هل يجب تغيير البوجيهات عند شراء سيارة مستعملة ؟

[ahmed_wagih]

اعضاء المنتدى عندى سؤال هل يجب تغيير البوجيهات عند شراء سايرة مستعملة مثل الزي والسيور
انا اشتريت لانوس 2008 من سنة تقريبا غيرت سيور وزيت بس البوجيهات كويسة بس انا ليس عندى خبرة معرفش امتى اغيرها العربية بدور الصبح عادى اوقات سحبها بيبقى مش كويس بس اكتشفت ان مشكلة سواق الى هو انا ببقى كاتم السيارة وبدوس دبرياج على طول ودى غلط وانا عارف بس اتعملت كدة
المهم لو لازم اغيرهم اجيبهم نوعهم اية وكام شمعة سمعت انهم بعدد الشمعات

شكرا جزيلا

[picaso55]

شوف الفيديو ده هيفيدك مش عارف ده الاجابة ليك ولا لأ

https://youtu.be/L_CFGpNPsa8

[ahmed_wagih]

شوف الفيديو ده هيفيدك مش عارف ده الاجابة ليك ولا لأ
https://youtu.be/l_cfgpnpsa8

شكرا يكفى رد حضرتك وانك الوحيد من 55 مشاهدة رديت

[tasaka]

اعضاء المنتدى عندى سؤال هل يجب تغيير البوجيهات عند شراء سايرة مستعملة مثل الزي والسيور

NO Need

المهم لو لازم اغيرهم اجيبهم نوعهم اية وكام شمعة سمعت انهم بعدد الشمعات

شكرا جزيلا

تأكد من رقم البوجيه المطلوب من كتالوج العربيه .. و لازم لازم يكون البوجيه اللى من شركه اخرى بكود مكافئ للكود الاصلى الموجود فى الكتالوج ( دنسو مثلا يدلا من NGK )

كل شركه بوجيهات لها طريقه تكويد مختلفه .. و صفحه لفهم الاكواد الخاصه بها

فى كل شركه بوجيهات صفحه لمعرفه الاكواد المكافئه للماركات الاخرى .. مثلا رقم كود البوجيه الدنسو الذى يكافى البوجيه NGK كود bkr6e-11


خلى بالك استعمال بوجيه بدون التأكد من ان مواصفته مطابقه ده خطر .. لان البوجيه لو مواصفته بعيده جدا عن الاصلى ممكن يعمل مشاكل كبيره جدا . ساوضح فى المثال

كمثال بوجيه NGK bkr6e-11
.. ال BK هم لتعريف مقاس قطر القلاووظ و المسافه بين السنون
.. R تعبر عن وجود مقاومه
.. 6 هو الرقم الحرارى المناسب لتصميم الموتور ( مهم جدا الالتزام بالرقم بعد حرف R )
.. E هو مدى عمق سن البوجيه داخل البستم
.. 11 هو فتحه سن البوجيه المناسبه للموتور


الخطوره نوعين
- على جسم البلوك و البساتم ( مشكله كبيره جدا ) .. لو ال BK ( مقاس قطر القلاووظ و المسافه بين السنون ) مختلف لانه حيبوظ السن فى البلوك .. و لو E ( مدى عمق سن البوجيه داخل البستم ) عمقه اكبر من المسموح يبقى ممكن تحدث مشكله مع البساتم

- على الاداء .. الرقم الحرارى لان كل موتور مصمم على اداء حرارى معين .. و كل بوجيه له درجه حراره معينه لكى يقوم البوجيه بالتنظيف الذاتى لنفسه للتخلص من نواتج الاحتراق ..

و فتحه سن البوجيه لو كانت اضيق من التصميم يتاكل بنزين .. و لو اوسع من التصميم يبقى حتسبب misfire و misfire مع الوقت ستسبب مشكله كبيره فى الموتور نفسه


Read this

http://www.nilemotors.net/Nile/168201-a.html

[ahmed_wagih]

NO Need



تأكد من رقم البوجيه المطلوب من كتالوج العربيه .. و لازم لازم يكون البوجيه اللى من شركه اخرى بكود مكافئ للكود الاصلى الموجود فى الكتالوج ( دنسو مثلا يدلا من NGK )

كل شركه بوجيهات لها طريقه تكويد مختلفه .. و صفحه لفهم الاكواد الخاصه بها

فى كل شركه بوجيهات صفحه لمعرفه الاكواد المكافئه للماركات الاخرى .. مثلا رقم كود البوجيه الدنسو الذى يكافى البوجيه NGK كود bkr6e-11


