سوستة الدبرياج إتأطمت والبدال معدش بيرد

[Badrowi]

من كام يوم وانا ماشى سمعت صوت تكة من الدواسة ووبعدين فوجئت بإن البدال بتاع الدبرياج معدش بيرد للاخر ذى الاول وان البدال بيلب (بيتحرك لفوق وتحت بمسافة حرة قدرها 2 سم) ولقيت السوستة نزلت على رجلى
انا قلبت دمياط ملقيتش السوستة دى
واللى لقيته كان سوستة شبها والصنايعى كان عايزنى اخدها واغير مسار احد الطرفين (اكسحها بالعكس)أو يفك لفة من السوستة القديمة ويكسح طرفها
المهم انا استقريت على انى ارجع للتوكيل واعملها فى الضمان
والوقتى انا قدامى 900 كيلو على ماروح المنصورة للتوكيل واغيرها
فهل ممكن امشى المدة دى على الوضع ده ولا لأ
لأن احد اصحابى قالى ان كده خطر والدبرياج ممكن يهرب منى ومعرفش انقل أو ممكن يضرب طقم جلد وبصراحة انا مفهمتش التانية وكنت عايز اعرف رايكم

[MMamdouh]

اعتقد ممكن تركب السوستة اللى كنت حتركبها... هى كل وظيفتها رد البدال و ملهاش علاقة بالmechanism بتاع الدبرياج شخصيا

MMamdouh

[Badrowi]

شكرا استاذ ممدوح

ولكن لو جبت سوستة وعدلتها بحيث انها تبقى شبة الاصلية وجيت ركبتها هل كده اخرج من الضمان

[samirayad]

يفضل ياأخى فى كل الأحوال انك تركب السوستة التى تعطيك نفس مشوار التعشيق السابق للدبرياش.......لأنك كما تعرف الضغط على الدبرياش هو تحرير لكل المكونات بتاعة الدبرياش نفسة عند الغيار والتموير.......ورفع القدم من على الدبرياش هو تعشيق لنقل القدرة من المحرك الى المحور الأمامى عبرالفتيس................وعدم ارتداد دواسة الدبرياش لاّخر مشوارها سوف يؤثر بالسلب على الدبرياش نفسة (لأن التعشيق سيكون غير محكم وكامل وبالتالى سيحدث انزلاق لمكوناتة على بعضها وقد يحدث تلف كامل للدبرياش) لأن الخلوص للدبرياش محسوب من خلال رد الدواسة...............فى النهاية أوصيك بتركيب الياى الذى يعطيك نفس وضع البدال السابق............ومن ناحية ماستر الدبرياش فلن يحدث لة شىء بأى حال لأنة ببساطة عبارة عن اسطوانة هيدروليكية ترددية ومش هايفرق فين وضع البستم الموجود داخل هذة الاسطوانة ولاكن الذى سيتأثر وبشدة هو الدبرياش نفسة كما ذكرت لسيادتك.....والمهم الاّن هو انقاذ الدبرياش وليس التوكيل وخلافة ...لأنهم سيؤلوها فى النهاية الى الاستعمال.......لك منى التوفيق

[MMamdouh]

ولكن لو جبت سوستة وعدلتها بحيث انها تبقى شبة الاصلية وجيت ركبتها هل كده اخرج من الضمان

السؤال دة بيفكرنى بمثل بيقولة الامريكان فى الحالات دى:

it is legal as long as you don't get caught

يعنى انت فى الضمان طول ما محدش اكتشف القصة دى

MMamdouh

[MMamdouh]

