Tweet
عملت السيرفس كامل والمشكلة متحلتش لانوس 2
بداية السلام عليكم واسمحوا تقبلونى ضيف جديد عندكوا قادما من منتدى اللادا....المشكلة باختصار ان ربنا كرمنى بلانوس 2 2006 من اسبوعين وقولت اعملها الصيانات عشان اخلص وقمت بالاتى:- (تغيير سير وبلية الكاتينة وسير الدينامو وسير التكييف-تغيير زيت المكنة وفلتر الزيت وفلتر الهواء وفلتر البنزين-تغيير زيت الباور-كشفت على زيت الباكم لقيتوه كويس-تغيير تيل امامى وكشفت على الخلفى لقيتوه كويس ورجلشت الفرامل وفرامل اليد-تغيير قلب طلمبة البنزين-تنظيف الرشاشات والبوابة والايدل-تنظيف الردياتير).......وبعد كل اللى عملته ده العربية قابلتنى المشكلات الاتية (على المور بتبطل منى بس مش على طول -فى الطلعة لازم ادوس اكسراتير جامد-وبحس ان سحبها لغاية 100مش سحب اللانوس انا سوقت لانوس وعارف انا بقول ايه -وبعد ال100 بحس انها مش بتجيب معايا اكتر)..افيدونى افادكم الله
-
انه من يتق ويصبر فان الله لايضيع أجر المحسنين... -
نسيت اقول انى نضفت الرشاشات باسبراى انجكشن وقطع الغيار كلها اصلية gm من هشام ابراهيم فى دمشقانه من يتق ويصبر فان الله لايضيع أجر المحسنين... -
اخبار الأسطوانة و الديسك و البلية ايه عاملة معاك ايه في المطالعComment
-
اكشف على مجموعة الدبرياجComment
-
مبرووك الف مبروك
الصيانه اللى حضرتك عملتها رائعه- هى طبعا مصاريف لكن فلوس فى محلها
اتاكد ان مفيش صوت تسريب هواء (خرطوم فاكيوم)
وبلغنا بالجديدComment
-
وانا بعمل الصيانات خليت الميكانيكى يشوفلى منظومة الدبرياج والفرامل وطلع مغيهاش مشاكل اللهم الا ريجة بسيطة فى الطنابير الخلفية وبالتجربة على الطريق وبعد ما جبت اخرى فى القرص على العربية جابت 150 بالعافية وجسيت برجرجة ورا والطارة بتتهز فى ايدى ( مع العلم انى مرصص الاربع فرد بس مش ظابط زوايا)...وكمان لقيت لمبة التشيك بتنور وتطفى....وبعد لما وقفت دوست اكسراتير لاخره على المور لقيت دفعة دخان اسود من الشكمان...الراجل قالى ممكن علبة البيئة مكتومة او فى مشكلة فى حساس...المهم روحت لواحد عنده الجهاز وبعد الكشف قالى حساس الشكمان فيه مشكلة ومبيقراش كويس ولازم يتغير وهوه اللى بيعمل كل الاعراض دى..انا كنت ناوى اروح بعده لبتاع شكمانات واكشف على الشكمان بس الراجل قفلنى الصراحة.. هل فعلا حتة حساس شكمان يعمل فى العربية كل ده؟؟؟ حد حصل عنده الموضوع ده ؟يعنى لو جبته (مع العلم انه غالى جدا) المشكلة هتتحل؟؟ طب اروح لبتاع الشكمانات؟ ارجو الافادة من الاعضاء الكرامانه من يتق ويصبر فان الله لايضيع أجر المحسنين...Comment
-
الله يبارك فى حضرتك وانا اتأكدت بعد ما قريت المشاركة ان مفيش تسريب وفعلا الصيانة كلفتنى لكن المشكلة دى مش محسسانى انى عملت صيانةالمشاركة الأصلية كتبت بواسطة salam100100 مشاهدة المشاركةانه من يتق ويصبر فان الله لايضيع أجر المحسنين...Comment
-
السلام عليكم ورحمة الله وبركاته
ماشاء الله حضرتك عملت كل حاجة الا فحص الشكمان احتمال يكون مسدود
بعد فحص الشكمان فى حالة استمرار المشكله
ارجو منك قياس قوة البساتم الاربعه وان شاء الله تعالى سوف اساعدك على حل المشكلهComment
-
