومفيهاش حاجة . انا احترت سبب الرجة او الرعشة اللى فى الموتور ديه سبها ايه نرجوا من الاعضاء والقائمين على المنتدى الافادة (جبت اخرى )

[dbabis8]

قواعد موتور

[Mohamed Desoky]

يعنى العربيه شغاله 3 سلندر والميكانيكى مش عارف والعربيه دايره قدام عينه غير الميكانيكى الاول روح لاكتر من واحد لان دى لانوس الدنيا كلها فاهمه فيها ؟

[dardshaa]

المشكلة الكبيرة اللى انا نسيت اوضحها وهى ان ساعات بتتظبط وساعات الرجة بترجع تانى وتم تغير قطع الغيار الاتية (فلتر بنزين- رشاشات-بوجيهات)

[salam100100]

هل الرجه دى على السلانسيه فقط ؟ وبتروح لما بتكبس بنزين؟
الrpm على السلانسيه تقريبا كام؟
هل فى اى اعراض تانيه مع الرجه- هل مثلا ظهرت بعد مفولت بنزين؟...................

الاحتمالات:
* حساس ايديال
* حساس TPS
* بنزين
* خرطوم فاكيوم مفكوك
* وحاجات تانيه

[dardshaa]

بص يا باشا اولا ال rbm اوقات بيعلا لحد 2 او 2.5 لما اطفى التكيف وبعض الاحيان لما اكون ماشى بالعربية بهدى على مطب على على دوران بلاقى ال rbm بينزل اوى قريب من الصفر كأن العربية هتبطل ولازم امور وادوس بنزين اوى عشان تتظبط
ثالثا لما ابقى ماشى مشوار مذود فيه بنزين يعنى قارص على العربية واركن المشكلة بتبقى مش موجودة لحد ما العربية تهدى شوية وبعدين تيجى تانى الرجة وفعلا لما ازود بنزين الرجة بتروح

[salam100100]

بص يا باشا اولا ال rbm اوقات بيعلا لحد 2 او 2.5 لما اطفى التكيف وبعض الاحيان لما اكون ماشى بالعربية بهدى على مطب على على دوران بلاقى ال rbm بينزل اوى قريب من الصفر كأن العربية هتبطل ولازم امور وادوس بنزين اوى عشان تتظبط
ثالثا لما ابقى ماشى مشوار مذود فيه بنزين يعنى قارص على العربية واركن المشكلة بتبقى مش موجودة لحد ما العربية تهدى شوية وبعدين تيجى تانى الرجة وفعلا لما ازود بنزين الرجة بتروح

دى اعراض حساس ايديال محتاج تنظيف
تقدر تنظفه بنفسك- هات اسبراى من محطه البنزين تنظيف كاربيراتير- هتلاقى الحساس راكب فى اول البوابه (نهايه خرطوم الهواء وداخل على المانيفولد)
فك الفيشه بتاعته- هو راكب بمسمارين غالبا مسمارين نجمه مش صليبه- بعد متفكه خلى بالك من الجوان الكاوتش اللى راكب
نظفه بالسبراى ونظف مكانه برده- استنى 10دقائق- ركب ودور وادعيلى

[dardshaa]

طيب هو انا كنت نضفته ب wd40 ده عادى ولا لازم منظف الكاربراتير

[salam100100]

طيب هو انا كنت نضفته ب wd40 ده عادى ولا لازم منظف الكاربراتير

لازم منظف كاربيراتير عشان بيزيل بخار الزيت اللى لازق على الحساس وهو متطاير زى البنزين

الwd40 عامل زى الزيت- بيزيت وبيفضل لازق بيستخدم للمفصلات و كوالين.... الخ

[dardshaa]

شكرا انا هجرب منظف الكاربراتير ده وهقولك على النتيجه ويارب المشكلة تتحل والف شكر على تعبك معايا وفى ميزان حسناتك

[dardshaa]

انا جربت موضوع انى انضف بلف ال idle بس المشكلة موجودة هل ممكن يكون فى حاجة تانية تكون عامله المشكلة

[bluemail]

الاعراض دي حساس TPS
راجع الموضوع ده

http://www.nilemotors.net/Nile/255475-tps.html

[dardshaa]

يا استاذ salam انا فكيت بلف ال IDLE ونظفتة وركبته تانى بس نفس المشكلة وبردو فكيت حساس ال TPS ونظفتة وبردو نفس المشكلة بس كان ليا ملحوظه مش عارف ده طبيعى ولا لا هو انى لما بفصل الفيشة بتاعتة مفيش اى تأثير على العربية يعنى اشيل الفيشه او اسيبها مبيحصل اى تأثر على العربية غير اى فيشة حساس ذى البنزين او الحساس اللى فى صدر العربية كلهم ليهم تأثير لما اشيل الفيشة بتاعتهم او اركبها

[dardshaa]

افيدونى افادكم الله تم تغير حساس بنزين tps والمشكله لسه موجوده رجه ذى ما يكون متلته على خفيف فى الموتور على السلانسية ومش لاقى حل حد عنده فكره ممكن يكون ايه السبب

[besho007]

السلام عليكم
زي ما خبراء اللانوس قالوا كده أن الإحتمال الأكبر حساس الأيدل.. وأنا هقولك تجربتي
العربية كانت بتعمل كده معايا مره واحده وأنا ماشي العربية ال rpm يوطن والعربية تبقى عايزة تبطل ولازم أسند بنزين وبعدين تعلى وتمشي وبعدين ممكن أبقى ماشي على سرعة عاليه وأهدي شوية الأقيها تبطل وتنور لمبة ال check.

الحل
أول حاجة تفك حساس الأيديل القطعة السوداء إللي في ظهر البوابة بمفك صليبة وتطلعه براحة وخلي بالك من الجوان وتنظفه بمنظف كاربريتير زي ما الإخوة قالوا وتجرب وكمان في حساس في صدر العربية خارج منه خرطوم داخل على البوابة إتأكد إنه راكب مضبوط ومش مقطوع

لو مانفعش الحل ده تكشف عليها كمبيوتر ويطلعك المشكلة في أنهي حساس

ملحوظة: الموضوع ده حصل معالي مرتين مره نظفت حساس الأيدل والبوابة وفلتر الهوا والعربية إشتغلت تمام حوالي 6 شهور أو 4
ومرة تانية كشفت كمبيوتر قالي محتاج تغير حساس الأيدل وحساس الصدر إللي في صدر العربية وطالع منه خرطوم صغير راكب على البوابة

أتمنى أكون أفدتك