يفضل ياأخى فى كل الأحوال انك تركب السوستة التى تعطيك نفس مشوار التعشيق السابق للدبرياش.......لأنك كما تعرف الضغط على الدبرياش هو تحرير لكل المكونات بتاعة الدبرياش نفسة عند الغيار والتموير.......ورفع القدم من على الدبرياش هو تعشيق لنقل القدرة من المحرك الى المحور الأمامى عبرالفتيس................وعدم ارتداد دواسة الدبرياش لاّخر مشوارها سوف يؤثر بالسلب على الدبرياش نفسة (لأن التعشيق سيكون غير محكم وكامل وبالتالى سيحدث انزلاق لمكوناتة على بعضها وقد يحدث تلف كامل للدبرياش) لأن الخلوص للدبرياش محسوب من خلال رد الدواسة...............فى النهاية أوصيك بتركيب الياى الذى يعطيك نفس وضع البدال السابق............ومن ناحية ماستر الدبرياش فلن يحدث لة شىء بأى حال لأنة ببساطة عبارة عن اسطوانة هيدروليكية ترددية ومش هايفرق فين وضع البستم الموجود داخل هذة الاسطوانة ولاكن الذى سيتأثر وبشدة هو الدبرياش نفسة كما ذكرت لسيادتك.....والمهم الاّن هو انقاذ الدبرياش وليس التوكيل وخلافة ...لأنهم سيؤلوها فى النهاية الى الاستعمال.......لك منى التوفيق

يا هندسة السوستة اللى الاخ الفاضل قصدة عليها بتاعت البدال و دى ملهاش علاقة البدبرياج نفسة

MMamdouh

[samirayad]

يا هندسة السوستة اللى الاخ الفاضل قصدة عليها بتاعت البدال و دى ملهاش علاقة البدبرياج نفسة

MMamdouh

باأخى محمد....جزاك الله خيرا على أمانتك فى التوضيح.......أحب أن أعرفك بأننى علقت من وجة النظر النظرية على اعتقاد أن السوستة( تضغط بضم التاء )أثناء الضغط على البدال وبالتالى يقابلها مشوار مكبس لزيت الديرياش خلال الماستر الخاص بة ..والعكس فى حالة فى حالة رفع القدم ...أى أن السوستة تنفرد وفى نفس الوقت يكون هناك رجوع لمكبس ماستر الدبرياش...وبالتالى علقت.....أما لو كانت الناحية العملية عكس ذلك ووظيفة الياى مختلفة......فبرجاء الايضاح من سيادتك مع الشرح على رسم يوضح وظيفة تلك السوستة حتى تعم الفائدة للجميع وشكرا مقدما

[samirayad]

السؤال دة بيفكرنى بمثل بيقولة الامريكان فى الحالات دى:

it is legal as long as you don't get caught

يعنى انت فى الضمان طول ما محدش اكتشف القصة دى

MMamdouh

بالمناسبة الله ينور على هذا التعليق.....لانة فى الجون ومش لازم كل حاجة نظهرها للتوكيل علشان ما يتلككوش...

[Badrowi]

شكرا

والله شكلها كده
انا دورت فى دمياط ملقبتش
ورحت بورسعيد امبارح الاربعاء رحت الاسكان والحرفين
والكل قالى دى مبتجيش غير بظروفها لانها مبتتأطمش ومحدش بيطلبها
وروحت للحدادين واصحاب المخارط وقالو لى انى لو عملت واحده زيها هتعيب لانها صلب والنار هتضعفه ومش هيدينى الاداء المطلوب(كلام الخراطين والحدادين)
وبعدين فى واحد ميكانيكى قالى مش مشكلة خالص لانها ساعات بتحجر فى العربيات الجديدة واصحابها بيجولوا علشان يشيلها
وقالى عمرها ما هتأثر
وسؤال هل هى بتتباع عندكم فى مصر لأن لى واحد صاحبى نازل مصر لو كده هاٌول يجيبهالى
والله يا حضرات المشكلة عندى بسيطة وممكن ارو ح التوكيا لان المنصوةرة جنبى بس المشكلة ظروف شغلى ومرواحنا متأخر انا بخلص الساعة 4 وعيسى المنصورة بيخلص الساعة 5
يعنى يدوب لو روحت له اروح اسلم علية واروح

[Badrowi]

