ارجو الافادة ولكم جزيل الشكر ( شيفرولية لانوس)

[khaled4nour]

من اسبوع تقريباً بدوس على زرار رقع الزجاج للباب اللي جنبي ومفيش اي استجابة نهائياً
روحت سبير كار قالولي ده الموتور وجابوبلي بعدها بيوم موتور استيراد بدون الماكينية ب200 جنيه
اشتغل معايا اسبوع وفجأت ان نفس الحالة اتكررت امبارح بدوس على زرار الرفع مفيش اي استجابه
لما لروحت لسير كار تاني الفني راح ضارب على راس الموتور وراح شغال
انا طبعاً رفضت الكلام ده ورجعت له الموتور وأخدت فلوسي
هل العيب ده فى الموتور الجديد كمان بالصدفة يعني اشتري موتور بنفسي
ولا عيب ماكينة كمان مع الموتور ؟ ولا ايه بالظبط
مع العلم الفني مجرد ضرب على راس الموتور وهو راكب اشتغل على طول ولما ركبت القديم مش شغال
ارجو الأفاااااااااادة ولكم جزيل الشكر

[khaled4nour]

فينكم يا شباب ؟

[bluemail]

اولا الموتور الاستيراد شغال لكن هو اتفك من عربيه تانيه ممكن لعيب معين، انه بيعلق مثلا
او لاي سبب تاني
طيب الموتور اللي انت فكيته ايه سبب انه باظ، هل غسلت العربيه ونزل عليه ميه مثلا، هل دخله كهرباء زياده اتحرق الملف
عموما لو انت مقلق امرك لله، هات موتور جديد وركبه ، وشوف ايه سبب ان القديم باظ
بالتوفيق

[Weesky]

اولا احب اقولك فداك ١٠٠ ماتور باب ولا يهمك ثانيا الموضوع ده حصل معايا في العربية القديمة حوالي ٤ مرات في سنة واحدة لحد لما روحت لواحد بيتهيألي اكتر واحد بيفهم في اللي روحتلهم قاللي ان الماتور بيوصله مايه وده عادي بس كل اللي كانو بيركبو المواتير قبل كده معندهمش ضمير وكانو بيركبوه غلط الله اعلم قاصدين عشان يبوظ تاني ولا بجهل منهم وكان الحل انه ركب الماتور بشكل عكسي(بالمشقلب) بحيث ان لو جه عليه مايه نتيجه غسيل العربية او الشتاء متوصلش للكهربا بتاعته ده طبعا غير ان الله اعلم الماتور اللي انته بتركبه اساسا حالته ايه

[picaso55]

https://www.youtube.com/watch?v=M53A_Rod2vM

[picaso55]

https://www.youtube.com/watch?v=LAIbs_NrLgI

[zezoavi]

حصلت معايا قبل كدا
كنت لازم اخبط على الباب علشان الزجاج يرفع او ينزل
رحت لكهربائى قلى الشربون اللى فى موتور الزجاج خلص
وغير الشربون والحمد لله الموتور شغال كويس ( التكلفة 40 جنية شربون + مصنعية )
اتمنى تكون مشكلتك كربون
سهلة ان شاء الله

[hany ali_20000]

الفيديوهات بتاعت الاستاذ / مصطفى حسن فى الاعلى من الاخر