مشكله في عداد الحرارة

[ahmad_salama]

العربية نوبيرا 97
المشكله ساعات وانا ماشي بالعربيه الاقي عداد الحراره يعلي سنة بسيطه فوق النص وساعات مبيحصلش

روحت للميكانيكي وراجعنا علي كل حاجه ملقيناش اي مشكله. الميه سليمه مش بتنقص وراجعنا علي كل الزيوت. المراوح شغال مفيش مشكله خالص. لغينا ترموستات الكوعه والمشكله فضلت موجوده برضو

لما العداد بيعلي كده افضل ماشي بالعربيه العداد مبيعلاش اكتر من السنه دي بيفضل عليها مهما مشيت.


ف الوقت الي عداد الحرارة بيكون عالي نزلت لاحظت المراوح لقيتها بتشتغل وبتفصل عادي جدا. مع ان لو الحررارة عاليه المفروض المراوح متفصلش خالض

كمان لاحظت ان لما ابطل العربيه واستني حوالي 5 ثواني اودور تاني عداد الحرارة بيروح علي مكانو الطبيعي الي هو قبل النص بشوية وافضل ماشي وميعلاش او يعلي بعد شوية

[إبراهيم المصرى]

اعمل دورة نظافه للردياتير وشيك على المروحه والترموستات

[zendo]

كان عندى نفس اللى عندك بس فى نوبيرا 2 ودى بتكون نتيجة مشكلتين وهى صباع الحرارة ممكن بيهيس وبيخرف ومحتاج يتفك ويتغير او يتنضف او عندك زى ما حصل عندى وطلع كابل الارضى الموصل لجسم الموتور وحش شيك علية وغيرة وشوف

[ahmad_salama]

كان عندى نفس اللى عندك بس فى نوبيرا 2 ودى بتكون نتيجة مشكلتين وهى صباع الحرارة ممكن بيهيس وبيخرف ومحتاج يتفك ويتغير او يتنضف او عندك زى ما حصل عندى وطلع كابل الارضى الموصل لجسم الموتور وحش شيك علية وغيرة وشوف

انا عملت تقوية ارضى ونفس المشكله موجوده

وبالنسبه للردياتير اظن مفيش مشاكل ف دورة التبريد طول ما المية مش بتنقص وطالما المراوح بتشتغل وتفصل عادي حتي وقت ظهور المشكله.

بالنسبه لصباع الحرا ة يريت صورة توضح مكانة وانا اغيرو خالص.

[tameem2010]

ده اما عداد الحرارة نفسه وده يتصلح عند واحد بتاع عدادات
او ان ده صباع الحرارة ممكن يكون بيهيس وده احتمال كبير

انا مش عارف بيركب فين في النوبيرا لان كل عربية وليها مكان
بس عادة هتلاقيه في الراديتير من تحت او هتلاقيه في وش السلندر من ورا
الاهم انك لما تغير صباع الحرارة لازم تجيب الاصلي .. لازم

[عبدالله المصري]

لو سمحتم يا أهل الخبرة محتاج أعرف مكان صباع الحرارة في النوبيرا 1 لأن السلك الخارج منه لعداد الحرارة في التابلوه مفصول من ناحيته والصنايعي مش عارف مكانه واستفسار آخر لو عداد الحرارة في التابلوة مش شغال اومهيس جأمد هل بيتباع لوحده وكام سعره ولا لابد من طقم عدادات كامل وكام سعره
منتظر الرد بفارغ الصبر*

[tameem2010]

معرفش مكانه فين في النوبيرا بس هو عادة اما في الراديتير من تحت او في وش السلندر من ورا ده المكانالطبيعي له
لوحة العدادات كلها بتتغير لان هي شريحه واحدة لكل العدادات

[alizahran5]

لو سمحتم يا أهل الخبرة محتاج أعرف مكان صباع الحرارة في النوبيرا 1 لأن السلك الخارج منه لعداد الحرارة في التابلوه مفصول من ناحيته والصنايعي مش عارف مكانه واستفسار آخر لو عداد الحرارة في التابلوة مش شغال اومهيس جأمد هل بيتباع لوحده وكام سعره ولا لابد من طقم عدادات كامل وكام سعره
منتظر الرد بفارغ الصبر*

ركب ترموستات الحرارة وجرب لو القديم مصدى اشترى واحد جديد
مكان حساس الحرارة تحت البوبينه سلك واحد معتقدش هوا السبب
لو المية لونها متغير نظف الريداتير
ياريت توضح بتسخن ازاى فى الزجمه و لا السرعه ولا ازاى

[ahmad_salama]

ركب ترموستات الحرارة وجرب لو القديم مصدى اشترى واحد جديد
مكان حساس الحرارة تحت البوبينه سلك واحد معتقدش هوا السبب
لو المية لونها متغير نظف الريداتير
ياريت توضح بتسخن ازاى فى الزجمه و لا السرعه ولا ازاى