الحمد لله

الحمد لله تمكنت من حلها
انا بعد لف ودوران لقيت سوستة شبة بتاعت البدال بس اوسع شوية مليمترات بسيطة والنهايات مختلفة
(بتاعت موتوسيكل صينى)
المهم عدلتها وركبتها
بس اللى حصل ان الميكانيكى وطى الدبرياج شوية وقلى كده احسن علشان الاسطوانة متتاكلش بسرعة
قلتله يا عم الدبرياج كان جامد وانا كنت متعود عليه كده وضع بلاده الى لا كده احسن والمفروض يبقى خفيف زى بتاع البنزين
المهم روحت لواحد تاى قالى نفس الكلام
وسالت واحد صاحبى ساكن جمبى قالى نفس الكلام بس زود حاجة(قالى لو انت متعود تريح رجلك على الدبرياج علية تانى لانه لو على هيحمى الاسطوانة من التاكل )
والمهم انا عايز ارجعه تانى لانى اتعودت على ان البدال يكون عالى وناشف زى ما جبنا العربية
فالسؤال الاول احسن ولا الوضع الجديد

[samirayad]

الحمد لله تمكنت من حلها
انا بعد لف ودوران لقيت سوستة شبة بتاعت البدال بس اوسع شوية مليمترات بسيطة والنهايات مختلفة
(بتاعت موتوسيكل صينى)
فالسؤال الاول احسن ولا الوضع الجديد

شوف ياريس......المفروض الدبرياش مايكونش تقيل بالشكل ده علشان الديسك والاسطوانه يعيشوا.......وحقولك على حاجه حاول تعمل القياسات بتاعتها

1-طريقة قياس بوش الدواسه

تقوم بالضغط الخفيف براحة اليد على الدواسه الى أن تشعر بحمل الدواسه....المفروض البوش ده يكون فى حدودمن6-12مم......

2-طريقة قياس مشوار الدواسه

تقيس المسافه من أعلى نقطه للدواسه (نقطة البدايه)...حتى أقصى مكان للدواسه على الأرضيه....المفروض المسافه لاتقل عن 130مم

[Badrowi]

طيب الوقتى الوضع اللى بيجى بيه دبرياج النوبيرا فى كون انه عالى زى ما بيقول الميكانيكى وجامد ده صح ولا غلط
تانى حجاة هو الدبرياج الوقتى لو انا حملت علية (مثلا وانا ماشة على حتة مكسرة)بحس انه اخف من الاول زى ما يكون سايق عربية قديمة ده كده صح ولا غلط
وهو الوقتى عمل ايه علشان الدبرياج يبقى كده

فيى حين ان موضوع البوش انا شوفت بايدى مضبوطة
والمشوار برده مضبوط نسبيا لحد ما اقيسه بمسطرة بكرة زى ما هو مرسوم فى المانيوال

[samirayad]

طيب الوقتى الوضع اللى بيجى بيه دبرياج النوبيرا فى كون انه عالى زى ما بيقول الميكانيكى وجامد ده صح ولا غلط
تانى حجاة هو الدبرياج الوقتى لو انا حملت علية (مثلا وانا ماشة على حتة مكسرة)بحس انه اخف من الاول زى ما يكون سايق عربية قديمة ده كده صح ولا غلط
وهو الوقتى عمل ايه علشان الدبرياج يبقى كده

فيى حين ان موضوع البوش انا شوفت بايدى مضبوطة
والمشوار برده مضبوط نسبيا لحد ما اقيسه بمسطرة بكرة زى ما هو مرسوم فى المانيوال

هو ان الدبرياج يبقى محمل( ده كلام مش مظبوط)......والمفروض القياسات تكون فى الحدود اللى قولتهالك.......عموما بكره حاول مبدئيا تقيس النقطتين دول وقولى ...وأحنا بعد كده نفكر فى اللى مفروض نعمله...وبلاش موضوع النار اللى بتطلع من النافوخ دى وطول بالك وحنوصل للصح ان شاء الله.....لحسن حعيط علشانك

[Badrowi]

طيب ايه رايك فى العبقرينوا

[samirayad]

طيب ايه رايك فى العبقرينوا

ياريس دا أنت بركه....ياحاج بدراوى