اللانوس هي الاقل استهلاكا للبنزين على الطرق السريعه فقط

[SamerBassiouny]

معلش مش فاهم ردك ؟!!!!!

انا قصدي ان110 هي السرعه العموديه على العداد في اللانوس

بس الاستاذ محمد ممدوح قال ان الكلم بتاع اقل استهلاك للبنزين ده مش صحيح

[gr8gr4]

تجربتى فى استهلاك البنزين مع اللانوس

كنت أقتنى لانوس 2008 بدون كماليات وقمت بشرائها فى شهر مايو 2008 وكرهت نفسى واللانوس بسبب البنزين حيث تستهلك بنزين مثل كل فئات فئة ال 1600 سى سى مش أقل أو إقتصادية مثلما كان الحديث عنها قبل أن أشتريها وحتى فى السفر وجدتها غير موفرة بدرجة كبيرة حيث كنت اسافر للسويس بشكل اسبوعى من المعادى حتى استاد السويس الجديد بمسافة تقدر بنحو 150 كيلو باستهلاك 12 لتر بالتمام والكمال أى أن صفيحة البنزين 20 لتر تكفى أقل من 300 كيلو فى حال الطرق السريعة علما بأن السرعة لا تزيد عن 100 كيلو وهى مثالية جدا حسب ما ذكر بموقع دايو الكورى وبحسب ما يتردد بالتوكيل أما عن الطرق الداخلية ووسط العاصمة فكنت أفضل ركوب المترو عن ركوب السيارة اللهم ان كانت هناك ضرورة والحمد لله قمت ببيعها الشهر الماضى ولم أخسر سوى 8 الاف جنية فقط وربنا كرمنى بسيارة اخرى والحمد لله ولا داعى لذكرها حتى لا يتهمنى البعض بالتشنيع وتردديد الاشاعات ويكفى اننى مشيت بها 30 ألف كيلو قبل بيعها ولى من الخبرة ما يكفى للحكم على السيارات

[Shiref_mohamed]

300 كيلو على السريع وزعلان منها طيب ممكن تقولنا العربية الى حضرتك جبتها كام سيسي وبتعمل كام في الصفيحة في نفس المشوار:b4_048:

[gr8gr4]

رائعة هيونداى فيرنا فيفا

شريف بك السيارة التى قمت بشرائها هى هيونداى فيرنا فيفا 1500 سى سى بمبلغ 67 ألف جنية كاملة مانيوال تقفيل هندى وبتعمل نفس المشوار بحوالى 8 لتر دون تشغيل التكييف ( علشان أنا جبتها من شهرين بس يعنى بعد موجة الحر بكتير ) والحمد لله الصفيحة بتعمل ما يقرب من 375 كيلو على الطرق السريعة أما الطرق الداخلية فلم أحسبها حتى الان حيث اننى أركب مترو الانفاق حاليا ومنذ شهر نوفمبر الماضى أما بمحافظة السويس حيث كثافة السيارات أقل بالشوارع عنها بالقاهرة فعملت معايا ذهاب للسويس 150 كيلو والمكوث هناك 3 أيام والمشى بها داخليا بمعدل 30 كيلو يوميا والعودة لنفس محطة البنزين ( وطنية بالمعادى على الاتوستراد ) ما بين 22 الى 23 لتر

[Strong]

هي السرعة الإقتصادية في اللانوس كام على الطريق وكام داخل البلد ؟

[Shiref_mohamed]

شريف بك السيارة التى قمت بشرائها هى هيونداى فيرنا فيفا 1500 سى سى بمبلغ 67 ألف جنية كاملة مانيوال تقفيل هندى وبتعمل نفس المشوار بحوالى 8 لتر دون تشغيل التكييف ( علشان أنا جبتها من شهرين بس يعنى بعد موجة الحر بكتير ) والحمد لله الصفيحة بتعمل ما يقرب من 375 كيلو على الطرق السريعة أما الطرق الداخلية فلم أحسبها حتى الان حيث اننى أركب مترو الانفاق حاليا ومنذ شهر نوفمبر الماضى أما بمحافظة السويس حيث كثافة السيارات أقل بالشوارع عنها بالقاهرة فعملت معايا ذهاب للسويس 150 كيلو والمكوث هناك 3 أيام والمشى بها داخليا بمعدل 30 كيلو يوميا والعودة لنفس محطة البنزين ( وطنية بالمعادى على الاتوستراد ) ما بين 22 الى 23 لتر

انا فعلا بسمع ان الفيرنا بتستهلاك بنزين اقل من اللانوس بس انا عاوز اقول لحضرتك حاجه هو انت جبت لانوس زيرو في 5/2008 وبعتها واشتريت فيفا زيرو في 10/2009 يعني مصبرتش على اللانوس غير 5 شهور فقط غريب اوى الموضوع ده وعلى العموم مبروك عليك الفيفا

