مشكلة غريبه فى نوبيرا 1

[م.محمود خطاب]

السلام عليكم ورحمة الله وبركاته

السادة الأفاضل . عاوز مساعده فى حل المشكلة دى
انا عربيتى نوبيرا 1 موديل 97 . وعملت ايدل ليرن للعربية بالخطوات مظبوطه وبعدها حصل الآتى :-

بشغل كاسيت العربية ألاقى لمبة الشنطه اللى فى التابلوه تنور ولمبة الصالون تطفى لو انا مشغلها والساعه تطفى

انا حاسس انى بوظت حاجه فى الكنترول

[م.محمود خطاب]

مع العلم ان العربية مشيها كويس الحمد لله ومفيش مشاكل تانية فى العربية

[aboomar22]

لا كنترول ايه --روح لكهربائى يبص على الارضى لو محتاج تقوية

[م.محمود خطاب]

الحمد لله . كان الفيوز بتاع الأنتنا فى علبة الفيوزات جنب الموتور

[رامي مصطفى]

صاحبي معاه نوبيرا ١ عداد الحراره مش شغال وراح لكل الكهربائيه قالولوا النوبيرا ١ فيها عيب في عداد الحراره وما تتعبش نفسك فيه
هل الكلام ده صحيح
برجاء الرد لانه ضربت منه جوان قبل كده وهوا ماشي مش عارف حاجه العداد بيعلق وماشي بالبركه

[م.محمود خطاب]

أمبير الحراره فى العداد عندى وعند غيرى كتير بيهيس . يعنى ممكن يقعد بالإسبوع والشهر مافيهوش مشاكل وفجأه تلاقيه بيعدى النص ويوصل للإشارة الحمراء . وتلاقى الموتور طبيعى وحرارته طبيعيه والميه فى القربه تمام وكله تمام .

العيب ده مشهور فى النوبيرا 1 . الحل بتاعه انك تغير امبير الحراره ده . ولكن مش اى كهربائى ممكن يعمله . والأفضل انك تجيب لوحة عدادات استيراد كامله وخلاص . عندى فى طنطا ب 350 جنية . وأمبير الحراره بس ب 80 والمصنعيه 20 يعنى المجمل 100

[رامي مصطفى]

أمبير الحراره فى العداد عندى وعند غيرى كتير بيهيس . يعنى ممكن يقعد بالإسبوع والشهر مافيهوش مشاكل وفجأه تلاقيه بيعدى النص ويوصل للإشارة الحمراء . وتلاقى الموتور طبيعى وحرارته طبيعيه والميه فى القربه تمام وكله تمام .

العيب ده مشهور فى النوبيرا 1 . الحل بتاعه انك تغير امبير الحراره ده . ولكن مش اى كهربائى ممكن يعمله . والأفضل انك تجيب لوحة عدادات استيراد كامله وخلاص . عندى فى طنطا ب 350 جنية . وأمبير الحراره بس ب 80 والمصنعيه 20 يعنى المجمل 100

الف شكر لحضرتك
هوا غير قبل كده العدادات ولسه المشكله
هل قصد حضرتك بتغيير امبير الحراره انك تحط بتاع عربيه ثانيه؟ اصل لو المشكله في امبير الحراره دا هوا غير العدادات كلها