يا جماعة اى استفسار او اى سؤال عن سيارات دايو انا تحت امركم

[Elmo2sasa]

العضو الفاضل
لقد حصلت على إنذار نتيجة لخالفة قواعد المنتدى
الإعلانات التجارية ممنوعة طبقاً لنظام المنتدى دون الرجوع والتنسيق مع إدارة المنتدى.

يرجى مراجعة قواعد المنتدى

راسل إدارة المنتدى

إ.م.3

[msms_ms2001]

اسلام عليكم انا عربيتى لانوس 2007 روحت عملتلها صيانه 10000كيلو فى التوكيل المعادى وكنت مشيت وانا شادد الهاند وقلتله قالى عاوزه تيل فرامل شمال امامى قلتله غيره بس بعد ما غيره حسيت ان الفرامل بقت خفيفه عن الاول لحد دلوقتى فى ناس قالولى الطنابير ايه راى حضرتك وكمان التيل ب100 كتير ولا هو دا ثمنه وشكرا

[Elmo2sasa]

أولا :- حضرتك بتقولى انك كنتى شاده الهاند معنى كده انه تيل خلفى مش امامى
ُثانيا :- سعر التيل بالنسبة للتوكيل حلو بس لو كان Gm أصلى وبعدين سعر الطقم كامل مافيش حاجة اسمها تيل امامى شمال !!!!!!!!!!طقم التيل عبارة عن اربع قطع كل قطعتين عجلة لو فعلا فى التيل الجمب الشمال حاصل فيه تأكل يبقا ده عيب فى جهاز الفرامل الشمال او الطنابير واحتمال اكيد ان حضرتك بتركنى عربيتك كتير وعلشان كده العربية لما بتكون مركونة كتير البستم بتاع جهاز الفرامل اول ما تمشى بالعربية بعد كرنة طويله بيفتح ومش بيرد تانى ويمكن ده سبب ان الفرامل مبقتش زى الاول

[harmadan]

ممكن مساعده؟؟؟

السلام عليكم ورحمه الله وبركاته أخى الكريم
الف شكر على موضوعك الجميل ومبادرتك للمساعده.
أرجو من سيادتك مساعدتى فى تسعير عربيتى اللانوس 2 كامله 2007 عامله 55000 كيلو متر لونها أزرق سماوى ورخصتها باقى فيها سنه وهى اول يد وانا المالك الاول لها.
العربيه رشه بره (نظافه) لأن بصراحه انا مش باستحمل حاجه فى العربيه والعربيه لسه فى الضمان.
من ضمن الكماليات الزائده عن كماليتها (انذار - كينوود سى دى بلاير- فرش جلد للكراسى والارضيه والشنطه <فرش الكراسى بنفس تصميم الاصلى> )
أرجو المساعده لان ناوى ابيع وبأذن الله ناوى على كورولا الشكل الجديد.
ألف شكر لحضرتك .:k32::k32:

[Elmo2sasa]

وعليكم السلام ورحمة الله وبركاته
لو سمحت هيا رشه بره كلها ولا اجناب السيارة فقط ده بيحدد اكتر السعر وخد بالك ان ديه سيارة 2007 يعنى فرق سنتين من الموديل الجديد ومستنى رد حضرتك علشان اقدر احددلك السعر بالنسبة للسوق فى مصر
وممكن اشوفلك حد يشتريه لو ممكن تبعتلى صورها على الايميل وبيانتها كلها
شكرا ليك ومستنى ردك

[ehab77]

هو فين مكان المركزلو سمحت علشان نعرف؟
هل قطع الغيار اصلى ولا تقليد الكورى؟
ممكن نجرب ونشوف ونشترى من عند حضرتك ونبقى زبائن كمان