يا لانوساوية مطلوب تسعير لانوس 99

[nasroo]

بعد ما فكرت وفكرت وفكرت تاني قررت انشاء الله اجيب لانوس مستعملة قعدت الف ودور كل البلاد اروح المنصورة والمنوفية والهرم و6 اكتوبر المهم الحمد لله لقيت حاجة تناسب جيبي بس عاوز مساعدتكم يا اجمل منتدى مواصفات السيارة:
لانوس مو 99 كوري 1500 سي سي مانيوال
العداد 177000 كم
فابريكة جوة رشة برة نضافة ومحتاجة شوية سمكرة صغيرين
تكييف -باور -سنتر - جنوط سبور
من جوة نضيفة -الصالون يعني
موتورها من فم صاحبتها حالته 75% لكن لسا انا ماتاكدتش
بطارية جافة

دي لما انا روحت شوفتها لكن لسا هجيب ميكانيكي يشوفهالي وعاوز حد يسعرهالي عشان صاحبتها مش عايزة تقول سعر غير لما الميكانيكي يشوفها ويسعرها وانا عاوز منكم سعر تقريبي كده قبل ما اجيب ميكانيكي وسمكري وادفع فلوس ليهم وبعدين اختلف مع صاحبتها

[ahmad--ezzat]

العداد 177000 كم
اية يعم كل دة كتير جدااااا
حضرتك تحط فلوسك مقدم لاى حاجة زيرو افضل

[Shiref_mohamed]

بعد ما فكرت وفكرت وفكرت تاني قررت إن شاء الله اجيب لانوس مستعملة قعدت الف ودور كل البلاد اروح المنصورة والمنوفية والهرم و6 اكتوبر المهم الحمد لله لقيت حاجة تناسب جيبي بس عاوز مساعدتكم يا اجمل منتدى مواصفات السيارة:
لانوس مو 99 كوري 1500 سي سي مانيوال
العداد 177000 كم
فابريكة جوة رشة برة نضافة ومحتاجة شوية سمكرة صغيرين
تكييف -باور -سنتر - جنوط سبور
من جوة نضيفة -الصالون يعني
موتورها من فم صاحبتها حالته 75% لكن لسا انا ماتاكدتش
بطارية جافة

دي لما انا روحت شوفتها لكن لسا هجيب ميكانيكي يشوفهالي وعاوز حد يسعرهالي عشان صاحبتها مش عايزة تقول سعر غير لما الميكانيكي يشوفها ويسعرها وانا عاوز منكم سعر تقريبي كده قبل ما اجيب ميكانيكي وسمكري وادفع فلوس ليهم وبعدين اختلف مع صاحبتها

مش ديه العربية الى بتتباع في منتدى البيع والشراء بـ 40 الف نهائي
شوف ميكانيكى كويس يكشف عليها ولو كويسة خدها هي شكلها كويس من بره و40الف سعر كويس بالنسبة للكيلو متر بتاعها وربنا يباركلك ويبارك لصاحبها ويوفق خير

[nasroo]

مش ديه العربية الى بتتباع في منتدى البيع والشراء بـ 40 الف نهائي
شوف ميكانيكى كويس يكشف عليها ولو كويسة خدها هي شكلها كويس من بره و40الف سعر كويس بالنسبة للكيلو متر بتاعها وربنا يباركلك ويبارك لصاحبها ويوفق خير

الف شكر على المساعدة يا باشا بس العربية دي انا شوفتها من يومين والعربية اللي انت بتقول عليها دي انا لسا شايف الاعلان بتاعها من شوية تصدق ممكن اكلم صاحبها واشوف دي كمان قبل ما اتفق مع صاحبة العربية التانية
وبالمرة بئا طالما انت معاك الموديل ده ايه اخباره معاك لحسن انا اول مره هشتري عربية في حياتي وقلقان بصراحة
والف شكر يا شريف باشا

[nasroo]

العداد 177000 كم
اية يعم كل دة كتير جدااااا
حضرتك تحط فلوسك مقدم لاى حاجة زيرو افضل

هو فعلا العداد عالي اوي بس انا مستني التسعير وواخد ده في الاعتبار
شكرا لمساعدتك يا باشا

[saifsaadmohamed]

الموديل ده من اللانوس جامد جدا
بس النضيف منه
مش متعبه فى اى حاجة و قطع غيار اللانوس عامة متوفرة و رخيصة

