اروح التوكيل ولا لا

[ahmedfor3]

عربيتى موديل 2014 عامل 15000 الف كيلو ولسه مغير زيت امسويل سجنتشر 5w30 وفلتر اصلى مكملوش 700 كيلو وغيار الزيت كلفنى 500 جنيه دلوقتى انا لو رحت التوكيل وعايز اعمل صيانة 15000 هل هيقولى ننزل الزيت وهل كده المتور خرج من الضمان وايه اللى هيتم فى صيانة 15000 وعندى خبطه فى العتبه اعملها فى التوكيل ولا بره وبالمره عايز اللمع العربيه معلش يا جماعه اسىلتى كتير واسف للاطاله

[ahmedfor3]

ايه جماعه مفيش حد عبرنى ليه

[egyptiandiver]

سؤال وحيد لحضرتك، العربية لسة في الضمان؟ لو في الضمان اسألهم قبل ما تروح. لو مش في الضمان، يبقى أنصحك تنزل جدول صيانة السيارة من أي حتى على النت أو من هنا من المنتدى و تعرف القطع إلي مطلوبة إيه تروح تشتري قطع غيرك من التوكيل أو أي مكان محترم و تروح تزبط الدنيا عند أي مكانيكي كويس برة... و كل سنة و حضرتك طيب.

[رامي مصطفى]

الصيانه مالهاش دعوه بالضمان .انت حطيت زيت برا التوكيل .هتروح تقلهم عايز اعمل صيانة ال١٥ الف بدون زيت وفلتر هيعملوها عادي.لأنه كده كده واخد ثمنها.
اللي يفرق لو فيه مشكله في العربيه وعايز تصلحها ببلاش على حساب الضمان هوا ده اللي تسأل عليه هل عربيتي هتخرج من الضمان ولا لأ.
انصح حضرتك كمل صيانات معاهم مصنعياتهم قريبه جدا من برا بعد الجشع اللي اصاب الصنايعيه برا.لغاية صيانه ٤٥ الف وقرر بعدها لأن دي اول صيانه هتفرق في سعر المصنعيات لأن فيها حاجات كتير بتتغير.
وربنا يباركلك فيها.واي استفسار تحت امرك

[رامي مصطفى]

وبالنسبه للخبطه اسألهم هتتكلف كلم وفاااااااصل معاهم عادي جدا.انا جربتهم في سمكره في فرع شربين كانوا نضاف وكويسين. واسأل قبل ماتروحلهم على تكلفتها برا التوكيل هتلاقي ارقام غريبه بردوا وقرر بعدها.

[ahmedfor3]

سؤال وحيد لحضرتك، العربية لسة في الضمان؟ لو في الضمان اسألهم قبل ما تروح. لو مش في الضمان، يبقى أنصحك تنزل جدول صيانة السيارة من أي حتى على النت أو من هنا من المنتدى و تعرف القطع إلي مطلوبة إيه تروح تشتري قطع غيرك من التوكيل أو أي مكان محترم و تروح تزبط الدنيا عند أي مكانيكي كويس برة... و كل سنة و حضرتك طيب.

انا شاكر لحضرتك واهتمامك وانا عندى جدول الصيانه والكتالوج هشفهم كده المشكله برده انا عايزهم يشيكو على العربيه وظبط زويا وكشف اعطال بالكمبيوتر فتقريبا هحتاج التوكيل وبرده السمكره ايه رائ حضرتك

[ahmedfor3]

الصيانه مالهاش دعوه بالضمان .انت حطيت زيت برا التوكيل .هتروح تقلهم عايز اعمل صيانة ال١٥ الف بدون زيت وفلتر هيعملوها عادي.لأنه كده كده واخد ثمنها.
اللي يفرق لو فيه مشكله في العربيه وعايز تصلحها ببلاش على حساب الضمان هوا ده اللي تسأل عليه هل عربيتي هتخرج من الضمان ولا لأ.
انصح حضرتك كمل صيانات معاهم مصنعياتهم قريبه جدا من برا بعد الجشع اللي اصاب الصنايعيه برا.لغاية صيانه ٤٥ الف وقرر بعدها لأن دي اول صيانه هتفرق في سعر المصنعيات لأن فيها حاجات كتير بتتغير.
وربنا يباركلك فيها.واي استفسار تحت امرك

الف شكر يا استاذ رامى مصطفى انا بسال علشان كنت خايف من النقطه دى معلش وانا بصراحه مرجح التوكيل علشان كمان لو حاجه تتغير يركب مكانه اصلى

[ahmedfor3]

وبالنسبه للخبطه اسألهم هتتكلف كلم وفاااااااصل معاهم عادي جدا.انا جربتهم في سمكره في فرع شربين كانوا نضاف وكويسين. واسأل قبل ماتروحلهم على تكلفتها برا التوكيل هتلاقي ارقام غريبه بردوا وقرر بعدها.

انا سالت بره قالى 150 بس الصراحه خايف من الشغل لانى لقيت عيل صغير اللى شغال قلت لو التوكيل ذياده 100 جنيه مش مشكله المهم يكون شغله تمام اخر سؤال لحضرتك اروح انهى فرع انا من المرج الجديده وانا بشكر اهتمام حضرتك

[رامي مصطفى]

انا سالت بره قالى 150 بس الصراحه خايف من الشغل لانى لقيت عيل صغير اللى شغال قلت لو التوكيل ذياده 100 جنيه مش مشكله المهم يكون شغله تمام اخر سؤال لحضرتك اروح انهى فرع انا من المرج الجديده وانا بشكر اهتمام حضرتك

ما اعرفش والله ايه الفروع المتاحه عند حضرتك
انا من المنصوره فابعمل الصيانه في فرع المنصوره(سندوب) ولو فيه شغل سمكره باعمله في فرع شربين.