ترموستات الكوعه الي انا شلته مكنش مصدي ولما شيلتو ملقتش اي فرق. نفس المشكله بالظبط
بالنسبه للميه انا روحت عملت غسيل للردياتير وغيرت الميه خالص وبرضو نفس المشكله موجوده
المشكله مش مرتبطه بزحمه او بجري بتحصل ف الزحمه وبتحصل ف الجري بتحصل ف التكيف او من غيره بتحصل في الليل او ف النهااار

الملاحظ:
وقت حدوث المشطله وبمجرد فصل الكونتاكت لمده 3 ثواني علي ما العداد بس ينزل علي الزيرو وارجع الدور تاني يكون وضع العداد طبيعي مش عالي. ازاي بقي هي لحقت تبرد في ال3 ثواني دوول

وكمان في وقت حدوث المشكله بيكون عداد الحراره معدي النص بحاجه بسيطه لو فضلت ماشي مهما مشيت الحراره مش بتزيد تاني ف برضو ده مش طبيعي

انا شاكك ف العداد

[alizahran5]

ترموستات الكوعه الي انا شلته مكنش مصدي ولما شيلتو ملقتش اي فرق. نفس المشكله بالظبط
بالنسبه للميه انا روحت عملت غسيل للردياتير وغيرت الميه خالص وبرضو نفس المشكله موجوده
المشكله مش مرتبطه بزحمه او بجري بتحصل ف الزحمه وبتحصل ف الجري بتحصل ف التكيف او من غيره بتحصل في الليل او ف النهااار

الملاحظ:
وقت حدوث المشطله وبمجرد فصل الكونتاكت لمده 3 ثواني علي ما العداد بس ينزل علي الزيرو وارجع الدور تاني يكون وضع العداد طبيعي مش عالي. ازاي بقي هي لحقت تبرد في ال3 ثواني دوول

وكمان في وقت حدوث المشكله بيكون عداد الحراره معدي النص بحاجه بسيطه لو فضلت ماشي مهما مشيت الحراره مش بتزيد تاني ف برضو ده مش طبيعي

انا شاكك ف العداد

العداد بيفضل رافع ولا بينزل تحت النص وانت ماشى ولا لازم تطفى وتشغل علشان ينزل
فكيت العداد قبل كدا لاى سبب
حاول تتاكد من وضع مؤشر الحرارة فى الاسفل اثناء فصل الكونتاك
وحاول تركب ترمستات الحرارة افضل

[sherif_mahalla]

طالما العداد بيقف عند النصف خلاص مش مشكلة خليك ماشي علي كده
إعمل كل اللي ناس قالوا عليه و متشغلش بالك
نظف الرادياتير و غير المياه بميه خضرا
راجع على الثرموستات و صباع الحرارة و العدادات
ممكن برضه تراجع على زيت الموتور و الفلتر
و الفرامل و حالة و ضغط الكاوتش
و عموما الأيام دي الجو نار و كل العربيات مولعة

[عبدالله المصري]

هل لو فيه مشكلة في عداد الحرارة ذات نفسه نوبيرا 97 هل من الممكن يتصلح ولو كان بيتصلح هل بعد تصليحه بيظهر قرأة صحيحة ولا أيه؟؟؟

[borio1704]

دورة التبريد هي روح الموتور.. ما ينفعش تتهاون فيها أبدا..

ومع إني شايف المشكلة أساسا في العداد.. إنما ما يمنعش إنك تخلي دورة التبريد شغالة صح علشان تطمن.


أولا.. لازم تتأكد إن مفيش أي تسريب في دورة التبريد.. وده بيشمل كل الخراطيم ..وكمان غطا الرادياتير/القربة... ولو ماكنتش غيرتهم من 5-6 سنين.. يبقى ده موعد تغييرهم.. لإن الكاوتش بجميع أنواعه بينشف ويتشقق خلال 5-6 سنوات.

تنظيف الرادياتير مهم وضروري حتى لو كانت المية مش بتنقص.. لإن النظافة مالهاش علاقة بنقص المية... النظافة معناها سهولة نقل الحرارة وتبريد أفضل.

إذا كنت بتستخدم مية الحنفية في الرادياتير.. ضروري ضروري تغير المية دي وتعمل دورة تنظيف شاملة للدورة (رادياتير وموتور) .. وتحط سائل تبريد مناسب للرادياتير (مية خضرا أو حمرا أو زرقا.. حسب طلب الكتالوج)... لإن مية الحنفية سبب رئيسي في بوظان الدايرة.

سائل التبريد لازم يتغير وتعمل دورة التنظيف دي كل سنتين.


وبعد مع تعمل كل ده... ضروري ضروري ترجع ثرموستات الكوعة... فوايده كتير فوق ما تتخيل... وإزالته هي أول مسمار في نعش الموتور... رجاء رجعه تاني.

ادخل على الموضوع ده علشان تعرف ليه ما ينفعش تشيله..

http://www.nilemotors.net/Nile/328708-a.html

...

[asas630]

ديه بداية أعراض سدد في علبة البيئة

[ahmad_salama]

ديه بداية أعراض سدد في علبة البيئة

ملغية