متشكر لرد حضرتك هوه انا قريت امبارح فى موقع ان تاكل الشنابر بيعلى صوت العربية وبيزود استهلاك البنزين....وانا عندى صوت العربية عالى عن الطبيعى والعربية بتاكل بنزين جامد...مش عارف اعمل ايه انا معنديش مشكلة اصرف لانها مستعمل بس اصرف فى المشكلة الحقيقية....ياريت لو حد صادفته المشكلة دى يفيدنى يا جماعة...انا لسه متصل بأبو غالى جسر السويس وسألته على الكشف على العربية قالى بيبقى على كل حاجة عدا الشاسيه والدوكو وتمنه 440 جنيه....هل كشف ابو غالى هيجيب من الاخر ولا هدفع عالفاضى؟؟؟ يعنى بيعمل كبس للمكنة ولا نظام كشفه ازاى؟ ياريت اللى عنده معلومة يارجالة ميبخلش بيها علياالمشاركة الأصلية كتبت بواسطة alizahran5 مشاهدة المشاركةانه من يتق ويصبر فان الله لايضيع أجر المحسنين...Comment
-
يا فندم شيكت على الشكمان ولا لا ارجو الاهتمامالمشاركة الأصلية كتبت بواسطة mohammed dodda مشاهدة المشاركة
لفحص الشمان حاول تفك شويه من عند القزوز واطلع جرب لو المشكله مستمرة يبقى لازم فحصComment
-
جارى التنفيذ وربنا يسترالمشاركة الأصلية كتبت بواسطة alizahran5 مشاهدة المشاركةانه من يتق ويصبر فان الله لايضيع أجر المحسنين...Comment
-
مشكلة حساساتComment
-
حساس شكمان
انت حطيتها علي الجهاز وفعلا ظهر ايرور
مركز سبيد سيرفس في جسر السويس الناس بتشكر فيه جدا واسعاره حلوهComment
-
دلوقتى يا جماعة انا محتار وقرفت من العربية; بعد العيد رحت لبتاع شكمانات قالى الشكمان تمام ومفيش علبة بيئة ....عملت سكان للعربية عند واحد تانى مهندس فى مركز صيانة عندنا فى السويس قالى حساس الماب قراءاته عالية وفيه مشكلة....راح معايا عند واحد بتاع استيراد وجربنا اتنين حساس ماب عالطريق والبرجلة والدخنة السودا مراحتش برضه...قالى انتا نضفت الرشاشات بايه قولتله باسبراى انجكشن..قالى بكره هاتلى العربية هاحط الرشاشات عالالتراسونيك وهاقيس فيش الرشاشات بحاجة اسمها كيت تقريبا مش فاكر.....دلوقتى انا هلخص مشكلة العربية وحضراتكم تفيدونى بقى ; العربية بتبرجل عالسلانسيه وبتقطع وساعات بتبطل منى وصوت الماتور مش سلس و طبيعى يعنى عالى ومتقطع كإنه مخنوق ودخنة سودا متقطعة يعنى بتروح وتيجى مش مستمرة واستهلاك بنزين عالى جدا يعنى اللتر بيعمل 4.2 كيلو متوسط جوا وبرا البلد ولمبة التشيك مبتنورش الا بعد ال 80-100 كم وجهاز الاعطال بيقرأ حساس شكمان وهيه ماشية وحساس ماب وهيه واقفة والمفروض النهاردة اوديها للمهندس يشوفلى الرشاشات وفيشها...نسيت اقول انى لما عملت السيرفس غيرت البوجيهات (ngk) لكن دلوقتى البوجيهات مهببة وسودة ومكملتش 400 كم لسه...دلوقتى ياجماعة انا مبحبش ابخل عالعربية بس المفروض قبل ما تاخد العلاج نشخص المرض وانا مش فاهم وعايز افهم....معلومة اضافية انا سألت على اسعار الحاجات اللى مشكوك انها بايظة عند هشام ابراهيم فى دمشق وعند عزيز سليمان فى التوفيقية وكانت كالاتى (اصلية جديدة gm); حساس شكمان 675 جنيه فى دمشق و620 جنيه فى التوفيقية- طقم رشاشات 2000 جنيه فى دمشق- حساس الماب مش موجود جديد خالص بس لقيته عندنا فى السويس جديد ب 500 جنيه استوك قديم عند الراجل من عشر سنين...اسعار الاستيراد عندنا فى السويس130 حساس الماب 100 حساس الشكمان ومسألتش عالرشاشات...افيدونى افادكم اللهانه من يتق ويصبر فان الله لايضيع أجر المحسنين...Comment
-
أعتقد المشكلة أغلبها في حساس الشكمان
أولا ... فك الفيشة بتاعته خالص و هي عبارة عن سلك واحد و جرب مشي العربيه هايختلف و للا لأ و خللي بالك إن لمبة تشيك هاتنور و استهلاك البنزين هايكون عالي بس أقل من الوضع اللي انت بتعاني منه دلوقتي
لو لقيتها ظبطت معاك بنسبة تحسن و لو 10 أو 15% يبقى ما تتعبش نفسك و غيره علشان الصنايعية ما تدخلكش في متاهات
تغييره المفروض يكون جديد مش استيراد و لو اني عارف انه غالي ( أنا مغيره عندي قبل كده ) لكن الأعراض عندي كانت أقلComment
Comment