شراء نوبيرا اوتوماتيك

[tamerosama]

عاوز اسئل عن نوبيرا الأوتوماتيك هل يوجد فيها عيوب ولا لا علشان كنت عاوز اشتري نوبيرا اوتوماتيك ومتردد وخايف منها

[hdmrdash]

بلاش اوتوماتيك

[Hany A Fattah]

ما تسمعش الكلام ده انا معايا من 2004 وماجتش جنب الفتيس خالص

[bmya]

باشا معروف ان النوبيرا الاتوماتيك بتاعها وحش وانا جربتها فعلا وسحبها كان وحش وكانت مع واحد صحبي والفتيس كان مطلع عينه

[ahmad--ezzat]

باشا معروف ان النوبيرا الاتوماتيك بتاعها وحش وانا جربتها فعلا وسحبها كان وحش وكانت مع واحد صحبي والفتيس كان مطلع عينه

لالالالالالالالالالالالالالالالالالالالالالالالالا لالالالالالا
سحبها وحش اية ياباشا
الاتوماتيك بتاع النوبيرا سحب رهيب جدا ويطلع من مانيول كتير
بس عيبو انو لو معملتلوش صيانة فى معادها بيبوظ
ومعروف انو عمرو قصير

[bmya]

والله ياباشا انا هقولك حاجه الكلام ده كانت علي عربيه نوبيرا 2005 كانت موديل السنه وكانت اتوماتيك وانا كان معايا ساعتها لانسر 1999 اتوماتيك برده وكنت فاكر ان عربيتي سحبها وحش جيت خدت النوبيرا
حسيت فعلااااااا اني كنت راكب طياره النوبيرا تقيله جدا والكيك داون بتاعها صوت وخلاص ومفيش تجميع عكس الانسر اللي كانت معايا
ركبتها مانوال بقه حاجه تانيه خاااااالص
لكن الاتو بتاعها تعباااان
وبعدين انا مش بجيب حاجه منن عندي حضرتك ممكن تنزل تسال اي معرض او اي تاجر عربيات علي مين احسن نوبيرا اتوماتيك ولا مانوال
شوف هيقولك ايه
ياراجل ده العربيه الوحيده اللي ا لمانوال بنفس سعر الاتوماتيك ان ماكانش اغلي
وحاجه كمان بقه الدايو كله الاتوماتيك بتاع تعباااااااااااان
ابن خالتي معه ليجانزا موديل 99 مطلعه عييييينه والفتيس بيعلق وياخود غيارات بمزاجه وحاجه قرف

[ahmad--ezzat]

شكرا للمعلومات دى مكنتش فاكرها كدة
بس انا ليا واحد صحبى معاة الاتوماتيك منها
رهيبة بجد

[bmya]

العفو ياباشا بس معلش رهيبه ازاي يعني
حضرتكركبت حاجه تانيه اتوماتيك ؟!!

[ahmad--ezzat]

انا قصدى تجميع بتاعها كويس مش وحش
انا ركبت فيرنا اتوماتيك مكنتش كدة على العموم مش هنختلف

[bmya]

لا ياباشا مفيش اختلاف ولا حاجه بس انا قصدي ان حضرتك مجربتش حاجه اتوماتيك بجد زي لانسر او كورولا او نيسان صني
عشان كده مش هتعرف الفرق غير اذا جربت حاجه الاتوماتيك بتاعها شديد
وياريت مكونش ضايقتك ولا حاجه

[ahmad--ezzat]

الصراحاة انا معايا النوبيرا المانيول
وعمرى ما برتاح للاتوماتيك اصلا
بس شكرا للمعلومة الجامدة دى

[bmya]

العفو ياباشا وفعلا النوبيرا المانوال بتاعها ماشاء الله سحبها جامد فعلا

[moudy88]

ياجماعه انا عايز اقول راي المتواضع بصفتي مالك لنوبيرا اوتوماتيك موديل 2003 الحمد لله الفتيس زي الفل ولكن النوبيرا بطبيعتها حجمها كبير نسبيا على ماتورها وعلشان كده التسارع بتاعها ممكن يكون تقيل شويه في الاوتوماتيك عن المانيوال وبالنسبه لاعطال الفتيس فمعظمها بيجي من الاستعمال السيء وكتر الكيك الداون ولو الاستعمال نظيف مش هايعطل ولو بعد 500 الف كم بإذن الله وبالنسبه لسمعه النوبيرا الاوتوماتيك السيئه ده بسبب الكلام المنقول يعني كل واحد بيقول انا واحد صاحب صاحبي كان عنده نوبيرا اوتوماتيك وعطلت وماحدش بيقول سبب العطل ده ايه يعني هو كان ماشي في امان الله وعطل لوحده المهم انهم يبوظوا سمعة العربيه بدون مايجربوها (انا لا اقصد شخص بعينه) وعالعموم لو راقبت النوبيرا في الشوارع هتلاقي ان نسبه النوبيرا الاوتوماتيك حوالي60 % من النوبيرا فهل من المعقول كل العدد ده فيه عيوب واخيرا انا اسف على الاطاله وده كان راي الشخصي..... وشكرا

[bmya]

لا اعتقد ياباشا

[moudy88]

سيادتك انا بقول راي الشخصي وانا كاتب الموضوع ده لابداء راي كتجربه شخصيه لافادة صاحب الموضوع وليس لاثبات وجهة نظري وليس كرد عليك وشكرا