السلام عليكم جميعا

[M3rouf]

دلوقتي انا اشتريت عربيه دايو نوبيرا 2 موديل 99

ولما بشغل العربيه بتظهرلي علامه check علي التابلوه منوره دي معناتها ايه واعمل ليها ايه

[M. Elkhodary]

llmt_2 (1).jpg

الف مبروك العربية يا باشا و ربنا يرزقك خيرها و يكفيك شرها

[M3rouf]

الله يبارك في حضرتك

انا مش عارف اعمل ايه في اللمبه دي يعني هل هي خطر ولا ايه ولا اروح ل ميكانيكي ولا ل كهربائي

[M. Elkhodary]

باشا معلش هى اللمبة اللي منورة عندك رقم كام في الصورة اللي انا رفعتها لك؟

[M3rouf]

رقم 62

[M. Elkhodary]

رقم 62

اكيد اه روح لميكانيكي عشان دي لمبة موتور يعني اكيد لما تنور يبقى في مشكلة في الموتور

ما تسيبش و ما تتعودش تهمل مشاكل في المكنة ولا العفشة عشان لما بتهملها بتفتح و المشكلة تكبر و بدل ما تصلح حاجة على الاد ب 100 ج تبص تلاقي الموضوع وسع و بقيت محتاج تصلح حاجة ب 700 ج

[salam100100]

اللمبه دى معناها ان كوبيوتر العربيه قارى قراءه مش مظبوطه
والقراءه دى بتكون جايه من سينسور

فبالتالى انت محتاج تكشف بالكومبيوتر عشان تعرف فين العيب

وفى اغلب الاحيان لو العربيه معاك ماشيه كويس ومش بتقطع فالغالب بيكون حساس شكمان (دا تخمين)

[dbabis8]

حساس الشكمان و حساس العمة كانوا بيعملوها معايا و لما اتنضفوا بطلوها