حاجة غريبة فى الفرامل

[amrrashed]

السلام عليكم يا جماعة

معروف ان فرامل اللانوس ضعيفة بس انا بحس ان مشوار الدواسة ساعات بيختلف ساعات بيطول او بيقصر علما بأنى لسة مغير طنابير امامى
سؤال تانى هوا ليه لما الكهربا تفصل الفرامل تبقى تقيلة مووووووووووووووت ؟

وشكرا

[hazem_khidr]

عليكم السلام يا استاذ عمرو
بالنسبه لان المشوار بيطول و يقصر اكشف علي زيت الباكم لو بينقص يبقي ماستر الفرامل محتاج يتغتير او يتغير الجلد بتاعه.
لكن في الغالب ان التيل الخلفي عندك متآكل و عاوز تغيير.و دا ممكن تلاحظه بسهوله لو لقيت مشوار فرامل اليد بقي طويل(اكبر من خمس او ست تكات) دا معناه ان التيل الخلفي بينتهي و الحق غيره قبل ما الطنابير الخلفيه تتاكل و جرب كده انك تتحرك و فرامل اليد مرفوعه و دوس فرامل لو الفرامل لقيتها عاليه يبقي كده اكيد فعلا التيل عاوز يتغير.


بالنسبه لما الكهربا بتفصل ف العربيه مش بيبقي فيها غير فرمله واحده بس و بعد كده بتتقل علشان السيرفو بيكون فصل و مش بيدفع هواء لدوره الفرامل

[amrrashed]

الف شكر ليك يا حازم على الرد الوافى

[hazem_khidr]

العفو يا عمر علي ايه .يا رب اكون عرفت افيدك