مشكلة فى العربية محتاج حد خبير يدلنى على العيب والحل

[أسامة الصاوى]

السلام عليكم إخوانى الأفاضل
فى مشكلة بتحصل معايا مش قادر احدد سببها وعاوز اعرف من إية وحلها إية؟
المشكلة إنى لما بكون ماشي على الغيار التانى أو التالت أو الرابع وواخد سرعة الغيار عادى ومش قارص ولا حاجة وأسيب دواسة البنزين بحس إن العربية بتكلبش وتسيب كأنى بدوس فرامل واسيب بسرعة ولما بمور الغيار على سرعتى الموضوع ده بيروح لكن لو على الغيار وواخد سرعة الغيار عادى واسيب بنزين العربية بتعمل الحركة دى ولما بمورها وهى ماشية بتمشي عادى خالص وبإنسيابية جدا
بالإضافة بقي لخشونة عندى فى الدواسات كلها وطقطقة كدة غريبة فيهم والعربية صوتها بيعلى قبل الغيار ما ياخد سرعته العادية يعنى قبل ماوصل 2 أر بي إم كأنى حارق على 4 كدة ولا حاجة
فوق كل دة زيادة فى استهلاك البنزين مصاحب للأعراض دى ومكنتش كده وريحة عادم فى الصالون ... العربية اتهبلت وانا مش عارف أبدء منين .... حد عارف اللى بيحصل ده من إيه؟
أسف على الاطالة وشكرا مقدما

[ahmed.zahra]

اتأكد من الكبالن الداخلية و بلي العجل

[borio1704]

عربيتك محتاجة شوية نظافة وتزييت للأجزاء المتحركة في البوابة والاكسيراتير.

وحتى الدواسات... مجرد لو رشيت wd-40 على المفصلات هتلاقي كل حاجة بقت تمام.

الفرملة الفجائية اللي بتحصل لما بتشيل رجلك من على البنزين غالبا بتبقى نتيجة إن البوابة بتكون قفلت وفتحت تاني.. غالبا محجرة.

جرب بردو تستخدم منظف دورة البنزين على تفويلة تانك... وواظب على الموضوع ده كل 5000 كيلومتر... هتلاقي معاك عربية تانية.

ما تفتحش في حاجات أكبر.. الموضوع كله شوية نظافة وصيانة... بس لازم تواظب على كده.

[salam100100]

ممكن تفاصيل اكتر عن العربيه.
موديل- كم- ايه الصيانه اللى اتعملت فيها؟