المشكلة عندى ولا عند خبراء المنتدى

[engoss1990]

كتييير من الدايوهيه القدام اللى هنا نصحو بتغيير الرشتاشات اللى بتبوظ برششات ام 40 و فعلا 10/10 بس المشكلة تكمن فى استهلاك البنزين مش عاجبنى ما الحل وكل الناس اللى شافو العربية قالو الرشاشات مفهاش مشاكل بس قرائتها على الكمبيوتر2.2 وان ده طبيعى بالنسبة لرشاشات بى ام دبليو

اللى عايز اعرفه ان الرشاشات دى كده امر واقع ولا فى حساس ممكن يتظبط يظبط معاه الاستهلاك مثلا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ahmedfra]

على فكرة انا غيرت لرشاشات ال بى ام برضة من فترة و فعلا قرائتها عندى برضة 2.2 . بس اعتقد ان استهلاك البنزين معقول هى بتعمل كام فى الصفيحة معاك

[engoss1990]

على حسب لو بغير مثلا من الاول للتانى قبل العداد ما يجى عند 20 عشان معنديش ار بى ام (ار بى ام قليل) الصفيحة ممكن تعمل 180 لو حرقت سنة صغيرة (ار بى ام عالى) الصفيحة ممكن تعمل 140

[wesam_salom]

متهيألى كده كتير
انا عندى النوبيرا بتعمل اكتر من كده

[msobhy]

مع احترامى الشديد لكل اعضاء المنتدى رشاشات ال بى ام ملهاش اى فايدة غير انها بتدور العربية بسرعة فقط لا غير
استهلاك بنزين عالى / سحب عادى جدا جدا جدا
وعن تجربة اشخاص كتيييييييييييييييييييييييييييييييييييييييييير رشاشات الهيونداى افضل
للأسف ان ركبت عندى رشاشات ال بى ام
وللأسف برضو هاشلهم وهاركب رشاشات هيونداى جديده مش مستعملة

[TICOXX]

مع احترامى الشديد لكل اعضاء المنتدى رشاشات ال بى ام ملهاش اى فايدة غير انها بتدور العربية بسرعة فقط لا غير
استهلاك بنزين عالى / سحب عادى جدا جدا جدا
وعن تجربة اشخاص كتيييييييييييييييييييييييييييييييييييييييييير رشاشات الهيونداى افضل
للأسف ان ركبت عندى رشاشات ال بى ام
وللأسف برضو هاشلهم وهاركب رشاشات هيونداى جديده مش مستعملة

الكلام الصح
و بالتجربة رشاشات النترا زيرو آه ب650ج بس روعة بنزين و اداء عن تجربة

[Badrowi]

طيب ايه رايكم فى رشاشات التويوتا الياريس
المعروف الوقتى انها افضل عربية فى معدل استهلاك البنزين زى السوزوكى سويفت فى التسعينات
مجرد اقتراح

[abouzaid555]

انا برده غيرت الرشاشات برشاشات بى ام ام 40 و فعلا الفرق فى الدوارة بس و لكن استهلاك البنزين عالى جدا بتعمل 150 ك فى الصفيحة ياريت حد يدلنا على الحل فينك يا استاذ محمد ممدوح مش كانت نصايحك لينا حل يا بشمهندس

[Shiref_mohamed]

انا عن نفسي الرشاشات ديه راكبه عندى والعربية بتدور بسرعة واستهلاك البنزين كويس هيا بتعمل 200 في الزحمة مع ملاحظة ان مشاويرى كلها زحمة زحمة يعني وبتعمل في الطوالى حوالى 250 وساعات اكتر كمان ولو قلت عن كده بيبقى فيه حاجه مش مظبوطه في العربية وزمن الفتح بتاع الرشاشات كان 1.8 فاكيد في حاجه مش مظبوطه عندكم والخبراء معندهمش مشاكل ولا حاجه :b4_048:

[MMamdouh]

سبق و شرحت ان الرشاشات مش حتفرق فى استهلاك البنزين بس فيه ناس مصرة على تبنى الفكرة دى... كل واحد له دماغ مريحاه

MMamdouh

[Shiref_mohamed]

سبق و شرحت ان الرشاشات مش حتفرق فى استهلاك البنزين بس فيه ناس مصرة على تبنى الفكرة دى... كل واحد له دماغ مريحاه

MMamdouh

+111111111111111111111111111111111

[abzoabzo]

الكلام الصح
و بالتجربة رشاشات النترا زيرو آه ب650ج بس روعة بنزين و اداء عن تجربة

انا اشتريت العربية برشاشات الينترا وهى شغالة معايا كويس اما بالنسبة للاستهلاك البنزين فده بيفرق من واحد للتانى وطريقة سواقته انا فى الطبيعى لا اتعدى 3 ار بى ام لكن احيانا بوصله ل6 علشان العربية متتخنقش

[Shiref_mohamed]

انا اشتريت العربية برشاشات الينترا وهى شغالة معايا كويس اما بالنسبة للاستهلاك البنزين فده بيفرق من واحد للتانى وطريقة سواقته انا فى الطبيعى لا اتعدى 3 ار بى ام لكن احيانا بوصله ل6 علشان العربية متتخنقش

