مشكلة فى مؤشر البنزين

[khaledazizeg]

اولا احب اشكر كل الى ساعدونى فى حل مشاكلى قبل كدة
ثانيا:انا عندى من كام يوم لاقيت المؤشر بقى عند الاحمر فدخلت البنزينة وقولتلوا يفول تانك مون لغاية اما بقى البنزين عند الظور ابص الاقى اخدت 30 لتر بالخناق بصيت على العداد لاقيتة بقى عند ال full مع العلم ان المفروض تنك اللانوس 48لتر ازاى بقى افول ب30 لتر بس ولو فية مشكلة فى العوامة اعمل اية

[samirayad]

اولا احب اشكر كل الى ساعدونى فى حل مشاكلى قبل كدة
ثانيا:انا عندى من كام يوم لاقيت المؤشر بقى عند الاحمر فدخلت البنزينة وقولتلوا يفول تانك مون لغاية اما بقى البنزين عند الظور ابص الاقى اخدت 30 لتر بالخناق بصيت على العداد لاقيتة بقى عند ال full مع العلم ان المفروض تنك اللانوس 48لتر ازاى بقى افول ب30 لتر بس ولو فية مشكلة فى العوامة اعمل اية

كدة فى مشكلة فى العوامة ومحتاج كهربائى كويس ان أردت الاصلاح ......أو يمكنك ترك الموضوع لحين الوصول الى كهربائى كويس وتعتمد مؤقتا على التفويل كلما عملت 300 كم على الاكثر .

[mohelmy]

انا عاوز اسال عن حاجة تانية خاصة بالمؤشر وهى عدم تناسبه مع كمية البنزين فعلا ... يعنى مثلا اكون مفول وامشى حوالى 70 كم ولا يتحرك المؤشر من مكانهوفجاة تلاقيه نازل مرة واحدة ويكون عند المنتصف تيجى تفول تلاقيها خدت مثلا 35 لتر.
انا عربيتى لانوس 2008 وعارف ان المشكلة دى موجودة فى كل اللانوس
فهل فيه حل لهذه المشكلة مع العلم انى كان معايا اكسنت قبل كدة وكنت من خلال النظر فى المؤشر اعرف هى استهلكت كام وعاوزة كام بالضبط.

[abzoabzo]

عندى نفس المشكلة وابتدية اتمشى معها
فى انتظار رد محمد باشا ممدوح

[msobhy]

عندى نفس المشكلة وابتدية اتمشى معها
فى انتظار رد محمد باشا ممدوح

نفس المشكلة وعايش معاها
معايا لانوس تانية 2005 ومفيهاش المشكلة ديه خالص علشان مفيش حد يتبرع ويقول ان اللانوس كلها كدة عندى عربية مظبوطة - ربنا يبعد عنها العين

[wesam_salom]

انا عندى المشكله دى من يوم ما اشتريت العربيه
لدرجه انى يوم ما اشتريتها قطعت منى بنزين وكان العداد عند النص
واللى بيحصل معايا
العربيه تكون فول تانك الاقى العداد فوق خالص
امشى حوالى 50 كيلو يعنى 5 او 6 لتر ينقصوا ينزل الموشر حاجه صغيره
بعد كده مفيش اى مقياس للمؤشر
حبه فوق وحبه تحت على رأى احمد عدويه
ممكن الاقيه بينزل لحد الصفر وبعدين يطلع للنص
وبعدين يطلع تانى وينزل للربع
وبعدين يستقر عند الربع وافولها
متاخدش اكتر من 30 او 40 لتر
علما بأن تانك النوبيرا اكتر من 60 لتر

بس خلاص اتعودت على كده وعامل حسابى افول كل 300 او 400 كيلوعلى اقصى تقدير

لو عرفتوا الحل يا ريت تعرفونى علشان انا مش عارف اوصل لحل

[msobhy]

والله يا جماعة لغاية لما حد يرد علينا اعتقد ان فى حاجة اسمها الشريحة بتاعت البنزين بتبقى عايزة تتغير
مكانها فين - وظيفتها ايه - بتتركب ازاى - تمنها كاااااام الله اعلم

