مشكلة غريبة شوية

[hhamdy1]

السلام عليكم و رحمة الله وبركاته

1- عندي مشكلة غربية شوية بتحصلي كل فترة وهى ممكن ابقي ماشى عادى جدا و فجأة سحب العربية يقل

و تبطل , اجى ادوراسمع صوت زنة الطرمبة بتاعة البنزين عادى جدا المرش يشتغل و rbm يقعد يطلع و ينزل بين علامة الواحد و الصفر ما تدورش , أروح سايب العربية تهدى شوية و أروح شايل خرطوم البنزين اللي داخل على الفلتر لغاية ما تروح باخة شوية بنزين و أروح مركب الخرطوم تأنى تدور معاية عادى عايز اعرف سبب المشكلة دى إيه؟

[wildwest100]

ممكن الموبينة (كان عندى نفس العيب)

[MMamdouh]

غالبا طلمبة بنزين

MMamdouh

[Shiref_mohamed]

فعلا طلمبة بنزين زي محمد ما قال نفس الأعراض ديه بالملى والحرف حصلت معايا وكانت الطلمبة

[wildwest100]

المهم يتاكد العربية قاطعة كهربا ولا بنزين

[hhamdy1]

طيب مش ممكن يبقى الفلتر؟

[MMamdouh]

المهم يتاكد العربية قاطعة كهربا ولا بنزين

مهى العربية مش قاطعة اصلا... الراجل قال انها بتدور و تبطل و تعلى و توطى... لو كهرباء كانت ماتت

MMamdouh

[MMamdouh]

طيب مش ممكن يبقى الفلتر؟

ما انت بتقول انك فكيت الخرطوم اللى "قبل" الفلتر و بتستنى لما يجيب بنزين

MMamdouh

[hhamdy1]

انا مجرد ما بشيل الخرطوم البنزين بيطلع على طول,,,, هو المفرود ان البنزين بفضل بنزل من الخرطوم ولا بيقطع بعد شوية مع العلم ان العربية بتبقى مبطلة.

[MMamdouh]

لا كدة فيه اختلاف كبير عن اللى فهمتة

اولا نظام البنزين فى العربية شغال تحت ضغط عالى و بالتالى اول ما تبطل العربية بيبقى لسة فيه بنزين تحت ضغط جوة دورة البنزين و بالتالى لما تفك الخرطوم زى ما قلت حتلاقى دفعة بنزين طلعت كدة و دى نتيجة تفريغ الضغط جوة الدايرة... دة ان دل على شىء فهو يدل على ان الطلمبة كانت مخضرة ضغط فى الدورة

اذا فكيت الخرطوم بعد 5 الى 10 دقايق من تبطيل العربية و مطلعش بنزين يبقى فيه احتمال تكون رشاشاتك بتسرب

للتاكد من ان الفلتر مسدود ولا لا... فكة خالص و انفخ فيه ببقك و شوف المقاومة شديدة ولا لا

للتاكد من عمل الطلمبة: افتح كونتاكت و خرطوم البنزين اللى قبل الفلتر مفكوك و شوف لو فيه بنزين بيطلع مع الكونتاكت ولا لا

ممكن تكرار التجربة السابقة بس من بعد الفلتر للتاكد انة مش مسدود

MMamdouh

[hhamdy1]

يعنى لما القى دفعة بنزين طلعت كدة نتيجة تفريغ الضغط جوة الدايرة ده معناه ان الطلمبة كانت محضرة يعنى تبقى مفهاش مشكلة؟

[khater87]

طيب وهو لو فيه تسريب من الرشاشات ايه الي يحصل و اعرف منين وهل ده له تأثير علي الماتور .

[badblood]

لا كدة فيه اختلاف كبير عن اللى فهمتة

اولا نظام البنزين فى العربية شغال تحت ضغط عالى و بالتالى اول ما تبطل العربية بيبقى لسة فيه بنزين تحت ضغط جوة دورة البنزين و بالتالى لما تفك الخرطوم زى ما قلت حتلاقى دفعة بنزين طلعت كدة و دى نتيجة تفريغ الضغط جوة الدايرة... دة ان دل على شىء فهو يدل على ان الطلمبة كانت مخضرة ضغط فى الدورة

اذا فكيت الخرطوم بعد 5 الى 10 دقايق من تبطيل العربية و مطلعش بنزين يبقى فيه احتمال تكون رشاشاتك بتسرب

للتاكد من ان الفلتر مسدود ولا لا... فكة خالص و انفخ فيه ببقك و شوف المقاومة شديدة ولا لا

للتاكد من عمل الطلمبة: افتح كونتاكت و خرطوم البنزين اللى قبل الفلتر مفكوك و شوف لو فيه بنزين بيطلع مع الكونتاكت ولا لا

ممكن تكرار التجربة السابقة بس من بعد الفلتر للتاكد انة مش مسدود

MMamdouh

في موضوع الطلمبة : لو طلع بنزين مع الكونتاكت يبقى الطلكبة سليمة
غير كدة يبقى مش سليمة :K_crying[1]:

[Shiref_mohamed]

يا جماعه انا كان عندى نفس المشكلة ولما كنت بجرب افتح الخرطوم في الطلمبة القديمة كانت بتطلع بنزين برضه بس طالع ضعيف ولما غيرتها وعملت نفس الأختبار لآقيت البنزين طالع بقوه شديده من الفلتر وبيضرب بقوة في فردة الشاسيه