بتعمل معاك كام في الصفيحة

[msobhy]

سبق و شرحت ان الرشاشات مش حتفرق فى استهلاك البنزين بس فيه ناس مصرة على تبنى الفكرة دى... كل واحد له دماغ مريحاه

MMamdouh

معلش يا ممدوح انت تقصد ان تغيير الرشاشات بشكل عام مش هايفرق - يعنى انا لو رشاشاتى سليمة وغيرتها برشاشات تانية برضو سليمة لكن زمن الفتح بتاعها اقل او كمية البنزين اللى خارجة اقل مش هاتوفر فى البنزين
حضرتك احنا مش بنتكلم على الليكنج ولكن على التوفير - فى حاجة تانية ان كلنا اختلط علينا الامر بين توفير البنزين وبين الاداء الجيد
لو تفتكر انى قبل ما اغير الرشاشات كان سحب عربيتى ممتاز - فى الدوارة من ثانية الى ثانية ونص - 160 كيلو فى الصفيحة
بعد التغيير سحب العربية لسه ممتاز - الدوارة من نصف ثاية الى ثانية - برضو 160 كيلو فى الصفيحة !!!!!!!!!!!!!
موضوع استهلاك البنزين اصبح مشكلة مقرفة لينا كلنا - الرشاشات الهيونداى اثبتت نجاح محترم فى استهلاك البنزين خصوصا على الطرق السريعة حتى لو انت ماشى على 150 فى ناس بتقول (انا مجربتش) انها بتدى لغاية 300 كيلو فى الصفيحة
رشاشات ال بى ام على سرعة 100 بتدى 230 كيلو فى الصفيحة وعلى 160 بتدى بالكتير 200 كيلو
فى ملحوظة ان كل اللى ركب رشاشات هيونداى دايما يقول انا مش بقرص على العربية وعلية احنا منعرفش اذا كان بيخنق العربية ولا لأ لكن فى ناس كتير بتقول انها بتمشى على 150 وده دليل نسبى جيد عليها

[MMamdouh]

مهى الفكرة ان زمن الفتح دة ملوش دعوة بالرشاشات... دة امر من الكونترول و بيتم تعديل الزمن دة حسب متطلبات لقيادة و حسب قراءة حساس الاكسجين

يعنى لو مثلا انت جبت رشاش اكبر شوية من الاصلى و ركبتة... الكونترول حيفتح الرشاش نفس الزمن اللى هو متعود علية فى السلانسية و بالتالى حيرش بنزين اكتر من اللازم

فى الحالة دى حساس الاكسجين حيحس ان فيه بنزين زيادة غير كامل الاحتراق فى العادم و بالتالى الكونترول حيبداء يعدل من زمن فتح الرشاش و يقللة لحد ما توصل نسبة البنزين للهواء الى 1 الى 14.7

من هنا يتضح ان الكونترول دايما بيحاول يوصل للنسبة المثلى للاستهلاك من خلال تعديل زمن فتح الرشاش و بالتالى الرشاش شخصيا مش حيفرق فى الاستهلاك الا لو جبت رشاش كبير جدا جدا لدرجة ان حتى مع اقل زمن فتح يقدر يوصلة الكونترول برضة فيه بنزين كتير بيدخل للموتور و بالتالى الاستهلاك حيزيد

القصة مش زى بيكات الكربراتير فى عربيات زمان... لما كان البك الاوسع بيسبب استهلاك بنزين زيادة... زمان كان قطر فتحة البك هو اللى بيحدد كمية البنزين اللى بيستهلكها الموتور لكن فى الانجكشن اللى بيتحكم فى الموضوع دة هو الكونترول

حد يسالنى طيب ليه فيه رشاشات بعدلات سريان مختلفة طالما مش فارقة فى حاجة و القصة كلها من الكونترول؟؟

اقولة ان الموضوع يفرق عند لفات موتور عالية لما يبقى فيه ضرورة لرش بنزين كتير... لو الرشاش اصغر من اللازم مش حيقدر يدى الموتور احتياجاتة من البنزين و العربية حتتخنق (الكونترول برضة له حدود لاكبر زمن فتح للرشاش زى ما له حدود لاقل زمن)

عشان كدة تلاقى عربيات سعتها اللترية قريبة من بعض بتستعمل نفس الرشاشات زى كدة ما مواتير الBMW ال3000 سى سى بتستعمل نفس رشاشات ال3500 سى سى لان الفرق فى السعة اللترية ممكن تغطى من خلال تعديل زمن فتح الرشاشات

و على فكرة... انا شوفت عربيات دايو ريسر من القديم كان فيها نفس الرشاشات البوش اللى انا مركبها و كانوا زرق برضة بالرغم من ان الرشاشات دى من عربية اصلا 1600 سى سى

موضوع معدل الاستهلاك و كدة بيعتمد على طريقة السواقة و ظروف الطريق اكتر من اى حاجة تانية و بالتالى مينفعش ناخد تجربة حد و نعممها على الناس كلها... الاختبار الصح هو انك تجيب طقم بوش و طقم بتاع هيونداى و تركب دة مرة و دة مرة و تمشى نفس المشوار فى نفس ظروف التشغيل و تحسب الاستهلاك و تشوف لو فيه فرق

MMamdouh