[kimo-nubira]

والله يا جماعة لغاية لما حد يرد علينا اعتقد ان فى حاجة اسمها الشريحة بتاعت البنزين بتبقى عايزة تتغير
مكانها فين - وظيفتها ايه - بتتركب ازاى - تمنها كاااااام الله اعلم

ديه غالبا كده بتبقي عيب في عوامه البنزين وبيبقي مكنها داخل التانك وللاسف معرفش تمنها كام

[samirayad]

والله يا جماعة لغاية لما حد يرد علينا اعتقد ان فى حاجة اسمها الشريحة بتاعت البنزين بتبقى عايزة تتغير
مكانها فين - وظيفتها ايه - بتتركب ازاى - تمنها كاااااام الله اعلم

لوالمشكلة فى الشريحة .....يبقى المشكلة فى عداد البنزين والموضوع بعيد عن العوامة.....لأن الشريحة المقصودة عبارة عن خوصة من معدنين مختلفين.......ويكون حولها داخل العداد ملف كهربى.....يطلق علية ملف التسخين للشريحة حيث يتم مرور تيار كهربى بشدة معينة.....وبالتالى تنحنى تلك الشريحة والمثبت عليها المؤشر داخل العداد نتيجة لاختلاف قيمة التمدد لكل معدن من المعدنين المصنع منهما الشريحة.... يتم تغيير تلك الشدة بواسطة منظومة كهربية....مكونة من مقاومة تتغير قيمتها على حسب مستوى عوامة التانك....مع ملاحظة أن المقاومة التى تتغير قيمتها حسب مستوى العوامة تكون من ضمن مكونات منظومة العوامة وموجودة بالتانك.....ومبين الوقود المستخدم فى هذة الحالة يطلق علية المبين ذو النوع الحرارى .....وهناك نوع اّخر من المبينات يطلق علية المبين ذو الملفين ولة نظرية عمل مختلفة.......................

[wesam_salom]

لسه محدش عرف حل
علشان انا زهقت
قلت المشكله فى العدادات
غيرتها لقيت التانيه نفس المشكله

[moudy88]

لوالمشكلة فى الشريحة .....يبقى المشكلة فى عداد البنزين والموضوع بعيد عن العوامة.....لأن الشريحة المقصودة عبارة عن خوصة من معدنين مختلفين.......ويكون حولها داخل العداد ملف كهربى.....يطلق علية ملف التسخين للشريحة حيث يتم مرور تيار كهربى بشدة معينة.....وبالتالى تنحنى تلك الشريحة والمثبت عليها المؤشر داخل العداد نتيجة لاختلاف قيمة التمدد لكل معدن من المعدنين المصنع منهما الشريحة.... يتم تغيير تلك الشدة بواسطة منظومة كهربية....مكونة من مقاومة تتغير قيمتها على حسب مستوى عوامة التانك....مع ملاحظة أن المقاومة التى تتغير قيمتها حسب مستوى العوامة تكون من ضمن مكونات منظومة العوامة وموجودة بالتانك.....ومبين الوقود المستخدم فى هذة الحالة يطلق علية المبين ذو النوع الحرارى .....وهناك نوع اّخر من المبينات يطلق علية المبين ذو الملفين ولة نظرية عمل مختلفة.......................

يابشمهندس سمير بالضبط المشكله دي هي اللي عندي ... انا عندي العداد بيلعب يعني مثلا لما احط 10 لتر العداد بيطلع (ببطيء شديد)لتحت اول شرطه ... وبعد 10 كم ينزل للنص وبعد كده يطلع سنه وبعد 40 كم ينزل لتحت خالص
وبعد كده يفضل ثابت على الشرطه الاخيره وتبقى المحصله ان ال10 لتر بيعملو 65كم.... وانا كنت فاكر ان المشكله دي عندي انا بس ....سؤال تاني .هي لمبه البنزين تبع العداد ؟؟

[samirayad]

