سؤال سريع :عن كيفية تنظيف الأيديال كنترول

[yusuf_daly]

السلام عليكم ورحمة الله بركاته

سؤال سريع :عن كيفية تنظيف الأيديال كنترول ومكانة بالظبط في العربية ومكانة فين بالظبط ..
لاني حاولت افهم الشرح الى استاذ محمد ممدوح نزله في منتدى تاني بالانجليزي مافهمتش كتير لذلك لو في اي شرح سريع اتمنى تفيدونا به ... وشكرا لكم جميعا وجزاكم الله خيرا .

[yusuf_daly]

وانا بدور لقيت الموضوع ده مشروح بالصور اتمنى يكون هو الصح عن تنظيف الإيدل كنترول حد يقول لو كان صح علشان الناس اللى كانت بتسأل زي على الموضوع تستفاد

http://images.google.com.eg/imgres?imgurl=http://img.photobucket.com/albums/v219/wildoutwhitegsr/Integra%2520Info/How-To%2520Clean%2520Your%2520FITV%2520aka%2520Fast%2520Idle%2520Thermo%2520Valve/P1010521.jpg&imgrefurl=http://www.2carpros.com/forum/1995-honda-civic--idle-vt218201.html&usg=__MUMyvja2HK4O621wqAFxvaZcmig=&h=450&w=600&sz=57&hl=ar&start=6&um=1&tbnid=-C5PDfmuW1wU0M:&tbnh=101&tbnw=135&prev=/images%3Fq%3DThrottle%2BBody%2Band%2BIdling%2BAir%2BController%2Bdaewoo%26um%3D1%26hl%3Dar%26sa%3DX

[Sherif Khalifa]

فى الاول نوع عربيتك اية
الى انت بعتة بتاع هوندا

[yusuf_daly]

نوع العربية دايو لانوس

[Sherif Khalifa]

لا مش بالصورة المعقدة الموضحة فى الصور

الايدل كنترول مجود خلف بوابة دخول الهواء
عبارة عن قطعة سوداء مربوطة بمسمارين فى جسم منفول الهواء

بعد ما تنظف البوابة بتفصل الكبل الى داخل فى الكنترولار دا و تفك المسمارين
و ترش علية w40 و تشيل اى ترسبات علية

[yusuf_daly]

انا اسف جدا في الطلب ده لو ممكن صورة له وهو راكب في العربية او انا هصور العربية وارفع صورة ان شاء الله في الرد الجاي ليا وحد يشاورلي عليه بس علشان اقدر افكة صح

ولو ممكن هو ايه وظيفته بالظبط .وايه اللى يخلي الترسبات اللى عليه تخلي استهلاك البنزين عالي .

[yusuf_daly]

دي الصورة , هل اللى انا مشاور عليه بالأسهم الحمراء ده هو الإيدل كنترول اللى هفكة في الجنبين وانظفة ؟

[Sherif Khalifa]

لا
الى انت مشاور عليها دى بطاحات المساعد دى علشات تصد حركة المساعد مع المطبات

انا عملك دايرة على الكنترولار

[abzoabzo]

لا
الى انت مشاور عليها دى بطاحات المساعد دى علشات تصد حركة المساعد مع المطبات

انا عملك دايرة على الكنترولار

10/10

[yusuf_daly]

شكرا يا بشمهندس شريف , هحاول افكها وانظفها ان شاء الله تعالى واقول النتيجة
لو ممكن هو ايه وظيفته بالظبط .وايه اللى يخلي الترسبات اللى عليه تخلي استهلاك البنزين عالي , ويتنظف كل قد ايه تقريبا .

[msobhy]

حضرتك لما بتنظفها لازم تغرقها wd40 لغاية لما اللون الاسود الخاص بالترسبات يختفى ولازم بعد كدة تنشفها كويس وفى احتمال محترم ان العربية تبرجل معاك شوية

[Badrowi]

هو الأيديال كنترول موجود فى كل العربيات ولا الدايو بس
وهل هو فى النوبيرا

[samirayad]

هو الأيديال كنترول موجود فى كل العربيات ولا الدايو بس
وهل هو فى النوبيرا

بالتأكيد موجود فى كل الطرازات للسيارات وقد يختلف طريقة تصميمة من طراز لآخر لأنة ببساطة يتم التحكم فية بواسطة وحدة التحكم الالكترونى أثناء عمل المحرك على سرعة السلانسية....حيث تقوم وحدة التحكم بارسال نبضات فولت الى ملفات موتور بلف الأيديال كنترول مما يؤدى الى فنح مسار هوائى حول بلف الخانق لامداد المحرك بالهواء البسيط اللازم للحريق عند السرعة الخاملة

[ibmtop]

الى انت مشاور عليها دى بطاحات المساعد دى علشات تصد حركة المساعد مع المطبات

طيب دول انا عندي مشروخين علي بسيط
لازم كدة اغيرهم؟, ولو هغيرهم يبقي بكام

وشكرا

[mr_kenawy]

بالتأكيد موجود فى كل الطرازات للسيارات وقد يختلف طريقة تصميمة من طراز لآخر

طيب ياريت صورة توضح مكانه فى النوبيرا