نوبيرا 2008

[mohamedhamdy82]

معايا نوبيرا 2008 عامله 10000 كم . صوت الموتور من يوم ما اشتريتها عالى شويه .. زى ما يكون فيه خشانه كده .. لما كنت بعمل صيانه ال 10000 سألت مهندس الصيانه على الصوت ده قالى ده من علبه البيئه ..وقالى كل النوبيرا 2008 كده بسبب موضوع علبه البيئه دى .
هل الكلام ده صحيح ؟؟
وهل اللى معاهم النوبيرا 2008 بيحسوا بصوت خشانه كده زى حلاتى ؟
على فكره انا بحط بنزين 90 وبغير زيت موبيل xhp فى التوكيل .. هل ده ممكن يكون ليه تأثير على صوت علبه البيئه ؟ بمعنى انى لو غيرت الزيت لموبيل 1 ممكن صوتها يتغير ؟

[Sherif Khalifa]

النوبيرا صوتها عالة بطبيعة الحال
و مش بسبب علبة البيئة هوا المتور كدة

علبة البيئة تعمل صوت عالى لو مفرغة من الفحم الداخلى

اعتقد مفيش عربية زيرة هتنزل بعلبة فاضية

[waleedrahmy]

جميع مواتير الدايو كده صوتها عالي مثل زئير الاسد........ بالنسبة لعربيتك الزيوت التخليقية مستحسنة

[Badrowi]

انا برده كان عندى نفس الوضوع ده
وتوكيل عيسى بالمنصورة قالى الدايو كله كده لاكن مع الاستخدام بخف شوية
لكن انا غيرت لزيت شل الاصفر ومن يومها الحمد لله الصوت بقى كويس ماعدا لو قرصت على الغيار وخليته يزيد عن .3.5rpm

[same7mousa]

وأنا برده الصوت عندي عالي سنه بس بحس انه قوه مش دوشة يعني و أنا بستخدم موبيل 1

[msobhy]

حضرتك علبة البيئة بتساعد على توطية صوت الموتور او بمعنى ادق بتكتمه

[mohamedhamdy82]

يظهر انى ما عرفتش اوصل وجهه نظرى .. انا قصدى ان الصوت ده موجود والعربيه على السلانسيه .. وهى واقفه يعنى .. تحس ان فيه صوت جاى من تحت الماكينه كده .. كأن فيه بلى بيلعب فى حاجه معدن .. مش صوت تخبيط لكنه صوت اهتزاز ..
مع ان الماكينه مش عاليه .. قراءه ال rpm وانا بعمل الصيانه بتكون على الكومبيوتر 850

معلش بالنسبه للاستاذ Badrowi ازاى بتغير شل الاصفر .. ده مش موجود فى التوكيل .. هو ينفع تغير الزيت بره التوكيل ؟؟

[samirayad]

يظهر انى ما عرفتش اوصل وجهه نظرى .. انا قصدى ان الصوت ده موجود والعربيه على السلانسيه .. وهى واقفه يعنى .. تحس ان فيه صوت جاى من تحت الماكينه كده .. كأن فيه بلى بيلعب فى حاجه معدن .. مش صوت تخبيط لكنه صوت اهتزاز ..
مع ان الماكينه مش عاليه .. قراءه ال rpm وانا بعمل الصيانه بتكون على الكومبيوتر 850

معلش بالنسبه للاستاذ Badrowi ازاى بتغير شل الاصفر .. ده مش موجود فى التوكيل .. هو ينفع تغير الزيت بره التوكيل ؟؟

الصوت اللى فى الشكمان دة ...يتطلب منك مشوار كويس على الhigh way لنفض كل الرواسب الكربونية بالشكمان ............

[samirayad]

جميع مواتير الدايو كده صوتها عالي مثل زئير الاسد........ بالنسبة لعربيتك الزيوت التخليقية مستحسنة

أحسنت يا أستاذ/ وليد............................

[ahmad--ezzat]

محدش يقلق يا جماعة انا فى الموال دة من اول ما جبت العربية
هيا برضو نوبيرا 2008 الصوت مش من الموتور الصوت الخشن دة من الحتة اللى تحت علبة الفتيس وعلى فكرة عادى جدا محدش يقلق خالص
على فكرة لو قفلت الزجاج ومشيت بالعربية ونقلت عن 3 ار بى ام هتسمع الصوت واكنة شكمان ديفل (طبعا ببالغ شوية لكن الصوت اخف من الديفل طبعا)
نفس الكلام اتقالى كل النوبيرا فيها كدة

[Badrowi]

بالنسبة لتغير الزيت انت ممكن تغيره قرب ما تكون رايح للتوكيل وتكتفى بدفع ال 50 جنيه الرسوم فقط بتوع الصيانة وتقوله انا مغير زيت او انا حاطت 10000 مثلا اتصرف
وتغير الزيت بره ميخرجش من الضمان

[ahmad--ezzat]

بالنسبة لتغير الزيت انت ممكن تغيره قرب ما تكون رايح للتوكيل وتكتفى بدفع ال 50 جنيه الرسوم فقط بتوع الصيانة وتقوله انا مغير زيت او انا حاطت 10000 مثلا اتصرف
وتغير الزيت بره ميخرجش من الضمان

ولية اغير برة
وعلى فكرة الصيانة السابقة بيكون مكتوب فيها الزيت اللى انت حاطو سابقا

[mohamedhamdy82]

محدش يقلق يا جماعة انا فى الموال دة من اول ما جبت العربية
هيا برضو نوبيرا 2008 الصوت مش من الموتور الصوت الخشن دة من الحتة اللى تحت علبة الفتيس وعلى فكرة عادى جدا محدش يقلق خالص
على فكرة لو قفلت الزجاج ومشيت بالعربية ونقلت عن 3 ار بى ام هتسمع الصوت واكنة شكمان ديفل (طبعا ببالغ شوية لكن الصوت اخف من الديفل طبعا)
نفس الكلام اتقالى كل النوبيرا فيها كدة

الله ينور عليك يا باش مهندس .. انت كده فهمت قصدى ..
يعنى هو الصوت عادى كده ؟

[ahmad--ezzat]

اة يا باشا عادى طبعا ومتقلقش وعلى فكرة انا ركزت مع جميع النوبيرا اللى ماشية فمصر سمعت الصوت دة (انا موسوس شوية بس اكتشفت ان الصوت عادى) دة ف نوبيرا 2 فقط لان الشكمان بالكامل مصرى

[ringoo84]

هي فعلا النوبيرا صوتها على شويه بس موش للدرجه دي حاول تتاكد