تعديل فوانيس دايو سيلو

[M. Elkhodary]

حد من ملاك العربية الدايو السيلو جرب يسأل عن امكانية اني اشيل الفوانيس ان شاء الله حتى اغير الشبكة كمان معاهم و احط فوانيس نوبيرا؟

طالع في دماغي الفكرة دي بس عاوز اعرف هل هى اصلا ممكن تتعمل لأني مفهمش في حوار تعديل العربيات ده و عاوز استفسر منكم هو انا اعدل و انضف ازاي في شكل العربية السيلو؟

[omardarw]

ان شاء الله تلاقي الرد ، لو سمحت معروض عليا سيلو 96 والميكانيكي كرهني فيها بيقول مفيش قطع غيارها داخليه وخارجيه والعربيه انقرضت، وعايز اعرف رينج سعرها اوتو كام؟

[M. Elkhodary]

ان شاء الله تلاقي الرد ، لو سمحت معروض عليا سيلو 96 والميكانيكي كرهني فيها بيقول مفيش قطع غيارها داخليه وخارجيه والعربيه انقرضت، وعايز اعرف رينج سعرها اوتو كام؟

انا اشتريتها من بورسعيد منطقة حرة لأن انا من بورسعيد
عربيتي مانيوال كانت في شهر 7 اللي فات ب 32 الف جنيه بعد منهادة و ترخيص في سعرها
كان في واحد بيبيع عربية اتوماتيك و بيقول انه مغير عفشتها و مكنتها بالكامل بحاجة اللانوس و كان قافش يبيعها ب 38 الف
دي اسعار المنطقة الحرة

معنديش فكرة و الله عن اسعار الملاكي

بص هى العربية لسه ما احتاجتش اني اتعامل كتير فيها مع الميكانيكية و العفشجية
بس العربية دي حوالي 90% من المكنة و العفشة فيها هى حاجة اللانوس
يعني مثلا العربية عندي ما فيهاش باور ف الدريكسيون
دخلت قعدت ادور ع الكتالوج بتاعها و اتشقلبت لحد ما وصلت لمواقع اجنبي قايلة ان القطمة الدريكسيون الباور للعربية دي هى هى بتاعة اللانوس
مساعدين العربية و العفشة كلها لانوس
فتيس العربية المانيوال هو فتيس اللانوس ابو سوسته عشان تجيب مارشدير
مكنة العربية الكامة الواحدة هى مكنة اللانوس
حتى لو عوزت تسقطلها مكنة هتحط مكنة اللانوس
العربية قلبها لانوس و دي ميزة فيها
العيب اللي فيها هو الكهربا
اول حاجة انا قريت ان الماكنة الكامتين الكهربا بتاعتها زفت
تاني حاجة و دي عندي مشكلة بعاني منها
حاسس ان كل توصيلات الكهربا زي الزفت و عاوزة تتفور
بسبب ان النور العالي عندي مش ضارب مسافة و حاسس ان اضاءته ضعيفة جدا لو قارنتها بالعالي بتاع النوبيرا 1
تاني حاجة الكلاكس عندي انا بيعلق ... دي مشكلة ف عربيتي بس ... الكلاكس عندي بيضرب لما اكون متنرفز عليه و اضربه جامد يعني لو بضرب كلاكس عادي في دخلة تقاطع او جانبي مثلا ف الكلاكس ميشتغلش... انما لو بشتم سواق تاكس كسر عليا الاقية الكلاكس شغال

بالنسبة ل رينج الاسعار اللي بتسأل عنه هتلاقي هنا عل الموقع بس في الموقع نفسه مش ف المنتدى في قسم لأسعار السيارات ده طبعا غير موقع اوليكس
الميكانيكي اللي يفهم فيها هو الميكانيكي اللي شغال في الدايو اصلا يعني لو بيفهم كويس ف اللانوس 1 و النوبيرا 1 هتلاقيه فاهمها لأن اصلا اللانوس واخدة كتيير منها