نقص مياه التبريد

[mahmoudmub]

السلام عليكم
لو سمحتو ياجماعه مية القربة عندى بتنقص باستمرار يعنى تقريبا لتر كل يومين تلاته ومش لاقى اى تسريب بسىلاحظت بعد كدا ان الشكمان بينقط ميه وعمل بقعه سمرا تحت منه ارجو الافاده ولكم جزيل الشكر

[dbabis8]

جرب الاول غير غطا القربة لانه بيسرب الميه بخار و العربيه دايره

[mahmoudmub]

شكرا لاهتمامك dbabis8 وجارى التجربه والاختبار

[ahmed.zahra]

شوف ميكانيكي عنده جهاز كبس دورة المياه و خليه يكبسهالك و حيظهر أدامك التسريب منين و عالجه

[عبدالله الناصح]

نفس المشكلة عندى....انتظر ردودكم..لانه امر مزعج..

[a7medsh3rawi]

لو بتحط ميه حنفية فطبيعى انها هتنقص
حط سائل تبريد موبيل وهيظهرلك العيب فين

[ahmed_wagih]

المشكلة دة كانت عندى
روح اعمل كابس لدرورة التبريد بيبان العيب فين عندى كانت المشكلة من الشجرة غيرتها

بعدها كانت القربة مخرومة غيرتها وجبت بالمرة غطاء جديد الدنيا من وقتها الحمد لله بقت تمام

[mahmoudmub]

شكرا ليكم ياحضرات تم حل المشكله بأمر الله وبعد البحث الدقيق فى دورة المياه وجد تسريب من الكوعه اللى جايه من المكنه وداخله على الريدياتير وتم تغيير علبة الريداتير لانها بعد القرص على رباط القفيز اتكسرت لانها كانت دايبه من الحراره

[ahmed.zahra]

مبروك

[mahmoudmub]

الله يبارك فيك ياغالى

مبروك

[hytham abdo]

انا يا جماعه غيرت غطاء القربه وبعد كده غيرت الشجره والكوعه اللى بتركب فيها وبعد كده غيرت مشترك الميه ولسه فى نقص مايه ونفسى احط مايه تبريد نضيف بس المايه بتنقص كوب مايه كل يومين .
ممكن اكبس الدوره انى احط وش البلور فى القربه واشغله ولا كده غلط ؟؟؟؟؟