عيوب دايو لانوس --ومصير شيفروليه لانوس الجديدة

[medo60]

استطلاع للرأى
هل تتوقع تواجد نفس عيوب الدايو القديمة فى الشيفروليه الجديدة

الان وبعد ونحن ننتظر الانوس الجديدة --هل ستكون مثل الدايو القديمة ام سيتم ادخال بها تعديلات
بالطبع لقد نجحت دايو فى لانوس بدليل انتشارها بشدة فى شوارع المحروسة ولكن لان كل سيارة بها عيوب فهل سيكلف منصور نفسه بتلاشى او تقليل عيوب السارة القديمة---؟؟؟؟؟؟؟؟؟
هناك بعض عيوب الانوس من اقوال سائقيها انفسهم ----ماذا تتوقعون لمصير الجديدة
من عيوب الانوس القديمة
1- اعطالها فى الكهربا كتير
2- كراسيها منخفضة جدا تجعلك تشعر بأنك جالس على الارض ( البعض يعتبرها ميزة تعطيها ثبات على السرعات العالية فوق 120)
3-يقال ان فراملها مش جامدة---انا مش مقتنع عن تجربة بذلك فهى معقولة الى حد ما
4-شكل الانوس عقيم واصبح منتشر بشدة فى شوارع المحروسة
5-كمان متنساش ان توكيل منصور اغلى من توكيلها الاصلى دايو
6-عزل الاصوات التى بخارج السيارة سىء للغاية حتى انك تسمع كل شىء تقريبا وانت داخلها
7- اكبر مشكلة في اللانوس هي انك ازم تبقي حذر ف المطبات والشوارع المكسرة لأن العفشة بتاعتها مش اد كده...
8-ان صاجها منفوخ يعنى صعب سمكرتها لو حصل حادثة وطبعا الصاج خفيف جد
9-الريادياتير بتاعها هواء يعنى تملى ماء من الاربة فقط ودية طبعا مشكلتها ان لو فية خرم صغير فى الريادياتير العربية بتسخن جد

[Samir Elshahawy]

كل سنة و انت طيب

أسمح لي أختلف معك في بعض النقاط كما اتفق معك في البعض الاخر

أولا.. أري ان منصور شيفورليه لن و لم يطور شئ في اللانوس الجديدة لانه مثله مثل غيره من الوكلاء لايحرصون علي تحسين جودة منتجاتهم بقدر ما يحرصون علي جني المال من جيوب المستهلكين لذا اتوقع أن تظهر بها عيوب جديدة نتيجة للمزيد من التوفير في الخامات تماما مثلما فعل أبو الفتوح من قبل عندما انتج لانوس 2 و ظهرت بها عيوب لم تكن موجودة بسابقتها

ثانيا.. اري و ذلك من خلال تجربتي الشخصية ان الكثير من العيوب التي ذكرتها علي لسان بعض من امتلكوا هذه السيارة فيه نوع من المبالغة مثل عيوب الكهرباء و الفرامل و العفشة فلم أصادف و الحمد لله اي من تلك المشاكل علي مدار اكثر من سنتين بالرغم من تعرض تلك السيارة للطيران اكثر من مرة بسبب مطبات مفاجئة و عنيفة

ثالثا.. أتفق مع سيادتك في أن الشكل اصبح متكرر و لكن ذلك يرجع كما ذكرت الي انتشارها بشوارعنا و ذلك لايقلل من سمعتها و كفائتها كما اتفق معك في ان كراسيها منخفضة و غير مريحة بالاضافة الي عدم وجود عزل جيد للصوت مما يزيد من عدم الراحة داخلها

لكن بشكل عام هي من السيارات الجيدة جدا و التي اثبتت نجاح في مصر

[medo60]

اتفق معك فى ان البعض مبالغ فيها ولكنها موجودة ولا نستطيع ان ننكرها
موضوع اضافات سيعملها منصور فهو متروك للوقت--- لكن بالطبع هو اغلى كتيييييير من داايو

[pro_samir]

