مشكلة عويصة غلب فيها الميكانيكية

[Luciver]

دلوقتي انا معايا جوليت مو2000
فيها مشكلة مستعصية
العربية لما درجة حرارتها تعلي لحد المستوي الطبيعي
تبدأ ظاهرة غريبة
مع دوسة البنزين الصغيرة العربية بتبقي مخنوقة جدا
تحس أنها متلخبطة
لما يكون أمبير الموتور من 1500 ل 2000
بعد كدة بتستقر
تم عمل الاتي فيها
تغيير سلك البوجيهات الأصلي جي ام
تغيير البوجيهات
تغيير البوابة بالكامل
غسل وتنضيف الرشاشات
تغيير الموبينة
تغيير حساس الكرانك

ساعدوني باقتراحاتكم لإني خلاص اتجننت

[asas630]

طرمبة البنزين تالفة غيرها والمشكلة تتحل ان شاء الله

[Luciver]

غيرت طرمبة البنزين جديدة مش استيراد والفلتر
وبرضه نفس المشكلة

[asas630]

انتا عندك علبة بيئة في العربية ديه اظن انها من الانتاج الكوري مش مصري

لو موجودة لو هيا فيها نسبة سدد تبرجلك المكنة وتخنقها

[eng. wesam]

حضرتك عملت اسكان للعربيه علي جهاز كمبيوتر ؟؟؟ علي العموم لو مفيش اي مشاكل ميكانيكيه انا برجح ان العيب في توقيت الاشتعال وبأزن الله بكره هشوف برنامج الاصلاح في الشركه وهاقولك نعمل ايه بالضبط بس ضروري تعمل كشف اعطال كمبيوتر لعله حساس عمود المرفق .. شكيت فيه لان اللي بيتحكم في توقيت الاشتعال حساس عمود الكرنك وبالتالي الكنترول يونيت بيفهم عمود الكامات وضعيته فين بالضبط عشان يدي اوردر تريجر ... وثانيا شاكك في حساس الشكمان عشان الحساس ده مش بيشتغل الا عند درجه حراره مرتفعه وبالتالي المشكله مش بتظهر الا عند درجه حراره عاليه ... طبعا حقك عليا في التخمينات بس انا بشخص من بعيد في ضوء معلومات غير اكيده عشان كده ضروري افحص كمبيوتر

[asas630]

حضرتك عملت اسكان للعربيه علي جهاز كمبيوتر ؟؟؟ علي العموم لو مفيش اي مشاكل ميكانيكيه انا برجح ان العيب في توقيت الاشتعال وبأزن الله بكره هشوف برنامج الاصلاح في الشركه وهاقولك نعمل ايه بالضبط بس ضروري تعمل كشف اعطال كمبيوتر لعله حساس عمود المرفق .. شكيت فيه لان اللي بيتحكم في توقيت الاشتعال حساس عمود الكرنك وبالتالي الكنترول يونيت بيفهم عمود الكامات وضعيته فين بالضبط عشان يدي اوردر تريجر ... وثانيا شاكك في حساس الشكمان عشان الحساس ده مش بيشتغل الا عند درجه حراره مرتفعه وبالتالي المشكله مش بتظهر الا عند درجه حراره عاليه ... طبعا حقك عليا في التخمينات بس انا بشخص من بعيد في ضوء معلومات غير اكيده عشان كده ضروري افحص كمبيوتر

حساس الكرنك لو بايظ المكنة مش بنبرجل او تخنق المكنة بتبطل علي طول وبترفض الدوارة نهائي لحد ما الحساس بيبرد

لو المشكلة في حساس شكمان العربية حتبقي حوت بنزين مع احتمالية دخنة سودا

[alizahran5]

حاول تجرب موبينة تانية واتاكد ان سلك البوجيهات اصلى

[mo7eb elrasol]

معلش جرب طقم بوجيهات تانى يكون من عاند حد مضمون

[mbx4e]

حساس ماب او ايدل او شكمان
بس لازم تكشف كومبيوتر وتعرف ايه هي ارقام واكواد الاعطال عشان الافادة
خليه يكتبلك الايرور او faults اللي طالع عنده بالرقم والحرف
لانه احيانا بببقى فيه كذا كود لحساس واحد وكل كود او فيه عطل بيبقى مختلف عن التاني لنفس الحساس والفني يشخص و يقلك الحساس وخلاص