خلى بالك استعمال بوجيه بدون التأكد من ان مواصفته مطابقه ده خطر .. لان البوجيه لو مواصفته بعيده جدا عن الاصلى ممكن يعمل مشاكل كبيره جدا . ساوضح فى المثال

كمثال بوجيه NGK bkr6e-11
.. ال BK هم لتعريف مقاس قطر القلاووظ و المسافه بين السنون
.. R تعبر عن وجود مقاومه
.. 6 هو الرقم الحرارى المناسب لتصميم الموتور ( مهم جدا الالتزام بالرقم بعد حرف R )
.. E هو مدى عمق سن البوجيه داخل البستم
.. 11 هو فتحه سن البوجيه المناسبه للموتور


الخطوره نوعين
- على جسم البلوك و البساتم ( مشكله كبيره جدا ) .. لو ال BK ( مقاس قطر القلاووظ و المسافه بين السنون ) مختلف لانه حيبوظ السن فى البلوك .. و لو E ( مدى عمق سن البوجيه داخل البستم ) عمقه اكبر من المسموح يبقى ممكن تحدث مشكله مع البساتم

- على الاداء .. الرقم الحرارى لان كل موتور مصمم على اداء حرارى معين .. و كل بوجيه له درجه حراره معينه لكى يقوم البوجيه بالتنظيف الذاتى لنفسه للتخلص من نواتج الاحتراق ..

و فتحه سن البوجيه لو كانت اضيق من التصميم يتاكل بنزين .. و لو اوسع من التصميم يبقى حتسبب misfire و misfire مع الوقت ستسبب مشكله كبيره فى الموتور نفسه


Read this
http://www.nilemotors.net/Nile/168201-a.html

متشكر لرد حضرتك

هو انا افضل اغيرهم للاسباب الاتية
1- انا عامل بالعربية دلوقتى حوالى 7-8 الاف كيلو ومعرفش اللى كنت شاريها منة معيرهم امتى
2- اوقات العربية على السلانسية بتنتش منى

اللى فهمتة من حضرتك انى بوجية الانوس هو NGK bkr6e-11 سوالى لحضرتك

هو بيبقة بعدد الشمعات واجيب العادى ولا البلاتين اية احسن لسيارة لانوس 2008
وبالمرة بقى اية رايك اغير فلتر البنزين بالمرة بسبب بردة انى معرفش اللى قبلى كان استعمالة اية


واخيرا شكرا جزيلا ودة مش جديد على اعضاء المنتدى اللى قبل ما اشترى العربية وانا بدحل وبستفاد من خبرات الاعضاء

[tasaka]

متشكر لرد حضرتك

هو انا افضل اغيرهم للاسباب الاتية
1- انا عامل بالعربية دلوقتى حوالى 7-8 الاف كيلو ومعرفش اللى كنت شاريها منة معيرهم امتى
2- اوقات العربية على السلانسية بتنتش منى

اللى فهمتة من حضرتك انى بوجية الانوس هو NGK bkr6e-11 سوالى لحضرتك

واخيرا شكرا جزيلا ودة مش جديد على اعضاء المنتدى اللى قبل ما اشترى العربية وانا بدحل وبستفاد من خبرات الاعضاء

لا المقاس ده انا قلت انه كمثال فقط .. الرقم ده NGK bkr6e-11 ده كود بوجيه عربيتى ( اسبرانزا 620 ) .. يعنى ده موش للانوس

انا قلت لك شوف الكود بتاعك فى كتالوج اللانوس .. و عموما كل البائعين لقطع الغيار حيكونوا عارفينه لان العربيه منتشره

عموما لو ملقيتش كتالوج .. كل علبه بوجيه مكتوب عليها كود البوجيه .. تقدر تروح تسأل عند اكثر من واحد و تقرأ الكود .. لو لقيتهم نفس الكود يبقى تأكيد اكثر

و طبعا الكتالوج هو الاساس و تتأكد و انت باشترى انه نفس كود الكتالوج

هو بيبقة بعدد الشمعات واجيب العادى ولا البلاتين اية احسن لسيارة لانوس 2008

كود البوجيه ده هو اللى بيحدد ان كان نيكل او بلاتينيوم او اريديوم .. و بيحدد كمان عدد الشمعات

اتبع كود الكتالوج .. يعنى لو الكتالوج طالب نحاس .. يبقى حيكون احسن من البلاتينيوم لعربيتك

فلتر البنزين موش مكلف و الامر يرجع ليك .. خلى الميكانيكى يشوف حالته ايه