الانووس مشاكلها مش بشعة قوى كدة
هيا تعتبر افضل عربية فى سعرها ، لكن فى عربية اسمها بيجو روا بتعمل 70 الف برضو دى كنت عامل موضوع بسأل عليها ولو العربية دى كويسة اكيد تبقى افضل من الانوس
لكن بشكل عام الانوس مشاكلها كلها فى الفرامل و الثبات فوق ال140
يعنى العربية خفيفة وموتورها حلو وممكن تجرى بس ابقى قابلنى لو عرفت تقف بسرعة
وخصوصا لو بتجرى جامد او ماشى على طريق فية تراب .. هتفرمل هتسمع صريخ الكاوتش فقط والعربية ماشية زى ما هيا

وكان فى موضوع هنا فى المنتدى عن تغيير الطنابير ونظام الفرامل خالص بالأضافة لموضوع الجنوط كدة العربية هتتغير خالص
يبقى موضوع انها بتحف فى المطبات ودى حاجة يمكن التعود عليها لأنها مشكلة شوارع مش مشكلة عربية
وعربيات قليلة جدا اللى مش بتحف

[احمد عز]

سيعمل منصور على تحسينها

[MMamdouh]

فيه حاجتين مهمين اوى لازم نعرفهم قبل ما نكمل المناقشة

لا منصور ولا مازنجر حتى يقدر يغير فى تصميم حاجة فى العربية... هو متعاقد على انتاج عربية بمواصفات معينة بالتالى مش من حقة يغير فى مواصفات حاجة... يعنى لا يقدر يركب فرامل مختلفة ولا ضفيرة مختلفة ولا يعدل فى الشكل ولا اى حاجة من الحاجات دى و بالتالى محدش يتوقع اى نوع من انواع الاختلاف بين الشيفرولية لانوس و الدايو اللانوس

تانى حاجة... قايمة المشاكل دى غريبة شويتين... انا معايا لانوس استلام شهر 11 سنة 98 يعنى يمكن معايا لانوس قبل معظم ان لم يكن كل الناس اللى هنا و لم تواجهنى مشكلة فى الكهرباء من التاريخ دة...

و غيرت مساعدين عند 70 الف و بطاحات و كوبايات عند 100 الف... و الكراسى دى تقع تحت بند "الراى الشخصى" مش العيوب لان ببساطة ممكن واحد اتعود انه يقعد على كرسى الحمام اللى مركبينة فى الشاهين و بالتالى حيحس انه قاعد غلط فى اللانوس... و حيقول نفس التعليق لو ركب لانسر كريستالة

الفرامل انا معاكم بشدة... الفرامل دى على قد واحد عمرة 65 سنة و بيمشى بسرعة 40 كيلو... بس حتى دى لقيتلها تعديل و الحمد لله العربية دلوقتى بتفرمل تمام مهما كانت السرعة و الحمولة

اما قصة الشكل و النفخ و كدة فلا اساس لها من الصحة لانى لسة مسمكر عربية والدى و طلعت زى الفل و الراجل ولا اشتكى ولا اى حاجة و العربية خلصت فى يومين... اذا كان فيه صنايعى بيشتكى يبقى حرفيتة على قدة

و بعدين انهى عربية جديدة مفيهاش بومبيهات؟؟؟ او صاجها تقيل زى الناس (بغض النظر عن الالمانى)

الشكل... اه شكلها قديم... هل شكلها وحش؟؟؟ يكفى انك تبص على عربيات موديل 2008 زى السبرانزا و الرينو اللوجان و الفرنا و الماتركس و انت تعرف اذا كانت اللانوس وحشة ولا حلوة

موضوع الرادياتير دة معرفش جة منين... و هو فيه عربية رادياتيرها بيتخرم و متسخنش؟؟؟

اما موضوع العزل و كدة ممكن يكون صحيح... بس دة عمرة ما كان سبب جوهرى انى اشترى عشانة عربية

MMamdouh

[amrrashed]

بص ياباشا العربية مفيهاش اى عيوب كهربا من اى نوع والحمد لله وكمان مبتسخنش الا اذا كان فيه مصيبة فى الردياتير وبدون عيب الفرامل العربية دى اختراع للشعب المصرى

[Mohamed A S]

بشهادة السمكري اللي عملت عنده العربية .. اللانوس من أفضل السيارات الموجودة في السوق حالياً عند مقارنتها بنفس السيارات في نفس الفئة مثل الفيرنا مثلاً. ودا مش تحيز.
وكل عام وأنتم بخير...

