عايز اعرف بقا لمبة البنزين بتنور ولا لا نوبيرا

[ahmad--ezzat]

انا عندى المؤشر خلاص جاى على الصفر واللمبة منورتش
هو فى لمبة اصلا ولا مفيش
السيارة نوبيرا 2008

[aif]

انا عندى المؤشر خلاص جاى على الصفر واللمبة منورتش
هو فى لمبة اصلا ولا مفيش
السيارة نوبيرا 2008

طبعا فيها ....
اذا كان ال128 والسيات 133 و الزاستافا 750 والعربيات القديمة موديل ابو رجل مسلوخة فيها لمبة يبقي النوبيرا هانم بنت الأصول مواليد 2008 مافيهاش ؟؟؟؟؟ده حتى يبقى عيب في حق كوريا الرقاصة
بص يا باشا .... استني شوية كمان لما البنزين يقل اكتر .... و لما تطلع مطب صناعي لاحظ اللمبة ... بيبقى لونها اصفر .... ومع اهتزاز مستوي البنزين في المطب الصناعي المفروض تنور وتطفى ....ولما يبقى مستوي البنزين منخفض جدا ح تنور باستمرار ....اعتقد عند مستوي من 5 الي 10 لتر ... مش متأكد
لو ما حصلش ممكن تكون اللمبة مش شغالة لأي سبب ....
لكن دي مهمة جدا لأن بدونها ممكن العربية تقطع بنزين لو انت مش واخد بالك ....... لو مش شغالة روح التوكيل يظبطوهالك

[iunknown]

المفروض كل لمبات التابلوه بتنور عند التشغيل

لو مبتنورش عند جضرتك يبقى العيب في اللمبة

لو بتنور يبقى حاجة في السينسور اللي في العوامة

[aif]

المفروض كل لمبات التابلوه بتنور عند التشغيل

لو مبتنورش عند جضرتك يبقى العيب في اللمبة

لو بتنور يبقى حاجة في السينسور اللي في العوامة

لمبة البنزين مش بتنور مع الكونتاك مثل باقي اللمبات ....
الكلام ده في كل العربيات اللي انا سوقتها

[ahmad--ezzat]

ايوة مش بتنور مع الكونتاكت

[D . a .\ AYMAN]

انا كان معايا نوبيرا 2000 وماكانش فيها لمبة بنزين أصلا

طبعا معرفش 2008 فيها ولا لأ

[wesam_salom]

انا معايا وعمرها ما نورت
ولما العداد بينزل للصفر بيبقى باقى فيها كتير
بس انا بقلق فدايما بفولها
وكمان بخاف انى ملاقيش بنزين 80
لانى شغال بيها 80 من يوم البنزين ما غلى

[D . a .\ AYMAN]

أعتقد كده يبقى مافيهاش لمبة أصلا .. حتى 2006 مافيهاش لمبة أهه


بس ياباشا انت بنزين 80 عامل معاك إيه في العربية .. وحاسس منه بأي مشاكل؟

[Michael_Lanos]

ما توصلش المؤشر لغايه الصفر علشان الخراطيم والفلاتر ماتتسدش
سيب على الاقل ربع التتانك مليان

[ahmad--ezzat]

ما توصلش المؤشر لغايه الصفر علشان الخراطيم والفلاتر ماتتسدش
سيب على الاقل ربع التتانك مليان

ياباشا انا متعود احط 92 من اول ما جبتها وعمرى ما وصلتها لربع التانك اصلا
يعنى بملا بنوين على طووووووول
وعلى فكرة انا رحت انهردة بيها مشوار والمؤشر نزل على الاخر ونورت فعلا
بعد مانورت رحت حطيت 64 لتر (التانك كبير اوى ) عندى الصنى بتقفل عن 40 فقط

[D . a .\ AYMAN]

طب الحمدلله انها نورت اهه

كده انت عرفت بقى الحمدلله انها فيها لمبة ... وبتنور اهه

[mohamedhamdy82]

طبعا فيها لمبه وبتنور كمان ..
انا لسه مجرب الموضوع ده على فكره الاسبوع ده .. انا من يوم ما اشتريتها وانا عمرى ما سيبتها تفضى بنزين للدرجه دى .. بس قولت اجرب كده اشوفها .. مع ان الموضوع ده غلط علشان كده العربيه بتسحب من الشوائب والترسيبات اللى موجوده فى التنك من تحت .. وده مش كويس .

[TAMERMAKRAM]

انا معايا نوبير 2008 ولما استلمتها كانت بتنور فى الربع الاخير من التنك وبعد فترة لم تعمل تانى رحت 3 مرات فى الصيانة فى ابو رواش وكان التنك فاضى قال لى المهندس ان اللمبة هتعمل معاك بعد ما تمون السيارة على الاخر وترجع تفضى معاك هتلاقيها اشتغلت وطبعا الله واعلم دى كانت اشتغالة منه ولا لا وبعدما ما عملت لا شى يعمل رحت لسه فى يوم 1-12 صيانة 15000 مع ان العربية عملة 10000 بس المهم قال لى ان الفيشة بتاعت اللمبة مهزوزة وفضلت ماشى لحد ما مونت 56 لتر والمبة لم تنور وبعدين هى لازم تنور لما يبقى فى التنك لتر غريبة دى على العموم من الواضح انك لازم تخلى بالك من الموشر وريح دماغك لانى تعبت من الموضوع المبة دى