[Shiref_mohamed]

انا فعلا بسمع ان الفيرنا بتستهلاك بنزين اقل من اللانوس بس انا عاوز اقول لحضرتك حاجه هو انت جبت لانوس زيرو في 5/2008 وبعتها واشتريت فيفا زيرو في 10/2008 يعني مصبرتش على اللانوس غير 5 شهور فقط غريب اوى الموضوع ده وعلى العموم مبروك عليك الفيفا

كتبت 2009 بدل 2008

[gr8gr4]

بدون تهكمات وانيميشن

أخ شريف
أولا لا يجوز وضع هذة الرموز فى الرد كتابيا لأن ما طرحتة فى كلامى رأى شخصى عن تجربتى أنا وليس أحد غيرى
ثانيا ،، عملى كصحفى ومعد برامج أتاح لى الحصول على السيارة اللانوس كاش بسعر مغرى وعند بيعها لم أخسر سوى مبلغ فى وجهة نظرى قليل متبعا مقولة خسارة قريبة ولا مكسب بعيد
حيث كرهت نفسى من معاملة الوكيل المتعجرفة واضطرارى فى كل مرة أنوى الذهاب للتوكيل الاتصال بزملائى الصحفيين المختصين بالسيارات حتى أستطيع الحصول على خدمة معقولة دون النظر للمصاريف للدرجة التى جعلت أحدهم ينصحنى بالتخلص منها طالما كثرت الشكوى وكثر الذهاب بها وما أدراك بالقرف من ضياع يوم كامل والعودة دون فائدة مع تحملى مصنعيات ومصاريف ادارية وحاجات بتتغير والمشكلة كما كانت علية من قبل ،، كما طهقت وزهقت من الوكيل اللى فى شارع التحرير بالدقى حيث لا خدمة ولا مكان تجلس تجلس فية زى الناس فما عليك سوى الذهاب لمقهى بجوار جزارة السبكى أو الوقوف على قدميك تنظر من بعيد لسيارتك حينما يصيبها الدور فى الصيانة وتترقب العاملين وهم يعملون دون أن تدرى من أمرها شيئا سوى دفع الفاتورة غلى الخزينة ويقال لك كلة تمام لتفاجئ وانت فى طريق العودة بنفس المشكلة ،،، ولك أن تتخيل انك دفعت دم قلبك وهو ما زال ساخنا فى سيارة (ولا داعى للغلط فيهم ) فيكفى أن أقول حسبى الله ونعم الوكيل
ورغم مصاريف غلاء صيانة هيونداى عند 1000 كيلو و 5000 كيلو إلا أن المعاملة أفضل ومكان أدمى تجلس فية ( وبرضة غالى شوية ) وتستطيع تجربة السيارة قبل الخروج من التوكيل ،، أما عن موضوع 2009 فلك منى العذر ،،،
أما السرعة المثالية للسفر حسب موقع الشركة والتوكيل 100 كيلو على الغيار الخامس واليك التعليمات التى حصلت عليها
الغيار الاول بحد أقصى 5 كيلو الثانى بحد أقصى 20 كيلو الثالث بحد أقصى 50 كيلو الرابع بحد أقصى 80 كيلو والخامس للسرعة المثالية 100 كيلو أما الطرق الداخلية فلم أستطع للان الوصول للسرعة المثالية ،،،
تقبل منى تحياتى وتقديرى
عادل الفخرانى

[Shiref_mohamed]

[quote=gr8gr4;597242]أخ شريف
أولا لا يجوز وضع هذة الرموز فى الرد كتابيا لأن ما طرحتة فى كلامى رأى شخصى عن تجربتى أنا وليس أحد غيرى

ليه لايجوز وضع الرموز انا حطيت رمز جمب كلمة فيرنا عشان انا مش بحب العربية ديه خالص (وده رأي شخصى )وكل واحد وذوقه لأنه لولا اختلاف الأذواق لبارت السلع وكمان الدليل على كده اني باركتلك على العربية
اما بالنسبة للرمز التاني ده بيعنى علامة التعجب وانا وضعته لأنى تعجبت من واحد اشترى عربية زيرو وباعها بعد 5 شهور فقط وده ولاهو عيب ولا حرام وحضرتك تكرمت ووضحت ظروفك الخاصة الى دفعتك انك تعمل كده
فين بقى التهكمات ديه إذا كان قواعد المنتدى بتخلينا نستخدم الإبتسامات يبقى حضرتك ملكش حق انك تمنعنى من انى استخدمها

[Shiref_mohamed]

