مشكلة صوت صفير بعد الدوارة والعربية باردة

[م.محمود خطاب]

السلام عليكم ورحمة الله وبركاته

انا عربيتى نوبيرا 1 موديل 97

من فتره غيرت سير الكاتينة وسير دينامو وبلية كاتينة وشداد

وبعد 10 ايام من تغيرهم ظهر صوت صفير عند الدوارة وبيقعد لمدة 5 دقايق ويختفى . وببقى باقى اليوم طبيعى خالص .


انا زهقت لف على الميكانيكية ومحدش عارف السبب ايه

[salam100100]

فالغالب صفير جاى من صوت سير المجموعه
خلى الميكانيكى يشوف هل مشدود كويس ولا مرخى
لو مرخى هيتزحلق ويطلع صوت الصفير

بيظبطوا شده بانهم بيجو على اطول حته سير مابين الpulleys ويدوسو عليه, المفروض ينزل بقدار 1-2 سم بالكتير
وهتلاقى فكتالوج العربيه المسافه المطلوبه للسير انه يتحرك لتحت

كان لى واحد صحبى بيعمل حاجه فالشتاء الصبح- كان بيكب مياه على السير والعربيه دايره فصوت الصفير دا بيروح- كان تحايل بدل ميغير السير او يظبطه.

[م.محمود خطاب]

انا عملت كل الحيل دى بإنى احط ميه على السير وحتى شحم ومفيش فايدة

هوا سؤالى ممكن يكون طرمبة ميه ؟ ولا الصفير ده مش بيخرج عن السيور والبلى ؟

[lancer06]

هل الصوت بيختفى لما العربيه بتسخن لو بيختفى يبقى سير
لو الصوت بيظهر احيانا مش على طول
دا ممكن تكون طرمبه الميه صديت من جوا

[fathiazab]

سير المجموعة عاوز يتشد عند ميكانيكي كويس

[zendo]

سير الدينمو عاوز ضبط

[egyptiandiver]

سير الدينمو

[م.محمود خطاب]

الحل طلع فى طرمبة الميه . غيرتها والعربية بقت تمام الحمد لله