مؤشر الحرارة

[ahhmed]

مؤشر الحرارة فى العربية لما بكون ماشى على طريق سفر بينزل تحت واللى انا عارفة ان المفروض المؤشر صيف شتاء اى وقت يكون ثابت على النص على فكرة طول ما انا ماشى وسط البلد المؤشر ثابت عند النصف.يا ترى كلامى صح ولااية. وكمان ساعات بسمع صوت مياة وراء التابلوة لما بدوس بنزين .واحد قاللى المشكلة فى سربنتينة التكييف السخن يا ترى علشان افكها لازم احل التابلوة كلة ولا الدرج بس ويا ترى لاغيها صح ولا غلط وياترى لو فيها تسريب بتتغير ولا بتتلحم.ياترى المشكلة فى الثرموستات ولا السربنتينة..
ارجو ان تفيدونى ......
على فكرة العربية نوبيرا 2002

[Sherif Khalifa]

الثرموستات عندك ملغية او مفتوحة على طول

[ahhmed]

الف شكر يا شريف باشا بس اللى انا متأكد منة ان الثرموستات مش ملغية لاننا العربية معانا وهيا زيرو ومحدش لعب فى الثرموستات خالص.ياترى لوحتتغير اية هواحسن نوع وبكام.بس يا ريت تفيدنى فى حكاية صوت المياة اللى وراء التابلوة

[Sherif Khalifa]

no idea sorry

[ahhmed]

ماشى يا سيدى الف شكر

[Thaer]

على فكرة الحكاية ده زي عندي بالضبط
يعني لما اكون ماشي سريع على طريق مفتوح (بدون زحمة يعني) بيتزل مؤشر الحرارة للربع تقريبا.. بس انا ما عنديش صوت المية دي

[ahhmed]

بس اللى انا عارفوا ان الثرموستات وظيفتها تثبيت درجة حرارة الموتورملهاش دعوة بقى طريق سفر مش سفر الحرارة لازم تبقى ثابتة . اكيد فى حاجة مش مظبوطة

[askassem]

موضوع نزول مؤشر الحرارة لما تجرى بسرعة ده طبيعى جدا
لان الهواء الساقع بيعدى فى الرادياتير بسرعة كبيرة فعلا بتبرد العربية جامد
و حتلاحظ إن فى الشتاء حتبرد أكتر من الصيف و بالليل أكتر من النهار

أما موضوع صوت المية اللى ورا التابلوه ده بتسمعه و التكييف شغال ولا و هو مطفى؟
و لو و هو شغال ، أول ما يشتغل ولا بعد فترة؟

[Sherif Khalifa]

موضوع نزول مؤشر الحرارة لما تجرى بسرعة ده طبيعى جدا
لان الهواء الساقع بيعدى فى الرادياتير بسرعة كبيرة فعلا بتبرد العربية جامد
و حتلاحظ إن فى الشتاء حتبرد أكتر من الصيف و بالليل أكتر من النهار

كلام حضرتك صح
بس بتنزل درجة او اثنين

مش للربع زى ما صاحب الموضوع ذكر
الثيرموستات بتفتح المياة للردياتير عند اللزوم غير كدة دور المياة داخل غرف تبريد المتور فقط
فى حالة صاحب الموضوع الثيرموستات مفتوحة على طول و بتعدى المياة على الردياتير بصفة مستمرة و علشان الهواء الخارجى المياة متبردة بصفة مستمرة علشان كدة الحرارة بتنزل على السريع
على الفكرة الموضوع دا فى الشتاء مقرف جدا و ممكن مع المدى البعيد اختلاف درجات الحرارة المفاجئ (يعنى جوا البلد تسخن و اول ما يطلع على السريع تبرد) يعمل مشكلة فى الاسطح المعدنية للمتور

[Thaer]

طيب فين هو الثيرموستات بتاع الحرارة و ازاي نعرف انه شغال او لا؟