[Shiref_mohamed]

وجهة نظرى الشخصية ان موديل 99 ده احسن موديل في اللانوس كلها بس شرط الحالة يعني لسه اول امبارح واحد صاحبي معاه لانوس 2003 ركب عربيتى اتجنن منها مع ان الى يشوف عربيته من بره يقول انها جديده مش 2003 وكمان عندى في الـ 99 بلاقي فيها حاجات كتير قوى الماني وامريكاني (مش عارف ليه ممكن حد عارف يفسرلنا ) انما اللأنوس Ii كلها كورى بس برضه هيا عربيات محترمة جداً

[abzoabzo]

انا مش عارف ليه هاجس الكورى ده
وكل واحد يسمع كلمة يوصلها كانها لبانة
واغلبية اللى بيروجوا ل99 هما اصحابها علشان يبيعوها
والشعب المحترم اللى ميفهمش حاجة والفرق بين 1100 و1500 يقولك الكورى ممتاز
واحسن من الانوس المصرى
مع ان المرسيدس والبى ام تجميع مصرى برضه
والعربية الانوس مش كمياء واغلبيتنا بيتعامل فيها بنفسه


ملحوظة : كلامى مش موجه للاعضاء ده راى الشخصى

[Shiref_mohamed]

انا مش عارف ليه هاجس الكورى ده
وكل واحد يسمع كلمة يوصلها كانها لبانة
واغلبية اللى بيروجوا ل99 هما اصحابها علشان يبيعوها
والشعب المحترم اللى ميفهمش حاجة والفرق بين 1100 و1500 يقولك الكورى ممتاز
واحسن من الانوس المصرى
مع ان المرسيدس والبى ام تجميع مصرى برضه
والعربية الانوس مش كمياء واغلبيتنا بيتعامل فيها بنفسه


ملحوظة : كلامى مش موجه للاعضاء ده راى الشخصى

بص ياعم ابظبظ انا كنت في الأول قبل ما اشترى لانوس كنت بقول زيك كده بالظبط تمام .
لاكن بعد ما ركبتها وابتديت اتعامل في صيانتها وكماش شوفت عربيات تانية لانوس2 مع اصحابي لآقيت فعلاً فروق مثل :- 1- الأيدل كونترول عندي مكتوب عليه Made IN USA ولما بصيت على بتاع اللانوس 2 لاقيته كورى وفي حاجات تانية كتير الماني بس مش فاكر دلوقت هشوفهم بالظبط واقولك

[abzoabzo]

بص ياعم ابظبظ انا كنت في الأول قبل ما اشترى لانوس كنت بقول زيك كده بالظبط تمام .
لاكن بعد ما ركبتها وابتديت اتعامل في صيانتها وكماش شوفت عربيات تانية لانوس2 مع اصحابي لآقيت فعلاً فروق مثل :- 1- الأيدل كونترول عندي مكتوب عليه Made IN USA ولما بصيت على بتاع اللانوس 2 لاقيته كورى وفي حاجات تانية كتير الماني بس مش فاكر دلوقت هشوفهم بالظبط واقولك

يا حبيب قلبى معاك فى كل كلامك بس نعقلها يا ناس الحجات اللى لنت بتتكلم فيها ده دخلت فى 10 سنين خدمة على اجمل طرق فى العالم
ولا انا مش فاهم ولا ايه يا جماعة ومعروف عننا محدش بيبيع عربيته الا لو كان فيها نصيبة مش كل الناس بس اقلية قوى اللى بتحافظ على العربية

[Shiref_mohamed]

يا حبيب قلبى معاك فى كل كلامك بس نعقلها يا ناس الحجات اللى لنت بتتكلم فيها ده دخلت فى 10 سنين خدمة على اجمل طرق فى العالم
ولا انا مش فاهم ولا ايه يا جماعة ومعروف عننا محدش بيبيع عربيته الا لو كان فيها نصيبة مش كل الناس بس اقلية قوى اللى بتحافظ على العربية

كلامك مظبوط 100100 ,المقابلة الجاية ياعم نبقى نقعد نقارن انا وانت سوى

[waleedreda]

معايا دايو 2004 فيها مشكلة ظاهرة الان عن التهدئة بالعربية لاخذ مطب او اى ظرف بعده احس بتنتيش و السحب مش تمام وبعد العربية تبقى تمام ولمبة التشيك تبقى منورة .... برجاء الرد وشكرا للمساعدة