يابشمهندس سمير بالضبط المشكله دي هي اللي عندي ... انا عندي العداد بيلعب يعني مثلا لما احط 10 لتر العداد بيطلع (ببطيء شديد)لتحت اول شرطه ... وبعد 10 كم ينزل للنص وبعد كده يطلع سنه وبعد 40 كم ينزل لتحت خالص
وبعد كده يفضل ثابت على الشرطه الاخيره وتبقى المحصله ان ال10 لتر بيعملو 65كم.... وانا كنت فاكر ان المشكله دي عندي انا بس ....سؤال تاني .هي لمبه البنزين تبع العداد ؟؟

شوف يا أستاذ/ مودى......أولا أنا مهندس ميكانيكا........ياعنى بحاول فى نظريات عمل العناصر الكهربية فى الدوائر وححاول أفكر معاك....واذا أخطأت أعذرنى.........معروف لنا جميعا...أن عداد البنزين يمكن من خلاله التعرف على كميه البنزين المتواجد بتنك البنزين....بمعنى ممكن أعرف بواسطة التنك فيه تقريبا كام لتر (بصفه تقريبه).......ودا له نظريات عمل مرتبطة بدائرة كهربيه بمنظومة العوامة الموجودة بتنك البنزين........يعنى وضع العوامه على سطح كمية البنزين الموجود بالتنك (هو اللى من خلال تحكم كهربى معين اللى بيحدد وضع مؤشر البنزين(العداد)....نرجع بقه لموضوع لمبة البنزين اللى بتضىء فى حالة النزع الأخير لمستوى وكمية البنزين بالتنك........دى ياأخى لمبه تحذيريه...بتقول لقائد السيارة(خللى بالك البنزين أصبح على وشك النفاذ...وقد تتعرض السيارة للتوقف بعد فترة قصيرة جدا...ان لن تقم بالتموين فى أقرب وقت ممكن )...... فبلا شك فان هذة اللمبه التحذيرية على اتصال مباشر بالدائرة الكهربية الخاصة بعداد البنزين.......بمعنى أنها بتنور مباشرة لما مستوى العوامة فى التنك يجيب أخرة......أنا فى بعض الدوائر الكهربية قرأت عن مواضيع مشابهة .....والظاهرة بتاعة أقل وضع مسموح به هذة بيكون مستخدم عليها LIMIT SWITCH ياعنى مفتاح تحديد أقل حد مسموح بة......وهنا بالنسبة لدائرة قياس مستوى البنزين أكيد تم استخدام نفس النظرية الكهربية....بحيث لما مستوى البنزين يصل لأقل حد مسموح....فانة من الواجب على ميكانيزم العوامة فى هذة الحالة اثارة LIMIT SWITCH وبالتالى تضىء لمبة التحذير المقصودة.......معلش الحدوتة كانت مملة

[lol656]

بصوا ياجماعة المشكلة دي شائعة جدا في الدايو لان عداد البنزين بيعتمد للاسف علي شريحة الكترونية وللاسف برضة الشريحة دي موجودة في طلمبةالبنزين وملهاش حل غير انك تغير الطلمبة ودي بالشي الفلاني ولوكانت عربيتك لانوس 1 وجبت طلمبة جديدة برضه مش حتظبط لان كل الطلمبات دلوقتي الموجوده في السوق لانوس 2

[MMamdouh]

بصوا ياجماعة المشكلة دي شائعة جدا في الدايو لان عداد البنزين بيعتمد للاسف علي شريحة الكترونية وللاسف برضة الشريحة دي موجودة في طلمبةالبنزين وملهاش حل غير انك تغير الطلمبة ودي بالشي الفلاني ولوكانت عربيتك لانوس 1 وجبت طلمبة جديدة برضه مش حتظبط لان كل الطلمبات دلوقتي الموجوده في السوق لانوس 2

و ايه الفرق بين طلمبات لانوس 1 و لانوس 2؟؟؟؟؟؟؟

MMamdouh

[msobhy]

و ايه الفرق بين طلمبات لانوس 1 و لانوس 2؟؟؟؟؟؟؟

MMamdouh

good question