ثانيا ،، عملى كصحفى ومعد برامج أتاح لى الحصول على السيارة اللانوس كاش بسعر مغرى وعند بيعها لم أخسر سوى مبلغ فى وجهة نظرى قليل متبعا مقولة خسارة قريبة ولا مكسب بعيد
حيث كرهت نفسى من معاملة الوكيل المتعجرفة واضطرارى فى كل مرة أنوى الذهاب للتوكيل الاتصال بزملائى الصحفيين المختصين بالسيارات حتى أستطيع الحصول على خدمة معقولة دون النظر للمصاريف للدرجة التى جعلت أحدهم ينصحنى بالتخلص منها طالما كثرت الشكوى وكثر الذهاب بها وما أدراك بالقرف من ضياع يوم كامل والعودة دون فائدة مع تحملى مصنعيات ومصاريف ادارية وحاجات بتتغير والمشكلة كما كانت علية من قبل ،، كما طهقت وزهقت من الوكيل اللى فى شارع التحرير بالدقى حيث لا خدمة ولا مكان تجلس تجلس فية زى الناس فما عليك سوى الذهاب لمقهى بجوار جزارة السبكى أو الوقوف على قدميك تنظر من بعيد لسيارتك حينما يصيبها الدور فى الصيانة وتترقب العاملين وهم يعملون دون أن تدرى من أمرها شيئا سوى دفع الفاتورة غلى الخزينة ويقال لك كلة تمام لتفاجئ وانت فى طريق العودة بنفس المشكلة ،،، ولك أن تتخيل انك دفعت دم قلبك وهو ما زال ساخنا فى سيارة (ولا داعى للغلط فيهم ) فيكفى أن أقول حسبى الله ونعم الوكيل
ورغم مصاريف غلاء صيانة هيونداى عند 1000 كيلو و 5000 كيلو إلا أن المعاملة أفضل ومكان أدمى تجلس فية ( وبرضة غالى شوية ) وتستطيع تجربة السيارة قبل الخروج من التوكيل ،، أما عن موضوع 2009 فلك منى العذر ،،،
أما السرعة المثالية للسفر حسب موقع الشركة والتوكيل 100 كيلو على الغيار الخامس واليك التعليمات التى حصلت عليها
الغيار الاول بحد أقصى 5 كيلو الثانى بحد أقصى 20 كيلو الثالث بحد أقصى 50 كيلو الرابع بحد أقصى 80 كيلو والخامس للسرعة المثالية 100 كيلو أما الطرق الداخلية فلم أستطع للان الوصول للسرعة المثالية ،،،
تقبل منى تحياتى وتقديرى
عادل الفخرانى

اولاً : كويس ان انتا مخسرتش بس ليه معملولكش خصم على الفيفا (67000) وعملولك خصم على الدايو
ثانياً : فعلا توكيل الكويت والبلاد العربية الى في الدقى ناس كتير اشتكت منه مش انت بس بس توكيل ابورواش كويس
ثالثاً : انا عمرى مشفت حد شكر في غبور وتوكيله

[gr8gr4]

كلاكيت تالت مرة

بشأن تخفيض اللانوس دة كان عرض من أبوالفتوح لصالح نقابة الصحفيين بخصم 10 % فى شراء السيارة كاش من المعرض الرئسى بكورنيش النيل بالمعادى ،،
أما الفيفا فلم يكن هناك عروض سوى تخفيض بسيط من هيونداى حصل علية زميل لى متخصص فى صحافة السيارات ،،
وعن الوتوكيل وسبب الشكر فيرجع فقط عند قيامى بصيانة 1000 و5000 بالذهاب فى الوقت المحدد لى سلفا بالمكالمة الهاتفية لحجز موعد الصيانة وعدم الانتظار أكثر من 4 ساعات مت تغيير الزيت والفلتر وبعض الملاحظات البسيطة ،،،
أخيرا أود أن أقول أننى علقت على سعر الخدمة وسعر كافتريا الانتظار والغلاء الذى قابلتة ولكن ما عوضنى هو حسن الاستقبال وسرعة انهاء الصيانة
أما كراهيتك للسيارة فكما ذكرت أنت لولا الاذواق لفسدت السلع ،، وبالبلدى بعد تجربة السيارات حظوظ فزوجتى لديها اسبرانزا A 113 والبعض اشتكى منها وأيضا لم تعجبنى ولكنها مبسوطة منها جدا ،،، ولك تحياتى مستر شريف

[lol656]

ده ميكنيكي عبقري ايه النظريات الرهيبة دي

[Michael_Lanos]

انا اخر مره عالصحاروى عملت معايا فى اللتر 14 كيلو، لكن جوه البلد خراب من 9 الى 10 كيلو فى الليتر