الغيار الأول وال Rpm

[mohsen]

لو سمحتوا
هل يفضل الواحد يوصل لحد 3000 Rpm
وهو ماشى على الغيار الاول ولا ده يعتبر كتير

ولكم جزيل الشكر

[abou_sama]

انا شخصيا بعمل كدة
بنقل كل النقلات على 3 بس مش عارف دة الصح ولا اية

[Shiref_mohamed]

مفيش مشكلة

[swimmer25]

السلام عليكم
الموضوع ده فعلا مهم جدا
عايزين نعرف ايه افضل Rpm نغير عليه بالنسبة للانوس 1500
الافضلية دي بالنسبة لنقطتين
1- اقل استهلاك للبنزين(طبعا ده بالنسبة ان السرعة متعديش 80 عشان نقدر نحسب استهلاك البنزين مش نحسب النقل علي ال Rpm واحنا بنعدي ال 80 بكتير واللي عايز يعدي ال 80 بعد كده براحته بس المقصود دلوقتي حساب الاستهلاك بالنسبة للنقلات)
2- احسن فايدة للموتور(عمر الموتوروانه ميكونش مخنوق)
اذا كان فيه نقط تانية ممكن اي عضو يضيفها
انا كنت في التليين بنقل علي Rpm 2.5 وبعدين بقيت انقل علي Rpm 3 كل النقلات وساعات 2.5

عايزين نعرف راي الخبراء واللي فعلا جربوا الموضوع ده

[mohamedway]

لا يوجد رقم معين للنقل و لكن ده بيتوقف على احتياجك من العربيه وقتها فكل ما تكون عاوز تجمع سرعه اكتر فى وقت اقل و تجمع أكتر بتنقل على RPM أعلى لدرجه انك ممكن فى بعض الأحيان تحرق على الغيار لغايه نهايته لما الRPM يوصل للعلامه الحمراء و بالعكس لو انت ماشى طبيعى أو كل ما تكون مش محتاج تجميع جامد و كل ما تكون ماشى بهدوء أكتر يفضل تنقل على أقل RPM ممكن ولكن بحيث ما يخنقش العربيه و دوستك على البنزين تبقه هاديه و ده هيديك أفضل توفير فى استهلاك البنزين (وطبعا بالنسبه للشد الجامد مش محتاج أقول اننا بنرفع الRPM جامد لغايه ما نوصل للسرعه اللى احنا عاوزنها و بعدها لو عاوز اثبت على السرعه ده و عندى غيار أعلى متاح ليه يبقى أجيبه و أمشى عليه عشان أريح الموتور وعلى فكره فى تصميم العربيات النقله الأخيره زى الخامس مثلا بيسموها Over drive وده معناه ان العربيه تقدر تجيب أقصى سرعه ليها على الرابع بس الRPM هيكون وصل لأخره هو كمان فا مش من الطبيعى انك تفضل ماشى المشوار كله بهذا الوضع فا بتديها الخامس فال RPM بينزل شويه و لكن الموتور بيبقه عزمه غير كافى لأنه يعلى بالسرعه أكتر من كده على الخامس فا بتبقه الاستفاده الوحيده من الخامس ساعتها انه ريحلك الموتور وليس انه ممكن يجيبلك سرعه أعلى و عشان كده بأنصح أى حد عاوز يقفل أقصى سرعه لعربيته بسرعه انه يجيبها على الرابع كلها الأول و بعدين يديها الخامس و ما يعتمدش على الخامس فى أى تجميع سرعه فى أى مرحله من سرعه العربيه مهما كانت)......ده حتى العربيات الأتوماتك ما بتنقلش عند RPM معين و اللى عنده اتوماتك هيلاحظ انه كل ما يكون قارص بنزين اكتر عليها بتنقل متأخر أكتر عشان الRPM يعلى و بيبقه فيه زرار عشان الكيك داون و القياده الرياضيه و ده باختصار كل اللى بيعمله انه بيدى العربيه النقله اللى تخلى الRPM أعلى حاجه ممكنه و ما بيديش النقله اللى بعدها الا لما النقله الحاليه تجيب أخرها وال RPM يوصل لأخره و بالعكس كل ما متقرصش عليها تلاقيها يتنقل بسرعه و على RPM واطى وهكذا ..........والفكره الهندسيه فى الموضوع ده ان كل ما الRPM بيعلى بيخرج قدره أكبر و لو فرضنا ان فى موتور قدرته 100 حصان عند 6000 RPM فال 100 حصان دول مش هيبقوا موجودين كلهم عند 3000 RPM مثلا و ممكن يكونوا 50 فقط وهكذا...........

[bishoo33]

انا عن نفسى بأستخدم الأول فى تحريك السياره فقط وبعد ذلك بنقل على الغيار الثانى والrpm مبيعديش 2.5 او 3 الا فى حالات الشد او الجرى غير كده بسوق على rpm منخفض

[Samir Elshahawy]

أنا دايما بحاول أنقل مابين 2500 و 3000 و برضه علي حسب حالة الطريق و العربيات اللي حوليا لكن لو اضطررت بأنقل علي أر بي أم عالي شوية علشان يدي العربية عزم و بعد كده بأدي الغيار علشان أريح الموتور