[TICOXX]

عيوبها:
الفرامل
الصاج خفيف

عدا ذلك ممكن تجيب اي عربية في الحدود السعرية دي و قارنها بالانوس واذا لقيتها تكسب الانوس يبقى ليك الكلام
و لي قريبي معاه جوليت عاملة 350 الف كيلو و لسة معملش عمرة!!
و محصلوش حاجة من كل المشاكل اللي معاك دي بس معاملته في منتهى النضافة للعربية

[TICOXX]

اضافة اخيرة....هوة لو الانوس مثلا مش عربية ناجحة ولا فيها كل العيوب المذكورة دي كلها.........كان منصور هيعيد تصنيعها ليه بقى؟؟؟؟؟؟

[hapepeyaa133]

كل سنة و انت طيب

أسمح لي أختلف معك في بعض النقاط كما اتفق معك في البعض الاخر

أولا.. أري ان منصور شيفورليه لن و لم يطور شئ في اللانوس الجديدة لانه مثله مثل غيره من الوكلاء لايحرصون علي تحسين جودة منتجاتهم بقدر ما يحرصون علي جني المال من جيوب المستهلكين لذا اتوقع أن تظهر بها عيوب جديدة نتيجة للمزيد من التوفير في الخامات تماما مثلما فعل أبو الفتوح من قبل عندما انتج لانوس 2 و ظهرت بها عيوب لم تكن موجودة بسابقتها

ثانيا.. اري و ذلك من خلال تجربتي الشخصية ان الكثير من العيوب التي ذكرتها علي لسان بعض من امتلكوا هذه السيارة فيه نوع من المبالغة مثل عيوب الكهرباء و الفرامل و العفشة فلم أصادف و الحمد لله اي من تلك المشاكل علي مدار اكثر من سنتين بالرغم من تعرض تلك السيارة للطيران اكثر من مرة بسبب مطبات مفاجئة و عنيفة

ثالثا.. أتفق مع سيادتك في أن الشكل اصبح متكرر و لكن ذلك يرجع كما ذكرت الي انتشارها بشوارعنا و ذلك لايقلل من سمعتها و كفائتها كما اتفق معك في ان كراسيها منخفضة و غير مريحة بالاضافة الي عدم وجود عزل جيد للصوت مما يزيد من عدم الراحة داخلها

لكن بشكل عام هي من السيارات الجيدة جدا و التي اثبتت نجاح في مصر

فرحتنى بردك ده والله ياباشا انا معايا لانوس برده 2008 وشايف انها عربية مناسبة وجميلة جدا بالسعر ده . والاخ صاحب الموضوع بيقول ان العربية واطية طيب ماهو كل الجديد واطى. وكمان معظم الجديد صاجه خفيف جدا وكمان بومبيه ايه المشكلة فى كدة يعنى. انا مش بشكر فيها عشان هى معايا بس هى فعلا ممكن يكون موضوع عزل الصوت الخارجى هو اكتر حاجة مضيقانى من بعد ما ركبت اللانسر

[SOBKY]

رأيي المتواضع ..
اعتقد لو الشركة الام و هي ( شيفرولية ) حاليا ... هي اللي عالجت العيوب اللي كانت موجوده في سابقتها ( الدايو ) .منصور هايطلع العربية بدون العيوب دي.
لانه ببساطه بيجمع مش بيصنع او بيعدل عربيات .
هو بيتبع و مش بيبتدع.

[amirhamed]

اضافة اخيرة....هوة لو الانوس مثلا مش عربية ناجحة ولا فيها كل العيوب المذكورة دي كلها.........كان منصور هيعيد تصنيعها ليه بقى؟؟؟؟؟؟

+1111111111

[egyptianmafia]

ya gama3a.....malo mansour wel 3arabeya deh????? Mansour bas dealer....GM Egypt homa ely beysan3ooha fe 6 October.......fe GM heya ely betghayar fel shakl mesh Mansour.....

[shanodaa]

لانوس سياره اقتصاديه في التشغيل ومعمره ومعشوقه الشعب المصري ويكفي ان نقول كلاكيت ثاني مره بطوله منصور شيفورليه